Mika 3:9 - ÎVUKU RÎA ÛVORO MWARO

⁹ Tanthikîrîriani mue atongoria a nyomba ya Jakovu; thikîrîriani mue anene a nyomba ya Isiraeli, mue mûmenete kîvooto, mue mûgarûraga ûûma mûgaûtua maveeni.

Mika 3:9 ပူးပေါင်းရင်းမြစ်များ

Nehemia 13:17

Nînacokire ngîkararania na atongoria a Juda na ngîmeera atîrî, “Taroria maûndû marîa macûku mûreka! Mue nîmûratûma thavatû îthîrwe îtarî ntheru.

Ntha 3:16

Thiî ûnganie atongoria onthe a andû a Isiraeli vamwe na ûmere atî, Ngai-Mûnene, Ngai wa methe menyu, Ngai wa Iburahimu, Isaka na Jakovu nî arakuumîrîre. Meere nîmonete ûrîa andû a Misiri marameka,

Nthi 17:15

Mûndû ûrîa ûverithagia mûndû mûthingu na mûndû ûrîa ûrekagîrîria mûndû mwaganu, Ngai-Mûnene nîamathûrîte wa oîrî.

Nthi 17:23

Mûndû mwaganu ocaga îvaki na nthitho, nîguo ndakarûmîrîre kîvooto.

Nthi 18:5

Tî waro kwonia mûndû mwaganu kîmenyano, na tî waro kwima mûndû mwîvokeku kîvooto.

Nthi 21:7

Waganu wa andû arîa aganu nîguo ûkaamacûkangia, nîûndû nîmaregaga gwîka ûrîa kwagîrîrîte.

Isaia 1:23

Atongoria enyu nî aremi na nî arata a aîi. Onthe nîmendete kûvakwa na nîmamûkagîra iveo. Matigitagîra ciana cia ndigwa, na matiaragîrîria aka a ndigwa.

Jeremia 5:28

nîanoru na nîarûngarû. Ciîko ciao njûku nîikîrîte njano, matitucagîra ciana cia ndigwa na kîvooto, na mationanagia waragania kûrî andû arîa avinyîrîrie.”

Ezek 44:23

“Athînjîri-Ngai makathomithagia andû ngûrani ya indo irîa ntheru na irîa itarî ntheru, na gûkûrana indo irîa irî mûgiro na irîa itarî mûgiro.

Hosea 5:1

Ta thikîrîriani ûvoro ûyû, mue athînjîri-Ngai! Tegani matû mue andû a Isiraeli! Ta thikîrîriani, mue nyomba ya mûthamaki! Mue mwagîrîrwe nî kûrûmîrîra kîvooto, îthenya rîa ûguo mwîthîrîtwe mûrî mûtego kûu Mizipa, ta neti ya kûmûnyita yarîtwe kîrîmarî Kîam Taboru.

Alawi 26:15

mwarega kûvingia maathani makwa na irîra ciakwa na mûrege kûvingia kîrîkanîro kîrîa naarûthire namue,

Amosi 5:7

Îîmenyerereni mue arîa mûreganaga na ûûma na mûgakinyangîra kîvooto nthî.

Mika 1:1

Ndûmîrîri ya Ngai-Mûnene nîyakinyîre Mika vîndî îrîa Jothamu, Ahazi, na Hezekia maarî athamaki a vûrûri wa Juda. Mûrathi Mika aarî wa kuuma îtûûra rîa Moreshethi, na nîwaguûrîrue maûndû marîa maarî mekîke Samaria na Jerusalemu.

Mika 3:1

Mûrathi Mika nîwaugire atîrî, “Thikîrîriani mue anene na atongoria a andû a Isiraeli! Mwagîrîrwe nî kwîthîrwa mûkîrûmîrîra kîvooto.

Gûco 27:19

“ ‘Kûnyitwa nî kîrumi nî mûndû ûrîa ûcunaga ageni, ciana cia ndigwa, na aka a ndigwa kîvooto.’ “Nao andû onthe nîmakaauga, ‘Ameni!’