Mika 4:1 - ÎVUKU RÎA ÛVORO MWARO

¹ Îvinda nîrîgakinya rîrîa kîrîma kîrîa gîtumîtwe hekarûrî ya Ngai-Mûnene gîkethîrwa kîrî gîtûgîru gûkîra irîma cionthe, nîgîgaatûgîrua gûkîra tûrîma tuonthe, na ndûrîrî nyîngî nîikaathiîcaga kuo.

Mika 4:1 ပူးပေါင်းရင်းမြစ်များ

Kîam 49:1

Jakovu nîwetire anake ake na akîmera atîrî, “Tacokanîrîrani vamwe nîmwîre maûndû marîa mageekîka kûrî mue vuvarî.

Kîam 49:10

Mûragi wa ûtongoria ndûkaauma Juda, njiarwa ciake nîcio igûtûûra ciathanaga. Mavûrûri monthe nîmakaamwathîkîra, na menamagîrîre mbere yake.

Thaburi 110:3

Mûthenya ûrîa ûkaathiî kûrûa na nthû ciaku, andû aku nîmakevecana na njîra ya kwîyendera. Ta ûrîa îme riumaga kîraûko tene, nîguo anake aku magaaûka kûrî we irîmarî irîa nyamûre.

Thaburi 22:27

Mavûrûri monthe nî makaaririkana Ngai-Mûnene na mamûcokerere, andû a mîvîrîga yonthe nî makaamûgooca.

Thaburi 48:1

Ngai-Mûnene nî mûnene na nîwagîrîrwe nî gûkumua mûno, îtûûrarî rîa Ngai wetû, kîrîmarî gîake kîtheru.

Thaburi 86:9

Ndûrîrî cionthe irîa waûmbire nîigaaûka ikûgooce, we Mwathani; na nîikaanîrîra ûnene wa rîîtwa rîaku.

Isaia 27:13

Mûthenya ûcio karumbeta kanene nîgakaavuvwa, nao Aisiraeli arîa maaûrîrîte vûrûrirî wa Asîria na arîa maavirîtwe îthamîriorî vûrûrirî wa Misiri nîmagaaûka na magoocere Ngai-Mûnene îgûrû rîa kîrîma kîrîa kîtheru Kîam Jerusalemu.

Isaia 43:6

Nîngera mwena wa rûgûrû, ‘Marekererie mathiî,’ naguo mwena wa îveti nîwîre, ‘Ndûkamavingîrîrie.’ Cokiani andû akwa kuuma mavûrûri ma kûraca, na mûrete erîtu akwa kuuma mîthiia ya nthî.

Isaia 49:6

Ke augîte atîrî, “Tî ûndû mûvûthû gûtuîka ndungata yakwa, ûrûngamie rîngî mîvîrîga ya Jakovu, na kûrûnga andû a Isiraeli arîa maatigarire. Nwatî nîngûgûtua ûtheri kûrî andû a Ndûrîrî, nîguo andû onthe a gûkû nthî mavonoke.”

Isaia 54:2

Araramia îgema rîaku, na ûtambûrûkie itambaa cia kûrîa ûtûûraga, ndûkegue vinya, gucagucia mîkanda, na ûkindîre nthugî ciarîo.

Isaia 56:7

nîngaamavira kîrîmarî gîakwa Kîammûre, na ndûme magîe na gîkeno marî nyombarî yakwa ntheru, na nîngaamûkîra magongoona marîa makaarutagîra metharî yakwa. Nîûndû nyomba yakwa nîgeetagwa: ‘Nyomba ya kûvoyagîrwa nî andû a ndûrîrî cionthe.’ ”

Jeremia 16:19

We Ngai-Mûnene nîwe ûngitagîra na ûmvecaga vinya; nîwe ûndethagia vîndî ya mathîna. Mavûrûri kuuma mîena yonthe ya nthî nîmagaûka kûrî we makwîre atîrî, “Gûtirî kîndû methe metû maagaire tiga ngai cia maveeni, na indo îtarî vata kana umithio.

Jeremia 26:18

“Mika wa Moreshethi nîwarathire vîndî îrîa Hezekia aarî mûthamaki wa Juda, na akîîra andû onthe a Juda atî, ‘Ngai-Mûnene mwene vinya wonthe augîte, Zayuni nîgûkaarîmwa ta ûrîa mûraû ûrîmaga mûgûnda, Jerusalemu gûgaatuîka îganjo, nakîo kîrîma varîa hekarû îtumîtwe gîtuîke mûtitû.’

