Mathaayo 8:11 - ÎVUKU RÎA ÛVORO MWARO

¹¹ Nîramwîra na ma atî andû eengî nîmagaaûka maumîte mwena wa îrathîro na wa îthûîro, nîmagekara nthî na marîcanîre na Iburahimu, Isaka na Jakovu, ûthamakirî wa îgûrû.

Mathaayo 8:11 ပူးပေါင်းရင်းမြစ်များ

Kîam 12:3

Nie ngaarathimaga andû arîa onthe magaakûrathimaga, nwatî ngaarumaga arîa onthe magaakûrumaga, na andû a mavûrûri monthe makaarathimagwa na njîra yaku.”

Kîam 22:18

Na njîra ya njiarwa ciaku ndûrîrî cionthe cia nthî nîikaarathimwa nîûndû nîwambathîkîre.”

Kîam 28:14

Njiarwa ciaku nîikengîva ta mûthetu wa nthî. Nîigaatamba mîena yonthe ya nthî. Na njîra ya njiarwa ciaku, nîngaarathima mavûrûri monthe nthî.

Kîam 49:10

Mûragi wa ûtongoria ndûkaauma Juda, njiarwa ciake nîcio igûtûûra ciathanaga. Mavûrûri monthe nîmakaamwathîkîra, na menamagîrîre mbere yake.

Thaburi 22:27

Mavûrûri monthe nî makaaririkana Ngai-Mûnene na mamûcokerere, andû a mîvîrîga yonthe nî makaamûgooca.

Thaburi 98:3

Nîendete andû a Isiraeli na arî mwîvokeku kûrî o. Andû onthe a nthî nîmonete ûvootani wa Ngai wetû.

Isaia 11:10

Mûthenya ûcio mûthamaki mûcerû wa rûciaro rwa Jesii akethîrwa arî kîonereria kûrî andû. Mavûrûri nîmakaathiî gwake mûciî îtûûrarî rîake rîrîa rîrî riiri.

Isaia 49:12

Andû akwa nîmakaauma kûndû kûraca, nao engî maume mwena wa rûgûrû na engî mwena wa îthûîro, na arîa engî maume mwena wa îveti.”

Isaia 49:6

Ke augîte atîrî, “Tî ûndû mûvûthû gûtuîka ndungata yakwa, ûrûngamie rîngî mîvîrîga ya Jakovu, na kûrûnga andû a Isiraeli arîa maatigarire. Nwatî nîngûgûtua ûtheri kûrî andû a Ndûrîrî, nîguo andû onthe a gûkû nthî mavonoke.”

Isaia 52:10

Ngai-Mûnene nîonanîtie vinya wake mûtheru kûrî andû a mavûrûri monthe, nayo mîthiia yonthe ya nthî nîîkona ûvonokio wa Ngai wetû.

Isaia 59:19

Kuuma mwena wa îthûîro, wa mûndû nîagetigîra rîîtwa rîa Ngai-Mûnene, na onanie riiri wake kuuma mwena wa îrathîro. Nîûndû Ke agaaûka ta rûnjî rûvinyûrîte, rûtindîkîtwe nî rûkûngi rûnene rwa Ngai-Mûnene.

Jeremia 16:19

We Ngai-Mûnene nîwe ûngitagîra na ûmvecaga vinya; nîwe ûndethagia vîndî ya mathîna. Mavûrûri kuuma mîena yonthe ya nthî nîmagaûka kûrî we makwîre atîrî, “Gûtirî kîndû methe metû maagaire tiga ngai cia maveeni, na indo îtarî vata kana umithio.

Danieli 2:44

Îvinda rîu rîa athamaki acio, Ngai ûrîa wî îgûrû nîakaarûngamia ûthamaki ûtakaathira. Ûthamaki ûcio ndûkaavotwa, na nîûgaacûkangia mothamaki mau mengî monthe mathire viû, ûcoke ûtûûre wathanaga tene na tene.

Malaki 1:11

nîûndû andû a mavûrûri monthe ma nthî nîmakumagia rîîtwa rîakwa. Kûndû kuonthe nîmvîvagîrua ûbani na ngarutîrwa magongoona matheru, nîûndû rîîtwa rîakwa nîrîkumagua nî mavûrûri monthe.

