Mathaayo 6:33 - ÎVUKU RÎA ÛVORO MWARO

³³ Nwatî ambani mûcarie Ûthamaki wa Ngai na ûthingu wake, nake nî akaamûva indo icio ciîngî cionthe.

Mathaayo 6:33 ပူးပေါင်းရင်းမြစ်များ

1Atha 17:13

Nake Elija nîwamwîrire atîrî, “Ndûkamake, thiî na wîke wa ûguo wauga. Nwatî amba ûndugîre kamûgate kanini na ûndetere, ûcoke ûruge kau kengî mûrîe na mûvîcîguo.

Thaburi 112:3

Mûciî wake nîûkaagîa na ûtonga na indo nyîngî, na ûthingu wake ûtûûraga tene na tene.

Thaburi 37:25

Vîndî îmwe naarî mwîthî, na rîu nîrî mûkûrû, nwatî ndianona andû arîa athingu matiganîrîtue nî Ngai-Mûnene kana mona ciana ciao ikîvoya irio.

Thaburi 37:3

Îîvokeni Ngai-Mûnene na mwîkage waro, nîguo mûtûûre vûrûrirî ûyû mûrî na thayû.

Nthi 10:3

Ngai-Mûnene ndetîkagîra andû arîa aro mavûûte, nwatî nîagiragia arîa acûku magwata kîrîa mendaga.

Nthi 28:10

Mûndû ûrîa ûveenagîrîria mûndû mwîvokeku nîguo eke naaî, agûcaga mûtegorî wake ke mwene, nwatî mûndû ûrîa ûtarî na mavîtia nîakagaa maûndû maro.

Nthi 8:18

Nînie mvecanaga ûtonga na gîtîîo, ûtonga ûrîa ûtathiraga na ûthiî wa na mbere.

Mûvunjia 10:2

Ngoro ya mûndû mûûgî îmûtongoragia gwîka maûndû maro, nwatî ngoro ya mûndû kîrimû nîkwa îmûvîtithagia.

Isaia 26:9

Ngoro yakwa nîîkwîriragîria ûtukû; nie nîngûcaragia na kinyi. Nîûndû rîrîa ûgaatuîra nthî, andû onthe a nthî nîmakaamenya gwîka maûndû ma ûthingu.

Isaia 33:6

Nîke ûgaatûma vûrûri wenyu wîkare wîkindîrîtie, nîagaatûma kûgîe na ûvonokania mwîngî, ûûgî na ûmenyo. Mûthithû wenyu ûrîa mûnene mûno nî gwîtigîra Ngai-Mûnene.

Isaia 45:24

“Vîndî îo nîgûkeerwa îgûrû rîakwa atî: Ûthingu na vinya cionekaga kûrî Ngai-Mûnene; andû arîa onthe maamûrakarîrîte, nîmagaaûka kûrî ke na maconoke.”

Jeremia 23:6

Îvindarî rîake andû a Juda nîmakavonokua, nao andû a Isiraeli matûûre marî na thayû. Agetagwa, ‘Ngai-Mûnene nîke ûthingu wetû.’

Mathaayo 19:28

Nake Jesû nîwamerire atîrî, “Nîramwîra nama atî vîndî îrîa Mûrû wa Mûndû ageekarîra gîtî gîake Kîam ûnene kîrîa kîrî riiri kûu nthî îo njerû, mue arîa mûnûmagîrîra nîmûgeekarîra itî cia ûnene na nîmûkaatha mîvîrîga îrîa îkûmi na îîrî ya Isiraeli.

Mathaayo 19:29

Na mûndû wa wonthe ûtigîte nyomba ciake, aa mûrwang'ina, aa mwarwang'ina, îthe, ng'ina, ciana, kana mîgûnda nîûndû wakwa, nîakaavewa indo icio maita îgana na acoke agîe na mwoyo wa tene na tene.

Mathaayo 3:2

akiugaga atîrî, “Îîrireni mevia menyu nîûndû ûthamaki wa Îgûrû ûrî vakuvî!”

Mathaayo 4:17

Kuuma vîndî îo Jesû nîwambîrîrie kûvunjia, akaugaga atîrî, “Îîrireeni mevia menyu, nîûndû ûthamaki wa îgûrû ûrî vakuvî!”

Mathaayo 5:6

Kûrathimwa nî arîa mavûtagîra na makanyondera maûndû ma ûthingu; nîûndû nîmakaavaithua!

Luka 1:6

Na oîrî nîmaatûûrîte marî athingu methorî ma Ngai. Nao nîmaathîkagîra mawatho wa vamwe na maathani ma Mwathani matarî na ûcuke.

Luka 12:31

Vandû va ûguo, cariani Ûthamaki wake, nake nîakaamûva maûndû mama monthe.”

