Mathaayo 9:28 - ÎVUKU RÎA ÛVORO MWARO

²⁸ Na rîrîa Jesû aatonyire kûu nyomba, atumumu acio nîmaathiîre kûrî ke. Nake Jesû nîwamaûririe atîrî, “Mue nîmwîtîkîtie atî nie nwa nîmûvonie?” Nao nîmaamûcokerie atîrî, “Ii Mwathani!”

Mathaayo 9:28 ပူးပေါင်းရင်းမြစ်များ

1Atha 17:16

Wata ûrîa Ngai-Mûnene eeranîrîte kûvîtûkîrîra kûrî Elija, mûtu ndwathira mbakûrirî kana maguta mathira mûcuvarî.

Mathaayo 13:1

Mûthenya wa ûcio, Jesû nîwaumire nyomba na akîthiî ndeererî cia irîa.

Mathaayo 13:36

Jesû nîwacokire agîtiga kîrîndî na agîtonya nyomba. Nao arutwa ake nîmaathiîre gwîke na makîmwîra atîrî, “Tûtaarîrie ûvoro wîgiî ngerekano ya ria rîrî mûgûndarî.”

Mathaayo 13:58

Jesû ndaaringa ciama nyîngî kûu nîûndû andû matiarî na wîtîkio.

Mathaayo 8:14

Rîrîa Jesû aatonyire nyomba kwa Petero, nîwonire ng'ina wa mûka wa Petero amamiî ûrîrî na arî na mûrimû wa kûviûva mwîrî.

Mathaayo 8:2

Mûndû warwarîte mûrimû mûcûku wa ngothi nîwathiîre kûrî ke, agîturia maru mbere yake na akîmwîra atîrî, “Mwathani ûngîenda, nwa ûntherie.”

Mathaayo 9:22

Nake Jesû nîwevûgûrire, akîona mûndûmûka ûcio, na akîmwîra atîrî, “Mwarîwa, îyûmîrîrie! Gwîtîkia gwaku nîkuo gwatûma ûvone.” Na kavinda wa kau mûndûmûka ûcio nîwavonire.

Mathaayo 9:27

Nake Jesû nîwaumire kûu. Na arî njîrarî athiîte, nîwaumirwe vuva nî atumumu aîrî. Atumumu acio nîmaaugîrîrie atîrî, “Twîguîre ntha, Mûrû wa Daudi!”

Mathaayo 9:29

Nake Jesû nîwacokire akîvutia metho mao na akiuga atîrî, “Kûrotuîkîka wa ûguo mwîtîkîtie.”

Johana 11:26

na mûndû wa wonthe ûtûûraga mwoyo na ûmbîtîkîtie ndarî vingo agaakua. We nîwîtîkîtie ûguo?”

Johana 11:40

Jesû nîwamwîrire atîrî, “Na kinthî ndikwîrire wetîkia nîûkwona riiri wa Ngai?”

Ciîko 14:9

Nake mûndû ûcio nîwathikîrîrîtie Paûlo akîaria. Paûlo nîwamûroririe na vinya na akîona atî nîwetîkîtie Ngai arî na ûvoti wa kûmûvonia.