Mathaayo 9:13 - ÎVUKU RÎA ÛVORO MWARO

¹³ Thiîni mûkamenye gîtûmi Kîam mandîko matheru marîa maugîte atîrî, ‘Nie mendaga ciîko cia ntha na tî magongoona ma nyamû.’ Nie ndiûkîte gwîta andû arîa athingu, nwatî mbûkîte gwîta evia.”

Mathaayo 9:13 ပူးပေါင်းရင်းမြစ်များ

Nthi 21:3

Gwîka ûndû ûrîa mwagîrîru na wa kîvooto, nî gûkenagia Ngai-Mûnene gûkîra îgongoona.

Hosea 6:6

Nîûndû mendete wendo ûtathiraga na tî îgongoona, kûmenya Ngai na tî matega ma kûvîvua.

Mathaayo 12:3

Nake Jesû nîwamacokerie atîrî, “Anga mue mûtiathoma ûrîa Daudi eekire vîndî îrîa ke na andû arîa maarî nake maarî avûtu?

Mathaayo 12:5

Anga mue mûtiathoma Wathorî wa Musa atî wa mûthenya wa thavatû athînjîri-Ngai nîmaunaga watho ûyû wîgiî mûthenya wa thavatû. Nwatî o matigîcaga na ûcuke nîûndû wa gwîka ûguo.

Mathaayo 12:7

Mandîko matheru maugîte atîrî, ‘Nie mendete andû megucanîre ntha gûkîra ûrîa mendete kûrutîrwa magongoona.’ Kethîrwa nama nwa mûmenye ûrîa ciugo icio ciugîte, mue mûtingîratuîra andû matarî na ûcuke.

Mathaayo 19:4

Nake Jesû nîwamûcokerie atîrî, “Anga mûtirî mwathoma Mandîko Matheru marîa maugaga atî, kuuma wa Kîammbîrîria Ngai aaûmbire mûndûmûrûme na mûndûmûka,

Mathaayo 21:42

Nake Jesû nîwamaûririe atîrî, “Anga mûtirî mwathoma ûrîa Mandîko Matheru maugaga atî, ‘Îthiga rîrîa rîaregirwe nî atumi a nyomba, nîrîo rîtuîkîte rîa vata mûno, gûkîra marîa mengî monthe. Nî Mwathani wekire ûguo; naguo tûrawona wî ûndû wa magegania!’

Mathaayo 3:2

akiugaga atîrî, “Îîrireni mevia menyu nîûndû ûthamaki wa Îgûrû ûrî vakuvî!”

Mathaayo 3:8

Îkani maûndû ma kwonania atî nîmwîrirîte mevia menyu.

Mathaayo 4:17

Kuuma vîndî îo Jesû nîwambîrîrie kûvunjia, akaugaga atîrî, “Îîrireeni mevia menyu, nîûndû ûthamaki wa îgûrû ûrî vakuvî!”

Maariko 12:26

Naguo ûvoro wîgiî kûriûkua gwa akuû-î, anga mûtiathoma îvukuurî rîa Musa gîcunjî kîrîa kîgiî kîvînga kîrîa gîaakanaga mwaki? Gîcunjîrî kîu kwandîkîtwe ûrîa Ngai aarîrie Musa akîmwîra atîrî, ‘Nie nînie Ngai wa Iburahimu, Ngai wa Isaka, na Ngai wa Jakovu.’

Maariko 12:33

Na mûndû kwenda Ngai na ngoro yake yonthe, na ûûgî wake wonthe, na vinya yake yonthe, wana kwenda mûndû ûrîa mariganîtie nake wata ûrîa eyendete ke mwene, nîgûkîrîte kûrutîra Ngai magongoona ma kûvîvua wana ma mîthemba îrîa îngî yonthe.”

Maariko 2:17

Rîrîa Jesû eegwire ûrîa maaûragia, nîwamerire atîrî, “Andû arîa arwaru nîo mavataraga ndagîtarî, nwatî tî arîa matarî arwaru. Nie ndiûkîte gwîta andû arîa athingu, nwatî mbûkîte gwîta evia.”

Luka 10:26

Nake Jesû akîmûcokeria nîwamûûririe atîrî, “Mandîko matheru maugaga atîa? We ûmataûraga atîa?”

Luka 19:10

Nîûndû Mûrû wa Mûndû aaûkire gûcaria na kûvonokia andû arîa maûrîte.”

Luka 24:47

Na atî rîîtwarî rîake andû a ndûrîrî cionthe cia nthî, kwambîrîria îtûûrarî rîa Jerusalemu nwa nginya mavunjîrue ndûmîrîri ya Ngai, îgiî kwîrira nîguo moverwe mevia mao.

Luka 5:31

Nake Jesû nîwamacokerie atîrî, “Andû arîa methagîrwa marî na vata wa ndagîtarî nî arîa arwaru, nwatî tî arîa matarî arwaru.

Luka 5:32

Nie ndiûkîte gwîta andû arîa athingu, nwatî mbûkîte gwîta evia nîguo merire.”

Johana 10:34

Nake Jesû nîwamacokerie atîrî, “Nîkwandîke wathorî wenyu atî Ngai aaugire atîrî, ‘Mue mûrî ngai.’

Ciîko 11:18

Nao etîkia acio megua ûguo nîmaathiririe ngarari na makîgooca Ngai makiugaga atîrî, “Kwoguo Ngai nîavete wana andû a ndûrîrî kanya ga kwîrira nîguo matûûre mwoyo!”

Ciîko 2:38

Nake Petero nîwamerire atîrî, “Mûndû wa wonthe gatagatîrî kenyu nwanginya erire mevia make na avatithue na rîîtwa rîa Jesû Kristû, nîguo overwe mevia make. Namue nîmûkwamûkîra Roho Mûtheru arî kîveo kuuma kûrî Ngai.

Ciîko 20:21

Nie nînarutire ûira kûrî Ayahudi na andû a Ndûrîrî ngîmeera merire mevia mao, macokerere Ngai na metîkie Mwathani wetû Jesû Kristû.

Ciîko 3:19

Kwoguo îîrireni na mûcokerere Ngai nîguo ke amwovere mevia menyu. Na mwona mweka ûguo,

Ciîko 5:31

Ngai nîwamwigire mwena wake wa ûrîo arî Mûtongoria na Mûvonokia. Ngai eekire ûguo nîguo ave andû a Isiraeli kamweke ga kwîrira nîguo moverwa mevia mao.

2Pet 3:9

Mwathani ndavingagia ciîranîro ciake arî na ûtururu ta ûrîa andû amwe meciragia. Vandû va ûguo nîamûkiragîrîria nîûndû gûtirî mûndû wana ûmwe endaga akaaûra, nwatî endaga andû onthe merire mevia mao.