Mika 2:8 - ÎVUKU RÎA ÛVORO MWARO

⁸ Nwatî mue mûtharîkagîra andû akwa ta nthû; nîmûcunaga andû arîa endi thayû nguo ciao, arîa macokaga kuuma mbaararî magîciiragia atî mûciî marî na thayû.

Mika 2:8 ပူးပေါင်းရင်းမြစ်များ

2Sam 20:19

Tûrî andû a îtûûra înene gûkû Isiraeli. Tûrî andû arîa mendete thayû na evokeku mûno gûkû Isiraeli. Ûrenda gûcûkangia îtûûra nîkî? Nîndûî kîratûma wenda gûcûkangia kîrîa Ngai-Mûnene ethuurîrîte?”

Thaburi 55:20

Mûnyanyawa nîatharîkîrîte arata ake; nîaunîte kîrîkanîro gîake nao.

Isaia 9:21

Manase na Efiraimu matharîkanagîra o ene, nao oîrî marî vamwe matharîkagîra Juda. Nîûndû wa maûndû mau monthe marakara ma Ngai-Mûnene tî mathiru, nwa atambûrûkîtie njara yake nîguo îverithanie.

Jeremia 12:8

Andû akwa nîmambûkîrîrîte, nîmarandaramîra ta mûnyambû kîthakarî, na kwoguo nînîmamenete.

Mika 3:2

Nwatî mue mûmenete maûndû marîa maro na mûkenda maûndû marîa macûku. Mûrutaga andû akwa rûûo, na mûgatinangia nyama kuuma mavîndîrî mao.

Mika 3:3

Mûrîcaga nyama cia andû akwa, mûkamaruta rûûo mîrîrî yao, munangaga mavîndî mao, na mûgatinangia nyama ciao tûcunjî tûcunjî ta cia kûrugwa na nyûngû.

Mika 7:2

Gûtirî mûndû wîvokete Ngai mûtigaru gûkû nthî, na gûtirî mûndû wathîkagîra Ngai. Gûtirî mûndû wana ûmwe mwîvokeku ûtigarîte, onthe methagîrwa magîcaria kanya ga kûûragana. Wa mûndû acaragia ûrîa angînyitithia mûndû ûrîa wîngî.

Mika 7:3

Onthe nîmaicî waro gwîka maûndû marîa macûku; atongoria na acirithania metagia mavaki. Mûndû ûrî îgweta aragia maûndû macûku marîa marî ngororî yake, kwoguo mavangaga vamwe maûndû marîa makwenda.