Mathaayo 8:25 - ÎVUKU RÎA ÛVORO MWARO

²⁵ Nao arutwa ake nîmaathiîre varîa Jesû aarî na makîmûkîria makîmwîraga atîrî, “Mwathani, tûvonokie, nî tûkûûrîra manjîrî.”

Mathaayo 8:25 ပူးပေါင်းရင်းမြစ်များ

2Maû 14:11

Asa nîwavoire Ngai-Mûnene, Ngai wake akiuga atîrî, “Ngai-Mûnene gûtirî wîngî wîkariî tawe ûngîvota gûtethia andû arîa matarî vinya makîrûa na arîa marî vinya. Ûûi, Ngai-Mûnene, Ngai wetû, tûtethie nîûndû nîwe twîvokete. Tûkîte kûrûa na athigari aya eengî ûguo rîîtwarî rîaku. Ngai-Mûnene, we wî Ngai wetû. Ndûgetîkîre mûndû akûvoote.”

2Maû 20:12

Ûûi Ngai wetû, verithia andû aya nîûndû tue tûtirî na vinya wa kûrûa na athigari aya eengî ûguo maûkîte gûtûtharîkîra. Tûtiîcî nîtwîka atîa, nwatî we nîwe twetererete ûtûtethie.”

Thaburi 10:1

Wîkarîte kûraca ûguo nîkî, we Ngai-Mûnene? Wîthithaga nîkî vîndî îrîa tûrî mathînarî?

Jona 1:6

Mûtwarithia wa meri nîwathiîre kûrî ke na akîmûria atîrî, “Ûngîvota kûmama ûguo atîa? Ûkîra ûvoye ngai waku! Ngai waku avota gûkwîguîra ntha na agatûvonokia tûtigakue.”

Mathaayo 8:2

Mûndû warwarîte mûrimû mûcûku wa ngothi nîwathiîre kûrî ke, agîturia maru mbere yake na akîmwîra atîrî, “Mwathani ûngîenda, nwa ûntherie.”

Mathaayo 8:24

Na wa rîmwe rûkûngi rûnene nî rwambîrîrie kûvurutana kûu manjîrî, na îtarû rîgîtigaria vanini mûno rîvorokere manjîrî. Nwatî Jesû aarî toro.

Mathaayo 9:18

Vîndî îrîa Jesû aamaragîria, mûnene ûmwe warî Mûyahudi nîwathiîre kûrî ke, agîturia maru mbere ya Jesû na akîmwîra atîrî, “Mwarî wakwa nîwakua warîu nwatî ûka ûmwigîrîre njara na nîakûgîa na mwoyo.”

Luka 8:24

Nao arutwa a Jesû nî maathiîre varîa aarî, makîmûramûkia na makîmwîra atîrî, “Mwarimû! Tûrî vakuvî gûkua!” Nake Jesû nî waramûkire na agîkaania rûkûngi na ndivû cia manjî, naruo rûkûngi rûgîtiga kûvurutana na îria rîkîvoorera.