Mika 2:11 - ÎVUKU RÎA ÛVORO MWARO

¹¹ Ethîrwa mûndû nwa athiî akîaragia maveeni, akiugaga atî, ‘Nîmûrathagîra atî ndivei na njovi nîciîthîrwa irî nyîngî,’ mûvunjia ta ûcio nîke andû aya mangîenda.

Mika 2:11 ပူးပေါင်းရင်းမြစ်များ

1Atha 13:18

Mûrathi ûcio mûkûrû waumîte Betheli nîwamwîrire atîrî, “Nie nîrî mûrathi wa tawe, na Ngai-Mûnene ambathîte na njîra ya mûraika, ambîra ngwoce tûcoke nawe mûciî gwakwa nîguo ûrîe na ûnyue.” Nwatî mûrathi ûcio mûkûrû nîkwa aavenanagia.

1Atha 22:6

Ahabu, mûthamaki wa Isiraeli nîwaûnganirie arathi ta magana mana (400) vamwe na akîmaûria atîrî, “Nthiî ngatharîkîre îtûûra rîa Ramothi-gileadi, kana mbîkare?” Nao nîmaamûcokerie atîrî, “Thiî ûkarîtharîkîre, Ngai-Mûnene nîagûkûvotithia kûvootana.”

Ayubu 31:5

Ethîrwa ndûûraga mvenanagia, na mvinyûraga kwaria ûthani;

Nthi 25:14

Mûndû ûrîa wîkumagia atî nîakûvecana kîveo na ndavecane, ekariî ta rûkûngi na matu gûtarî na mbura.

Isaia 28:7

Arathi na athînjîri-Ngai wanao nî arîe nî ndivei, nîmaratûgûgana nîûndû wa kûrîwa nî njovi ndûrû. Nîavîngîcîku nîûndû wa kûrîwa nî njovi ndûrû, nîavîngîce nî ndivei makaremwa nî kwona cioneki, nîmavîngagwa magîtua ciira.

Isaia 9:15

Athuuri na andû arîa ave gîtîîo nîo ciongo, nao arathi arîa mathomithanagia maûndû ma maveeni nîo mîkia.

Jeremia 14:14

Nake Ngai-Mûnene nîwanjokerie atîrî, “Arathi maratûmîra rîîtwa rîakwa kwaria maveeni; nie ndianamatûma kana nîmatha, wana kana mbaria nao. Maramûrathîra cioneki cia maveeni, woni ûtarî na vata na maûndû marîa mecirîtie o ene.

Jeremia 23:14

Nwatî gatagatîrî ka arathi a Jerusalemu, nîmonete magîka ûndû mûcûku mûno; mekaga ciîko cia ûtharia na makaveenania. Mekagîra andû arîa marî ciîko njûku vinya nîguo matikagarûrûke matiga waganu, onthe kûrî nie matuîkîte ta Sodomu, na atûûri a kuo matuîkîte ta Ngomora.

Jeremia 23:17

Vîndî cionthe meraga andû arîa mareganîte na kiugo Kîam Ngai-Mûnene atî, ‘Maûndû maku monthe nî maro tî macûka.’ Nake mûndû ûrîa wîthagîrwa arî na ngoro nyûmû maugaga atîrî, ‘Ndûkagîa na ûndû mûcûku.’

Jeremia 23:25

Nîmbîguîte maûndû ma maveeni marîa arathi arîa maaragia maveeni marîtie mambîgiî na njîra ya rîîtwa rîakwa makiugaga atî, ‘Nîrîmûrotu! Nîrîmûrotu!’

Jeremia 23:32

Tanthikîrîria! Nie Ngai-Mûnene nîrauga atî, nîndeganîte na arathi arîa marotaga iroto cia maveeni. Na njîra ya iroto ciao na mîario ya maveeni, nîmatûmîte andû akwa mauma njîrarî ya ma. Nie ndianamatûma, kana nîmera mathiî, kwoguo matirî na ûtethio kûrî andû akwa.”

Jeremia 28:15

Nake mûrathi Jeremia nîwerire mûrathi Hanania atîrî, “Hanania, tathikîrîria! Ngai-Mûnene ndaagûtûma, na nîûtûmîte andû aya metîkie maûndû ma maveeni.

Jeremia 5:31

arathi methîrîtwe makîruta ûrathi wa maveeni, na athînjîri-Ngai makathana wa ûrîa makwenda. Andû akwa makona ûndû ûcio ûrî mwagîrîru. Nwatî maûndû mama makinya mûthiia mûgeka atîa?”

Maca 2:14

Arathi enyu nîmoonete cioneki cia maveeni, nîmakunîkîrîte mavîtia maku nîguo mavote gûkûrûnga, nwatî cioneki ciao ciarî cia maveeni.

Ezek 13:22

“Maveeni menyu nîmathirîtie andû arîa athingu vinya, na ndiendaga kûmathiria vinya. Nîmwîkîrîte andû arîa aganu vinya nîguo matigatige gwîka maûndû ma waganu mavonokie mîoyo yao.

Hosea 7:14

O nîmangayagîra nwatî tî kuuma ngoro ndaarî. Maragaragara na magetemanga marî itandarî ciao, nîguo nyamûkîre matega mao ma ndivei na ngano; nwatî nîmareganîte nanie.

Mika 3:11

Atucanîri ciira marutaga wîra wao nîguo mavewe îvaki, athînjîri-Ngai mathomithagia watho nîguo marîvwe, nao arathi mataûraga cioneki nîguo mavewe mbeca. Kûnarî ûguo nîmetîîaga megiritanîtie na Ngai-Mûnene makiugaga atîrî, “Ngai-Mûnene arî vamwe natue, na gûtirî ûndû mûcûku ûngîtûnyita!”

Mika 3:5

Ûvororî wîgiî arathi arîa mavîtithagia andû akwa; arathi arîa marathaga thayû rîrîa mavewa kîndû, nwatî makamarathîra mbaara rîrîa matavetwe kîndû.” Ngai-Mûnene arauga atîrî,

Aroma 16:18

Nîûndû andû arîa mekaga maûndû ta mau matungatagîra mavu mao, nwatî tî Mwathani wetû Jesû Kristû. Na njîra ya ciugo ciao mbaro na mîario yao îrî na mûrîo, andû acio nîmaveenagîrîria andû arîa marî ngoro mvûthû.

Afil 3:19

Mûthiia wa andû acio nî gûcûkangua, nîûndû matongoragua nî merirîria ma mîîrî yao îrî yo ngai yao. Maûndû ma nthoni nîmo mamakenagia na meciria mao methagîrwa marî maûndûrî ma gûkû nthî.

1Joh 4:1

Arata akwa, mûtigetîkagie andû onthe arîa maugaga atî marî na Roho. Nwatî ambagani mûkamaroria waro nîguo mûmenye kana roho ûrîa marî naguo umîte kûrî Ngai nîûndû kûrî na arathi eengî a maveeni meyumîrîtie gûkû nthî.