Johana 5:4

nîûndû mavinda kwa mavinda mûraika wa Mwathani nîwanyûrûrûkaga îriarî rîu na akaunjuga manjî. Nake mûrwaru wa wonthe ûrîa watuvûkaga îriarî rîu arî wa mbere manjî marîkia kunjugwa, nîwavonagua mûrimû wa wonthe ûrîa ethagîrwa arwarîte.]

Johana 6:27

Mûtikenogagie mûgîcaria irio irîa icûkaga, nwatî îînogagieni mûgîcaria irio irîa itacûkaga na ivecanaga mwoyo wa tene na tene. Ino nîcio irîa mûkaavewa nî Mûrû wa Mûndû nîûndû Ngai Îthe nîwonanîtie atî nîmûmwîtîkîru.”

Ciîko 20:25

“Na rîu nie nîmbîcî atî mue muonthe arîa mvunjîrîtie ûvoro wîgiî Ûthamaki wa Ngai mûtigaacoka kûmona rîngî.

Ciîko 28:31

Nîwavunjirie ûvoro wîgiî Ûthamaki wa Ngai na akîthomithania ûvoro wîgiî Mwathani Jesû Kristû. Eekire ûguo arî na ûmîrîru mwîngî mûno na gûtarî na mûndû ûkûmûgiria.

Aroma 1:17

Nîûndû Ûvoro Mwaro ûguûragia ûrîa Ngai atûmaga andû matuîke athingu; na njîra ya gwîtîkia kuuma Kîammbîrîria nginya mûthiia. Wata ûrîa kwandîkîtwe mandîkorî matheru atîrî, “Mûndû ûrîa mûthingu nîagaatûûra mwoyo nîûndû wa gwîtîkia.”

Aroma 10:3

Nîûndû wa kûrega kûmenya ûthingu ûrîa uumaga kûrî Ngai, o nîmageretie kwîrûthîra ûndû wao o ene. Kwoguo nîmaaregire kûrûmîrîra njîra îrîa Ngai atûcaga mûndû mûthingu.

Aroma 14:17

Nîûndû ûthamaki wa Ngai tî wa kûrîa na kûnyua, nwatî nî ûthingu, thayû na gîkeno kuuma kûrî Roho Mûtheru.

Aroma 8:31

Nîtuga atîa îgûrû rîa maûndû mama? Ethîrwa Ngai arî mwena wetû, nû ûngîtûtuma ûthû?

1Akor 1:30

Nwatî Ngai nîke kiumo Kîam ûûrûmwe wenyu na Jesû Kristû. Na njîra ya Kristû Ngai nîatûvecaga ûûgî na agatûtua athingu. Natue nîtûtuîkaga andû a Ngai na tûgakûrwa kuuma meviarî metû.

1Akor 3:22

Paûlo, Apolo, na Petero wana nthî îno, mwoyo, gîkuû, maûndû marîa marî kuo rîu na marîa magaaûka, mau monthe nî menyu.

2Akor 5:21

Kristû ndaarî na mevia, nwatî nîûndû wetû Ngai nîwatûmire atuîke wa kûgaa mevia metû nîguo atî tûrî kîndû kîmwe nake tûkaavota kûgaa ûthingu wa Ngai.

Afil 3:9

tûtuîke kîndû kîmwe nake viû. Rîu ndiîthagîrwa nîrî na ûthingu wakwa nie mwene ûrîa umanaga na watho. Nîrî na ûthingu wa Ngai, ûrîa ûvecanagwa nîûndû wa gwîtîkia Jesû Kristû. Ûthingu ûcio uumaga kûrî Ngai na njîra ya wîtîkio.

2Ath 1:5

Maûndû mama monthe nîmonanagia atî Ngai atucanagîra ciira na kîvooto. Na nîûndû wa ûguo nîmûgaatuîka agîrîru a gûtonya ûthamakirî wa Ngai ûrîa mûthînagua nîûndû wa guo.

1Tim 4:8

Kûmenyeria mwîrî gwîka maûndû nîguo ûgîe na vinya nî ûndû mwaro, nwatî kwîmenyeria gwîka maûndû marîa mangîtûma ûgîe na vinya wa kîîroho kûrî vata na njîra cionthe, nîûndû nîkûretagîra mûndû kîîrîgîrîro mwoyorî ûyû tûrî naguo rîu na mwoyorî ûrîa ûgaaûka.

2Pet 1:1

Nie Simoni Petero ndungata na mûtûmwa wa Jesû Kristû, nîramwandîkîra mue andû arîa mavetwe wîtîkio wa goro wata ûrîa tûrî naguo na njîra ya ûthingu wa Ngai wetû na wa Mûvonokia wetû Jesû Kristû.

2Pet 1:11

Na njîra îno nîmûkaamûkîrwa na ûtaana ûthamakirî wa tene na tene, wa Mwathani na Mûvonokia wetû Jesû Kristû.