Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Mika 1:7 - ÎVUKU RÎA ÛVORO MWARO

7 Mîvuanano yonthe ya ngai cia Samaria nîngaamiunanga tûcunjî, indo irîa ciarutagîrwa maraa ma hekarûrî nîikaavîvua na mwaki, na mîvuanano yonthe îtuîke ya mana. Nîûndû andû a Samaria maaûnganirie indo icio na njîra ya ûmaraa, na igaatûmîrwa kûrîva maraa.

အခန်းကိုကြည့်ပါ။ ကော်ပီ




Mika 1:7
22 ပူးပေါင်းရင်းမြစ်များ  

Rîrîa ûkûngûîri wa kîrugo wathirire, andû onthe a Isiraeli arîa maaûkîte kîrugorî nîmaaumagarire makîthiî matûûrarî monthe ma Juda na makiunanga itugî cionthe cia mathiga na mîvuanano ya Ashera, ngai ya mûndûmûka. Nîmaacûkangirie kûndû kûrîa kwagoocagîrwa mîvuanano na metha cia magongoona irîa ciarî Juda kuonthe, Benjamini, Efiraimu na Manase. Andû onthe a Isiraeli nîmaacokire matûûrarî mao na wa mûndû mûciî gwake.


Vuva wa mîaka mîrongo mûgwanja, Ngai-Mûnene nîagaacokerera îtûûra rîa Turo. Nwatî nîrîgacokerera wîra warîo wa kûvûra ûmaraa ta mbere na nîrîkaavûra ûmaraa na mavûrûri monthe ma nthî.


Kwoguo ûguo nîguo mavîtia ma Jakovu makaathirua, ûguo nîguo wîvia wake ûkaathirua viû; mathiga marîa matumîte metha cia magongoona, makaathîwa matuîke mûthetu, na gûtirî mîvuanano ya Ashera, ngai ya mûndûmûka, wana kana metha cia kûvîvîria ûbani igaatigara.


Matûûra menyu monthe nîmagaacûkangua na kûndû kwenyu kûrîa gûtûgîru kwomomorwe, nîguo metha cienyu cia magongoona itiganîrue na icûkangue. Na ngai cia mîvuanano ciunangwe ithire viû. Metha irîa mûvîvagîria ûbani nîkaunangwa wana indo cionthe irîa marûthîte ithire viû.


Nîngacûkangia mîthavibu yake na mîkûyû yake, irîa augaga atî arîvirwe nî arata ake, Nîngaamîtua mûtitû îrîcagwe nî nyamû cia kîthaka.


Kwoguo ta roria, nîngûmûgucîrîria nîngûmûvira werûrî mbarie nake kavora.


Ng'ina watuo nîmûvûru ûmaraa, ûrîa wamagîre nda nîmwîku ciîko cia ûûra nthoni. Nîwaugire atî; “Nîngarûmîrîra anyanya akwa, arîa mamvecaga irio na manjî nguo ya guoya na ya goro, maguta na ndivei.”


Andû a Samaria, nie nînthûrîte mûvuano wa gacaû. Marakara makwa nîmanene îgûrû rîenyu. Nî nginya rî mûgûtûûra mûtarî atheru?


Nwa ta guo mwîkariî wanamue andû a Isiraeli! Mûvundi nîke warûthire mûvianano ûcio. Tî yo Ngai. Mûviano ûcio wa njaû wa Samaria nîûkaunangwa icunjî icunjî!


Nîmaaûthire nîguo mamenye nî ûrîkû ûgwoca mîgwate; nîmeendirie anake na erîtu marî ngombo, nîguo marîve ûmaraa na ndivei.


Nîngoomomora kûndû kûrîa mûgoocagîra mûrî îgûrû rîa irîma, nyomomore metha cienyu cia magongoona cia kûvîvîria ûbani na mbikie ciimba cienyu îgûrû rîa mîvuanano yenyu îno mîkuû, na nîmûnyarare.


Mûtikanavire nyombarî ya Ngai kîrîa kîonekete kuumana na wîra wa ûmaraa, ûrî wa aka kana ûrî wa arûme, kîrî gîa kûrîva kîrîa wîranîrîte na mwîvîtwa. Ngai-Mûnene Ngai wenyu nîathûrîte ciîko icio wa cioîrî.


Nînoocire kîndû kîonthe kîrîa Kîamrî na mevia, karegwa karîa mwarûthîte, ngîkavîvia na mwaki na ngîkaunanga tûcunjî. Nînaacokire ngîkathîa gagîtuîka rûkûngû na ngikia rûkûngû rûu karûnjîrî karîa kaanyûrûrûkaga kaumîte kîrîmarî kîu.


Mavûrûri monthe matuîkîte mîrîu ya merirîria macûku ma mwîrî. Athamaki a nthî nîmatharîtie nake. Nao avûri a mbiacara, matuîkîte itonga kuumana na merirîria meengî mûcûku make ma mwîrî.”


Athamaki a nthî arîa meekire maûndû ma ûtharia na nîmaagwatanîre merirîria macûku nake nîmakaarîra na maugîrîrie mona ndogo îrîa yaumaga kûrî rîo rîkîvîa.


Nwarî rîrîa maaramûkire kîraûko tene mûthenya ûcio warûmîrîrîte, nîmeethîrîrie mûvuanano ûcio ûmamîte nthî na îvu rîngî mbere ya îthandûkû rîa Kîrîkanîro rîa Ngai-Mûnene. Vîndî îno, kîongo Kîam Dagoni vamwe na njara ciayo cioîrî ciarî vakuvî na mûrango irî munîkangu; mûvuanano ûcio wa Dagoni watigarîte gîcunjî kîu kîngî Kîam mwîrî wayo tu.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