Mika 1:8 - ÎVUKU RÎA ÛVORO MWARO

⁸ Nîûndû wa ûguo nîngûrîra na njakae; nînthiî nîrî njaga na ndarî iratû. Nîndîra ta Kîamthi, na ndîre ta nyaga.

Mika 1:8 ပူးပေါင်းရင်းမြစ်များ

2Atha 18:13

Mwakarî wa îkûmi na îna (14) Hezekia arî mûthamaki, Senakeribu, mûthamaki wa Asîria nîwatharîkîre matûûra manene monthe marîa mairigîre ma Juda na akîmanyita.

Esita 4:1

Rîrîa Moridekai aamenyire ûrîa maûndû mau mekariî, nîwatembûrangire nguo ciake, na agîkîra nguo cia macakaya na akîivaka mûu. Nîwaumagarûkire na kûu îtûûrarî akîrîraga na arî na ûrûrû mwîngî.

Ayubu 30:29

Mbîthîrîtwe ngîkaya nîrî na kîeva ta ciathi; wana ndirî ngûrani na nyaga.

Thaburi 102:6

Nie mbîkariî ta ndiiû ya werûrî, mbîkariî ta ndundu îrî îganjorî.

Isaia 13:21

Vandû va ûguo, gûgaatûûrwa nî nyamû cia kîthaka, na nîkuo irwîgî igaatumaga ciomba ciacio. Nyaga nîcio igekaraga kuo, na mbûri cia kîthaka irûgarûgage kuo.

Isaia 13:22

Mviti nîikaarîraga irî nyombarî ndaca na îgûrû, nacio ciathi igambage irî nyombarî irîa ciarî ciao athamaki. Îvinda rîa Babuloni rîrî vakuvî! Mîthenya yarîo îrî vakuvî kûthira.”

Isaia 16:9

Kwoguo Jazeri akîrîra wananie nînîrarîra nîrarîra nîûndû wa mîthavibu ya Sibuna. Methori makwa maretîka nîûndû wa Heshiboni na Eleale, nîûndû gîkeno Kîam matunda na maketha ma maku, na gîkeno Kîam maketha ma ngano nî kîthiru.

Isaia 21:3

Maûndû marîa noonire na ngîgua nîmaatûmire mbîgua ûrûrû mûno, nîrî mwîcûre nî ûrûrû mwîngî, ûrûrû ta wa mûndûmûka agîciara. Nînîratuurwa mûno nginya ngaremwa nî kwîgua, nîrî mûmaku mûno nginya ngaremwa nî kwona.

Isaia 22:4

Kwoguo rîu nîramwîra atîrî: Mûtigatindanîre nanie, tiganani nanie ndîre methori ma ruuo, mûtikethînie kûmvoreria nîûndû wa ûrîa andû akwa macûkangîtue.

Isaia 32:11

Inainani, mue aka aya mwîkaraga mwîganîrîte, tetemani mue mûtarî ûndû mwîtigagîra; rutani nguo cienyu, mûtigwe mûrî njaga, na mwîyove nguo cia macakaya ciûnorî cienyu.

Jeremia 4:19

Ruuo, ruuo! Nînîraturwa mûno! Ngoro yakwa îratuma na vinya, ndingîvota gûkira; nîûndû mûgambo wa karumbeta, na kîng'ora Kîam mbaara.

Jeremia 9:1

Narî kethîrwa kîongo gîakwa nî kîthima Kîam manjî, na metho makwa matherûkage methori, nîguo ndîrage ûtukû na mûthenya, nîûndû wa andû akwa arîa maûragîtwe.

Jeremia 9:10

Nie naugire atîrî, “Nîngûrîrîra na njakaîre irîma, na njakaîre kûndû gwa kûrîthua, nîûndû kuonthe nî kûmîte, gûtirî mûndû ûvîtûkagîrîra kuo, na gûtiîgucagwa mûgambo wa ng'ombe. Iconi cia rîerarî na nyamû cia kîthaka nîciûrîte ikathiî.

Jeremia 9:19

Nîûndû mûgambo wa kîrîro nîûreguîka kûu Zayuni ûkiuga atîrî, “Tûrî acûkangie viû! Tûrî aconorithie viû! Nwanginya tume vûrûrirî wetû; nîûndû mîciî yetû nîmîomomore.”

Ezek 32:18

“Mûndû, cakaîra mwîngî wa Misiri, ûmaikie nthî, Misiri yo mene na erîtu a mavûrûri marîa marî îgweta. Maikie vûrûri wa arîa akuû mathiî vamwe na arîa manyûrûrûkaga kwa arîa akuû.

Mika 2:4

Kavinda kau gakinya andû nîmakaainaga makîmûthekerera, makaarîra na macakae makiugaga atîrî, ‘Nîtûcûkangîtue viû; Ngai-Mûnene nîwocete vûrûri wetû, nîatûcunîte guo kuuma njararî cietû, mîgûnda yetû nîamîgaîrîte andû arîa maatûtavire.’ ”

1Sam 19:24

Nîwarutire nguo ciake na akîambîrîria kûratha arî mbere ya Samueli. Nîwekarire arî njaga mûthenya ûcio wonthe na ûtukû. (Kwoguo andû nîmaambîrîrie kûrania atîrî, “Nîkwa Saûlo wanake arî mûtuîku mûrathi?”)