Jeremia 3:17

Vîndî îo îtûûra rîa Jerusalemu rîgetwa, ‘Gîtî Kîam ûthamaki Kîam Ngai-Mûnene,’ na mavûrûri monthe nîmakaagomana na mangooce. Matigatongorua rîngî nî maûndû macûku ma ngoro ciao.

Jeremia 31:12

Nîmagaûka maine na maugîrîrîtie marî kîrîmarî gîa Zayuni, nîmagaakena nîûndû wa maûndû maro ma Ngai-Mûnene, nîmagaakena nîûndû wa irio cia mûgûnda ndivei na maguta ma ndamaiyû, nîûndû wa ndîthia ya ng'ondu na ng'ombe. Makethîrwa mekariî ta mûgûnda wîtîrîrîtue manjî, na matikathîna rîngî.

Jeremia 48:47

Nwatî vuvarî nîngacokeria Moabu mûnyaka wake. Ûguo nîguo Ngai-Mûnene arauga.” Rîu nîrîo îtuîro rîa vûrûri wa Moabu.

Ezek 38:16

Nîûkaatharîkîra andû akwa a Isiraeli ta ûrîa îtu rîkunîkagîra vûrûri. Vîndî îo nîngaakûrete ûtharîkîre vûrûri wakwa nîguo mavûrûri mamenye atî nîngûvûthîrîte we Gogu nîguo monanie ûtheru wakwa mbere yao.

Ezek 40:2

Na njîra ya kîoneki Ngai-Mûnene nîwambocire akîmbira vûrûrirî wa Isiraeli na akîmbiga vandû îgûrû kîrîmarî kîraca. Mwena wa îveti wa kîrîma kwarî na mîako yonekaga ta îtûûra rînene.

Ezek 43:12

Ûyû nîguo watho wa hekarû: kûndû kûrîa kuonthe kûmîthiûrûrûkîrîtie kûu kîrîmarî îgûrû nwanginya kwîthîrwe kûrî kwamûre na kûtheru.”

Danieli 10:14

Nie naûka gûgûtethia gûtaûkîrwa nî maûndû marîa mageekîka kûrî andû aku mavinda marîa magaaûka. Nîûndû kîoneki gîkî nîkîa mavinda marîa magaaûka.”

Danieli 2:28

Nwatî îgûrû, kûrî Ngai ûrîa ûguûragia maûndû marîa marî nthithorî, na nîaguûrîrîtie Mûthamaki Nebukadinezarû ûrîa gûkethîrwa gwîkariî vuvarî. Kîroto na cioneki irîa warî nacio rîrîa wamamiî nî îno:

Danieli 2:35

Nayo cuuma, yûmba, gîcango, sîlûva na thaavu nîciaunîkangire tûcunjî, na igîtuîka ta mavûngo ma ngano îtîrirî vîndî ya riûa. Nîciagûrûkîrue nî rûkûngi cionthe, na gûtirî wa naarî gacunjî gaatigarire. Nwatî îthiga rîrîa rîaringire mûvuano ûcio, nîrîatuîkire kîrîma kînene na gîgîcûra nthî yonthe.

Danieli 2:44

Îvinda rîu rîa athamaki acio, Ngai ûrîa wî îgûrû nîakaarûngamia ûthamaki ûtakaathira. Ûthamaki ûcio ndûkaavotwa, na nîûgaacûkangia mothamaki mau mengî monthe mathire viû, ûcoke ûtûûre wathanaga tene na tene.

Danieli 7:14

Nake nîwaverwe wathani, riiri, wana ûthamaki, nîguo andû a iruka cionthe, mavûrûri monthe, na nthiomi cionthe mamûtungatagîre. Wathani ndûkaathira rî kana rî, na ndûgaacûkangua.

Danieli 7:18

Nwatî andû a Ngai Ûrîa Ûrî Îgûrû mûno nîmakaavewa ûthamaki, na ûtûûre ûrî wao tene na tene.’

Danieli 7:22

Nake ûrîa ûtûûrîte tene na tene, nîwatuîrîre andû a Ûrîa Ûrî Îgûrû Mûno, na kavinda nîgaakinyire rîrîa andû a Ngai maamûkîre Ûthamaki.

Danieli 7:27

Naguo ûthamaki na wathani, na ûnene wa mothamaki monthe ma nthî ûkavewa andû a Ngai Ûrîa mûnene, na ûthamaki wao ndûkaathira, na athamaki onthe a nthî nîmakaamathîkîra na mamatungatagîre.’

