Mika 1:1 - ÎVUKU RÎA ÛVORO MWARO

¹ Ndûmîrîri ya Ngai-Mûnene nîyakinyîre Mika vîndî îrîa Jothamu, Ahazi, na Hezekia maarî athamaki a vûrûri wa Juda. Mûrathi Mika aarî wa kuuma îtûûra rîa Moreshethi, na nîwaguûrîrue maûndû marîa maarî mekîke Samaria na Jerusalemu.

Mika 1:1 ပူးပေါင်းရင်းမြစ်များ

2Atha 15:32

Mwakarî wa kaîrî Peka, mûvîcî wa Remalia arî mûthamaki wa Isiraeli, Jothamu mûvîcî wa Uzia nîwatuîkire mûthamaki wa Juda

2Atha 15:5

Ngai-Mûnene nîwaverithirie mûthamaki Azaria na njîra ya gûtûma anyitwe nî mûrimû mûcûku wa ngothi, ûrîa aarwarire nginya vîndî îrîa aakwire. Aatûûraga nyomba arî wenga. Mûvîcî Jothamu ûrîa warûngamagîrîra mûciî wa mûthamaki nîke watongoragia andû a vûrûri ûcio.

2Atha 16:1

Mwakarî wa îkûmi na mûgwanja (17) Peka, mûvîcî wa Remalia arî mûthamaki wa Isiraeli, Ahazi mûvîcî wa Jothamu nîwatuîkire mûthamaki wa Juda

2Atha 18:1

Mwakarî wa kathatû Hosea, mûvîcî wa Ela arî mûthamaki wa Isiraeli, Hezekia, mûvîcî wa Ahazi nîwatuîkire mûthamaki wa Juda.

2Maû 28:1

Ahazi aatuîkire mûthamaki arî na ûkûrû wa mîaka mîrongo îîrî (20) na nîwathanire îvinda rîa mîaka îkûmi na îtandatû (16) arî Jerusalemu. Ahazi ndeeka maûndû marîa maakenagia Ngai-Mûnene ta ûrîa îthe, Daudi eekîte.

2Maû 29:1

Hezekia aatuîkire mûthamaki wa Juda arî na ûkûrû wa mîaka mîrongo îîrî na îtano (25). Nîwathanire arî Jerusalemu îvinda rîa mîaka mîrongo îîrî na kenda (29). Ng'ina eetagwa Abija na aarî mwarî wa Zakaria.

Isaia 1:1

Ino nî cioneki irîa Ngai aaguûrîrie Isaia, mûvîcî wa Amozu, ciîgiî Juda na Jerusalemu vîndî îrîa Uzia, Jothamu, Ahazi na Ezekia maarî athamaki a Juda.

Isaia 1:2

Ngai-Mûnene arauga atîrî, “Mue îgûrû tathikîrîriani, namue nthî tegani matû; ciana ciakwa irîa nderete na igakûra, rîu nîindiganîrîtie.

Isaia 7:1

Rîrîa mûthamaki Ahazi, mûvîcî wa Jothamu aathanaga Juda, Jothamu aarî mûvîcî wa Uzia, Rezini mûthamaki wa Sîria na Peka mûvîcî wa Remalia, mûthamaki wa Isiraeli, nîmaatharîkîre îtûûra rîa Jerusalemu, nwatî matiarîvoota.

Isaia 7:9

Îtûûra rîrîa rînene rîa Isiraeli nî Samaria, na mûnene wa Samaria nî mûvîcî wa Remalia.” “Ethîrwa tî mwîtîkia, nama mûtigekindîria.”

Jeremia 26:18

“Mika wa Moreshethi nîwarathire vîndî îrîa Hezekia aarî mûthamaki wa Juda, na akîîra andû onthe a Juda atî, ‘Ngai-Mûnene mwene vinya wonthe augîte, Zayuni nîgûkaarîmwa ta ûrîa mûraû ûrîmaga mûgûnda, Jerusalemu gûgaatuîka îganjo, nakîo kîrîma varîa hekarû îtumîtwe gîtuîke mûtitû.’

Hosea 1:1

Ndûmîrîri ya Ngai-Mûnene nîyakinyîre Hosea mûvîcî wa Beeri vîndî îrîa Uzia, Jothamu, Ahazi na Hezekia maarî athamaki a Juda, nake Jeroboamu mûvîcî wa Joashi arî mûthamaki wa Isiraeli.

Hosea 4:15

Wana ethîrwa nama mue andû a Isiraeli nîmûvûraga ûmaraa! mûtigatûme andû a Juda methîrwa na mavîtia! Mûtikathiî vandû varîa vatheru kûu Giligali, wana mûtikathiî Bethiaveni, na ndakevîte akiugaga, “Wa ta ûrîa Ngai-Mûnene atûûraga mwoyo.”

Hosea 8:14

Andû a Isiraeli nîmariganîrîtwe nî Mûmbi wao, na magetumîra nyomba mbaro mûno; andû a Juda nîmeyongerere matûûra marîa magitîre, nwatî nîngarekia mwaki ûvîvie matûûra mau, na ûcûkangie nthingo irîa imairigîrîte.”

Amosi 1:1

Ino nîcio ciugo cia Amosi. Amosi aarî ûmwe wa arîthi a kuuma îtûûra rîa Tekoa. Mîaka îîrî mbere ya kîthingithia, rîrîa Uzia aarî mûthamaki wa Juda, na Jeroboamu mûvîcî wa Joashi arî mûthamaki wa Isiraeli, Ngai nîwaguûrîrie Amosi maûndû mama megiî Isiraeli.

Amosi 6:1

Kaî arîa mekaraga Zayuni magangarîte marî na thîna-î, na arîa megucaga marî agitîre marî kîrîmarî gîa Samaria, mue atongoria a rûrîrî rûnene rwa Isiraeli, kûrîa andû mathiîcaga gûcaria ûtethio!

Mika 1:5

Maûndû mama monthe magekîka nîûndû wa mavîtia ma Jakovu, na nîûndû wa mevia ma andû a Isiraeli. Mavîtia ma Jakovu marî kû? Marî îtûûrarî rîa Samaria! Mevia ma andû a Juda nî marîkû? Nî Jerusalemu!

Mika 3:9

Tanthikîrîriani mue atongoria a nyomba ya Jakovu; thikîrîriani mue anene a nyomba ya Isiraeli, mue mûmenete kîvooto, mue mûgarûraga ûûma mûgaûtua maveeni.

Habakuku 1:1

Îno nî ndûmîrîri îrîa Ngai-Mûnene aaguûrîrie mûrathi Habakuku.

2Pet 1:21

Nîûndû gûtirî ûrathi wanaumana na wendi wa mûndû, nwatî andû managîrîra ndûmîrîri kuuma kûrî Ngai matongoretue nî Roho Mûtheru.