Mathaayo 9:29 - ÎVUKU RÎA ÛVORO MWARO

²⁹ Nake Jesû nîwacokire akîvutia metho mao na akiuga atîrî, “Kûrotuîkîka wa ûguo mwîtîkîtie.”

Mathaayo 9:29 ပူးပေါင်းရင်းမြစ်များ

Mathaayo 15:28

Kwoguo Jesû nîwamûcokerie atîrî, “Mûndûmûka ûyû, wîtîkio waku nî mûnene! Ûndû ûrîa ûkwenda nîûkûvingîrua.” Na kavinda wa kau mwîrîtu wa mûndûmûka ûcio nîwavonirue.

Mathaayo 20:34

Nake Jesû nîwamegwîrîre ntha na akîvutia metho mao, na wa rîmwe atumumu acio nîmaavotire kwona na makîmûrûmîrîra.

Mathaayo 8:13

Nake Jesû nîwacokire akîîra mûnene ûcio wa thigari îgana atîrî. “Thiî mûciî na ûndû ûcio wîtîkîtie nîûkûvingîrua guo.” Na kavinda wa kau ndungata îo ya mûnene ûcio nîyavonire.

Mathaayo 9:22

Nake Jesû nîwevûgûrire, akîona mûndûmûka ûcio, na akîmwîra atîrî, “Mwarîwa, îyûmîrîrie! Gwîtîkia gwaku nîkuo gwatûma ûvone.” Na kavinda wa kau mûndûmûka ûcio nîwavonire.

Mathaayo 9:28

Na rîrîa Jesû aatonyire kûu nyomba, atumumu acio nîmaathiîre kûrî ke. Nake Jesû nîwamaûririe atîrî, “Mue nîmwîtîkîtie atî nie nwa nîmûvonie?” Nao nîmaamûcokerie atîrî, “Ii Mwathani!”

Maariko 10:52

Nake Jesû nîwamwîrire atîrî, “Îîthiîre! Gwîtîkia gwaku nîkuo gwatûma ûvone.” Na kavinda wa kau mûtumumu ûcio nîwavotire kwona na akîrûmîrîra Jesû.