Mathaayo 8:15 - ÎVUKU RÎA ÛVORO MWARO

¹⁵ Nake Jesû nîwanyitire mûndûmûka ûcio njara. Mûndûmûka ûcio nîwavonire, agîûkîra na akîambîrîria gûtungatîra Jesû.

Mathaayo 8:15 ပူးပေါင်းရင်းမြစ်များ

2Atha 13:21

Vîndî îmwe andû marî mathikorî nîmoonire gîkundi Kîam athigari gîûkîte kûmatharîkîra. Andû acio nîmaaikirie kimba Kîam mûndû ûcio mbîrîrarî îrîa Elisha aathikîtwe magîcoka makîûra. Vîndî wa îo kimba kîu Kîamvutia mavîndî ma Elisha, mûndû ûcio nîwariûkire na akîrûngama.

Isaia 6:7

Nîwamvutirie mîromo na îkara rîu na akiuga atîrî, “Taroria, îkara rîîrî nî rîavutia mîromo yaku; nîwathengutîrua mavîtia maku na nîwoverwa mevia maku.”

Mathaayo 14:36

Nao nîmaathaithire Jesû etîkîre arwaru mavûrûrie wana ethîrwa nî mîthiia ya nguo yake. Nao arîa onthe maamîvûrûririe nîmaavonirue.

Mathaayo 20:34

Nake Jesû nîwamegwîrîre ntha na akîvutia metho mao, na wa rîmwe atumumu acio nîmaavotire kwona na makîmûrûmîrîra.

Mathaayo 8:14

Rîrîa Jesû aatonyire nyomba kwa Petero, nîwonire ng'ina wa mûka wa Petero amamiî ûrîrî na arî na mûrimû wa kûviûva mwîrî.

Mathaayo 8:16

Na kîvwaî gîakinya, andû nîmaavirîre Jesû andû eengî arîa maarî na ndaimono. Nake Jesû nîwarutûrûrire ngoma na njîra ya kiugo gîake, na akîvonia andû onthe arîa maarî arwaru.

Mathaayo 8:3

Nake Jesû nîwatambûrûkirie njara yake akîmûvutia, na akîmûcokeria atîrî, “Nie nîngwenda, ûrothera!” Na wa rîmwe mûndû ûcio nîwavonirue mûrimû ûcio aarî naguo.

Mathaayo 9:20

Na mûndûmûka warwarîte mûrimû wa kuura nthakame mîaka îkûmi na îîrî, nîwathiîre vuva ya Jesû na akîvutia mîthiia ya nguo yake.

Mathaayo 9:29

Nake Jesû nîwacokire akîvutia metho mao na akiuga atîrî, “Kûrotuîkîka wa ûguo mwîtîkîtie.”

Maariko 1:29

Jesû na arutwa ake nîmaaumire îvoerorî na magîtonya nyomba gwa Simoni na Enderea. Nake Jakuvu na Johana maarî vamwe nao.

Maariko 1:41

Nake Jesû nîwaringirwe nî ntha, agîtambûrûkia njara, akîmûvutia na akîmwîra atîrî, “Nie nîngwenda, Ûrothera!”

Luka 8:54

Nwatî Jesû nîwanyitire mwîrîtu ûcio njara na akîmwîra atîrî, “Mwarîwa, rûngama!”