Mathaayo 7:29 - ÎVUKU RÎA ÛVORO MWARO

²⁹ Ke ndeekariî ta arimû a watho, nwatî aathomithanagia arî na wathani.

Mathaayo 7:29 ပူးပေါင်းရင်းမြစ်များ

Mûvunjia 8:4

Mûthamaki aragia arî na ûvoti na gûtirî mûndû ûngîregana na ûrîa augaga.

Isaia 50:4

Mwathani Ngai-Mûnene nîanthomithîtie ûrîa nguga, nîguo mvote kûmîrîria arîa mathirîte vinya. Wa kîraûko nîamvecaga wendi wa kûthikîrîria ûrîa arenda kûnthomithia.

Mika 3:8

Nwatî nie, Ngai-Mûnene nîamvete vinya, na Roho wake nîamvotithîtie kûmenya ûma, na nîamvete kîvooto na ûvoti wa kwîra andû a Isiraeli na a Juda mevia mao.

Mathaayo 28:18

Nake Jesû nîwathiîre vakuvî nao na akîmeera atîrî, “Nie nîrî mûve wathani wonthe gûkû nthî wana îgûrû.

Mathaayo 5:20

Nie nîramwîra atî, mue mûtigaatonya Ûthamakirî wa îgûrû tiga nwanga mwîthîrwe mûrî athingu gûkîra arimû a Watho na Afarisai.

Mathaayo 5:28

Nwatî rîu nîramwîra atî: mûndû wa wonthe ûroragia mûndûmûka na akerirîria kûmenyana kîîmwîrî nake, nîarîkîtie kûtharia na mûndûmûka ûcio ngororî yake.

Mathaayo 5:32

Nwatî rîu nie nîramwîra atî: mûthuuri wa wonthe ûtecaga mûka, tiga nwanga mûndûmûka ûcio ethîrîtwe atarî mwîvokeku kûrî mûthuuriwe, mûthuuri ûcio nîatûmaga mûndûmûka ûcio atuîke mûtharia ethîrwa nîakûvika rîngî. Nake mûndû wa wonthe ûvikagia mûndûmûka ûcio mûte, nîethagîrwa atharîtie.

Mathaayo 5:44

Nwatî rîu nie nîramwîra atîrî: endagani nthû cienyu na mûvoyagîre arîa mamûnyariraga,

Mathaayo 7:28

Rîrîa Jesû aarîkirie kuga maûndû mau, andû eengî nîmaamakirue nî mûthomithanîrie wake.

Mathaayo 8:1

Na vîndî îrîa Jesû aaumire kîrîmarî îgûrû, andû eengî mûno nîmaamûrûmîrîre.

Luka 20:8

Nake Jesû nîwamerire atîrî, “Wa nanie ndikûmwîra mbîkaga maûndû mama na wathani ûrîkû.”

Luka 21:15

Nîûndû nie nîngaamûva mîario na ûûgî ûrîa gûtarî nthû yenyu wana îmwe îngîvota kûregana naguo kana gûûkararia.

Ciîko 6:10

Nwatî Roho nîwavere Stefano ûûgî mwîngî wa kwaria ûndû matangîavotire kûmûkararia.