Hosea 3:5

Vuvarî, andû a Isiraeli nîmagacoka macarie Ngai-Mûnene Ngai wao na macarie mûthamaki wao wa rûciaro rwa Daudi. Nîmagacoka magoce Ngai-Mûnene Ngai wao na kwîvoka wega wake mavinda ma mûthiia.

Mika 3:12

Kwoguo, nîûndû wenyu, Zayuni nîîkarîmwa ta mûgûnda, Jerusalemu îgekara ta îganjo, nakîo kîrîma gîa hekarû gîtuîke mûtitû.

Zakaria 14:10

Vûrûri wonthe nîûkaaraganua kuuma Geba mwena wa rûgûrû kûthiî nginya Rimoni mwena wa îveti wa îtûûra rîa Jerusalemu. Nwatî îtûûra rîa Jerusalemu nîrîgaatûgîrua na rîtigwe rîrûngamîte varîa rîrî kuuma mwîrîgarî wa mûvîrîga wa Benjamini nginya mwîrîgarî wa mbere na kûthiî mwîrîgarî ûrîa ûrî konarî, na kuuma nyombarî îrîa ndaca na îgûrû ya Hananeli kinya kîvivîrorî Kîam ndivei Kîam mûthamaki.

Zakaria 2:11

Îvinda rîu ndûrîrî nyîngî nîigaacokerera Ngai-Mûnene, na nîigaatuîka andû ake, na atûûranie nao. Namue nîmûkaamenya atî nî Ngai-Mûnene mwene vinya wonthe ûndûmîte kûrî mue.

Zakaria 8:3

Nîngaacoka Zayuni nîguo ngatûûre Jerusalemu, nayo nîgaacoka gwîtagwa îtûûra rîvokeku, na kîrîma Kîammûre Kîam Ngai-Mûnene mwene vinya wonthe.

Malaki 1:11

nîûndû andû a mavûrûri monthe ma nthî nîmakumagia rîîtwa rîakwa. Kûndû kuonthe nîmvîvagîrua ûbani na ngarutîrwa magongoona matheru, nîûndû rîîtwa rîakwa nîrîkumagua nî mavûrûri monthe.

Ciîko 2:17

‘Ngai augîte atî: Mîthenyarî ya mûthiia, nie nîngetîrîria andû onthe Roho wakwa. Ariû na aarî enyu nîmakaanîrîra ndûmîrîri yakwa kûrî andû; anake enyu na erîtu enyu nîmakoona cioneki, nao andû enyu arîa akûrû, nîmakaarota iroto.

Ahib 1:2

Nwatî mavinda mama ma mûthiia, Ngai nîatwarîrîtie na njîra ya Mûriû wake. Ngai aaûmbire nthî yonthe na njîra ya Mûriû wake na nîke Ngai athuurîte nîguo mûthiiarî akagaa indo cionthe.

2Pet 3:3

Îgûrû rîa maûndû monthe, nwanginya mûmenye atî mîthenyarî ya kûrigîrîria, nîgûkaumîra andû amwe marî na mîkarîre yathagwa nî merirîria mao macûku. Nao nîmakaamûnyûrûria

Kûguû 11:15

Nake Mûraika wa mûgwanja nîwavuvire karumbeta gake. Nakuo îgûrû nîkwagîre na mîgambo mînene yaugaga atîrî, “Ûthamaki wa nthî nîûtuîkîte wa Mwathani wetû na wa Mesaya wake. Nake nîakaathana tene na tene!”

Kûguû 15:4

Nîûrîkû ûtagagûtîîa na akumie rîîtwa rîaku, Mwathani? We nîwe wenga Mûtheru. Mavûrûri monthe nîmagaaûka na makûgooce, nîûndû ciîko ciaku cia kîvooto nîcionagwa nî andû onthe.”

Kûguû 20:4

Ngîcoka ngîona itî cia ûthamaki kûu îgûrû. Nao arîa maaciîkarîrîte nîmaaveetwe ûvoti wa gûtucanîra. Wana nînoonire mîoyo ya andû arîa maaûragirwe nîûndû nîmaanîrîre ûvoro wa Ngai na ûma ûrîa waguûrirue nî Jesû. Acio matianagooca nyamû kana mûvuanano wayo, na matianekîrwa rûûri rwa nyamû ûthiû kana njararî ciao. Andû acio nîmaagîre na mwoyo rîngî na makîathana marî athamaki vamwe na Kristû kavinda ka mîaka ngiri îmwe.