Mathaayo 9:22 - ÎVUKU RÎA ÛVORO MWARO

²² Nake Jesû nîwevûgûrire, akîona mûndûmûka ûcio, na akîmwîra atîrî, “Mwarîwa, îyûmîrîrie! Gwîtîkia gwaku nîkuo gwatûma ûvone.” Na kavinda wa kau mûndûmûka ûcio nîwavonire.

Mathaayo 9:22 ပူးပေါင်းရင်းမြစ်များ

Mathaayo 15:28

Kwoguo Jesû nîwamûcokerie atîrî, “Mûndûmûka ûyû, wîtîkio waku nî mûnene! Ûndû ûrîa ûkwenda nîûkûvingîrua.” Na kavinda wa kau mwîrîtu wa mûndûmûka ûcio nîwavonirue.

Mathaayo 17:18

Nake Jesû nîwagûkîre ndaimono îo na îkiuma kûrî kamwana kau. Na kavinda wa kau kamwana kau nîkaavonire.

Mathaayo 8:13

Nake Jesû nîwacokire akîîra mûnene ûcio wa thigari îgana atîrî. “Thiî mûciî na ûndû ûcio wîtîkîtie nîûkûvingîrua guo.” Na kavinda wa kau ndungata îo ya mûnene ûcio nîyavonire.

Mathaayo 9:2

Nao andû amwe nîmaamûvirîre mûndû warî mûkuû ciîga ciake cia mwîrî, amamîrîte ûrîrî. Na rîrîa Jesû oonire ûrîa andû acio maarî na wîtîkio mûnene, nîwerire mûndû ûcio wakuîte ciîga cia mwîrî atîrî, “Mûvîcîwa, ûmîrîria! We nîwoverwa mevia maku.”

Mathaayo 9:29

Nake Jesû nîwacokire akîvutia metho mao na akiuga atîrî, “Kûrotuîkîka wa ûguo mwîtîkîtie.”

Maariko 10:52

Nake Jesû nîwamwîrire atîrî, “Îîthiîre! Gwîtîkia gwaku nîkuo gwatûma ûvone.” Na kavinda wa kau mûtumumu ûcio nîwavotire kwona na akîrûmîrîra Jesû.

Maariko 5:34

Nake Jesû nîwerire mûndûmûka ûcio atîrî, “Mwarîwa, gwîtîkia gwaku nîkuo gwatûma ûvone. Thiî na thayû na mûrimû ûcio ndûgagûcokerere rîngî.”

Luka 17:19

Nake Jesû nîwacokire akîra mûndû ûcio atîrî, “Rûngama na wîthiîre, gwîtîkia gwaku nîkuo gwatûma ûvone.”

Luka 18:42

Nake Jesû nîwamwîrire atîrî, “Coka kwona! Gwîtîkia gwaku nîkuo gwatûma ûvone.”

Luka 7:50

Nwatî Jesû nîwerire mûndûmûka ûcio atîrî, “Gwîtîkia gwaku nîkuo gwatûma ûvonoke; Thiî na thayû.”

Luka 8:48

Nake Jesû nîwamwîrire atîrî, “Mwarîwa, gwîtîkia gwaku nîkuo gwatûma ûvone. Thiî na thayû.”

Johana 4:53

Nake îthe wa mwana ûcio nîwaririkanire atî thaa wa icio nîrîo Jesû aamwîrîte atî, “Mûvîcîguo nîakûvona!” Kwoguo karani ûcio na andû onthe a mûciî wake nîmeetîkirie Jesû.

Ciîko 14:9

Nake mûndû ûcio nîwathikîrîrîtie Paûlo akîaria. Paûlo nîwamûroririe na vinya na akîona atî nîwetîkîtie Ngai arî na ûvoti wa kûmûvonia.

Ciîko 16:18

Mwîrîtu ûcio nîwekire ûguo kwa îvinda rîa mîthenya mîîngî. Ûndû ûcio nîwatûmire Paûlo arakare mûno, nginya akîvûgûka na akîîra ngoma îo atîrî, “Nie nîrakwatha na rîîtwa rîa Jesû Kristû ume ndaarî yake!” Na kavinda wa kau ngoma îo nîyaumire ndaarî yake.

Ahib 4:2

Nîûndû nîtwavunjîrue Ûvoro Mwaro wata ûrîa andû arîa maarî werûrî maavunjîrue. Nwatî ndûmîrîri îo meeguire ndîamatethia, nîûndû maamîamûkîre matarî na wîtîkio.