Mathaayo 21:41

Nao nîmaamûcokerie atîrî, “Nî ma ke nîakaaûraga arîmi acio acûku, na acoke akomborithie arîmi engî mûgûnda ûcio arîa makaamûvecaga îgai rîake vîndî ya maketha.”

Mathaayo 24:31

Natuo tûrumbeta nîtûkavuvwa. Nake nîagaacoka atûme araika mathiî nthî yonthe. Nao nîmakaaûngania andû arîa Ngai ethuurîrîte kuuma gîturi kîmwe Kîam nthî nginya kîrîa kîngî.

Mathaayo 3:2

akiugaga atîrî, “Îîrireni mevia menyu nîûndû ûthamaki wa Îgûrû ûrî vakuvî!”

Mathaayo 8:10

Na rîrîa Jesû eegwire ûguo, nîwamakire na akîra andû arîa maamûrûmîrîrîte atîrî, “Nîramwîra na ma atî, nie ndianona mûndû wîna wîtîkio ta ûyû gûkû Isiraeli.

Luka 12:37

Kûrathimwa nî ndungata irîa ciîthagîrîrua nî mwathi wacio itamamîte vîndî îrîa acoka. Nie nîramwîra na ma atî vîndî îrîa mwathi wacio agaacoka akamba kûruta îgooti, ameete mathiî mekare metharî na acoke amaraîre.

Luka 16:22

“Kavinda karîa mûthîni ûcio aakwire, araika nîmaamûkuuire na makîmûvira îgûrû agekaranîre na Iburahimu kîrugorî îgûrû. Nakîo gîtonga kîu nîgîakwire na gîkîthikwa.

Ciîko 10:45

Nao etîkia a Kîyahudi arîa maaûkanîtie na Petero maumîte Jopa, nîmaamakire mûno nîûndû kîveo Kîam Roho Mûtheru nîkîavecanîtwe wana kûrî Andû a Ndûrîrî.

Ciîko 11:18

Nao etîkia acio megua ûguo nîmaathiririe ngarari na makîgooca Ngai makiugaga atîrî, “Kwoguo Ngai nîavete wana andû a ndûrîrî kanya ga kwîrira nîguo matûûre mwoyo!”

Ciîko 14:22

Nao nîmeekîrire etîkia vinya, makîmaûmîrîria mekarage mekindîrîtie wîtîkiorî na makîmeera atîrî, “Nwa nginya twone mathîna meengî mûno mbere ya tûtonye Ûthamakirî wa Ngai.”

Ciîko 14:27

Na rîrîa Paûlo na Baranaba maakinyire Antiokia, nîmaacokanîrîrie andû a kanitha vamwe, na makîmeera maûndû monthe marîa Ngai eekîte na njîra yao. Nîmaamerire wana ûrîa Ngai aavete andû a ndûrîrî kanya ga gwîtîkia.

1Akor 15:20

Nwatî ûma nî atî Kristû nîariûkîtue na agatuîka kîonereria gîa atî arîa makuîte wa nao nîmakaariûkua.

1Akor 6:9

Mue nîmwicî atî andû arîa aganu matikaagaîrwa ûthamaki wa Ngai. Mûtikeveenie; andû arîa mavûûraga ûmaraa kana mavoyaga mîvuanano kana matharagia, kana arûme arîa mamenyanaga kîîmwîrî na arûme arîa engî,

Aefeso 3:6

Nayo nthitho nî atî na njîra ya ûvoro mwaro, andû a Ndûrîrî nî ciîga cia mwîrî ûmwe na nîmanyitaga kîrîa Ngai eeranîre na njîra ya Jesû Kristû.

Akol 3:11

Nîûndû wa ûguo, rîu gûtirî na ngûrani ya andû a ndûrîrî na Ayahudi, ya mûndû mûruu na ûtarî mûruu, ya mûndû mûkingitaru na ya mûvoi mîvuanano, ya mûndû ngombo na ûtarî ngombo. Nwatî Kristû nîke maûndû monthe, kûrî andû onthe.

2Ath 1:5

Maûndû mama monthe nîmonanagia atî Ngai atucanagîra ciira na kîvooto. Na nîûndû wa ûguo nîmûgaatuîka agîrîru a gûtonya ûthamakirî wa Ngai ûrîa mûthînagua nîûndû wa guo.