Mika 3:10 - ÎVUKU RÎA ÛVORO MWARO

¹⁰ Mue mûratuma îtûûra rîa Zayuni na nthakame, mûgatuma Jerusalemu na ûragani na wagi wa kîvooto.

Mika 3:10 ပူးပေါင်းရင်းမြစ်များ

Ezek 22:3

Îra îtûûra rîu Ngai-Mûnene arauga atî, we nîûragaga andû aku na nîwîgwatagia gîko na njîra ya kûvoya mîvuanano, kwoguo îvinda rîaku nîrîkinyu.

Mika 7:2

Gûtirî mûndû wîvokete Ngai mûtigaru gûkû nthî, na gûtirî mûndû wathîkagîra Ngai. Gûtirî mûndû wana ûmwe mwîvokeku ûtigarîte, onthe methagîrwa magîcaria kanya ga kûûragana. Wa mûndû acaragia ûrîa angînyitithia mûndû ûrîa wîngî.

Zefania 3:3

Anene akuo mekariî ta mînyambû îkîrarama; atucanîri ciira a kuo mekariî ta ciathi mvûtu, irîa itangîtiga kûthûa îvîndî nginya kîraûko.

Mathaayo 27:25

Nakîo kîrîndî kîonthe nîgîacokirie atîrî, “Nthakame yake nî îtûcokerere na îcokerere ciana cietû.”

Johana 11:50

Anga mûtiîcî nî kava mûndû ûmwe akuîre andû gûkîra gwîtîkîra rûrîrî ruonthe rûcûkangue.”