Mathaayo 5:48 - ÎVUKU RÎA ÛVORO MWARO

⁴⁸ Kwoguo, nwa nginya mwîthagîrwe mûrî akinyanîru wata ûrîa Îthe wenyu wa Îgûrû ethagîrwa arî mûkinyanîru!

Mathaayo 5:48 ပူးပေါင်းရင်းမြစ်များ

Kîam 17:1

Rîrîa Aburamu aarî na ûkûrû wa mîaka mîrongo kenda na kenda (99), Ngai-Mûnene nîwamumîrîre na akîmwîra atîrî, “Nînie Ngai mwene vinya wonthe. Mbathîkagîra na wîthagîrwe ûrî mûthingu vîndî cionthe.

2Sam 22:31

Ciîko cia Ngai ûyû nî nginyanîru, nacio ciîranîro ciake nî cia kwîvokeka! Nîke ngo ya arîa onthe macaragia ûtethio wake.

Thaburi 37:37

Taroria andû arîa aro, na athingu; andû arîa marî thayû marî njiarwa nyîngî.

Alawi 11:44

Nie nînie Ngai-Mûnene, Ngai wenyu na nwanginya mwîkare mûrî atheru nîûndû nîrî mûtheru.

Alawi 19:2

“Îra andû onthe a Isiraeli atî methîrwe marî atheru nîûndû Nie Ngai-Mûnene, Ngai wenyu nîrî mûtheru.

Alawi 20:26

Mue mûrî akwa na mûkethagîrwa mûrî atheru nîûndû Nie, Ngai-Mûnene nîrî mûtheru. Nîmûthuurîte kuuma gatagatî ka ndûrîrî irîa ciîngî nîguo mûtuîke akwa kîûmbe.

Mathaayo 5:16

Na njîra wata îno tigani ûtheri wenyu ûmûrîkagîre andû onthe, nîguo moone ciîko cienyu mbaro, na makumie Îthe wenyu ûrîa wî Îgûrû.

Mathaayo 5:45

nîguo mwonanagie atî mwî ciana cia Îthe wenyu ûrîa ûrî îgûrû. Nîûndû ke nîke ûtûmaga riûa rîake rîarîre andû arîa aro na arîa acûku, na akauria mbura kûrî andû arîa mekaga waro, na arîa mekaga naaî.

Mathaayo 5:47

Na ethîrwa mwaragîria tu wa arata enyu, anga kûrî na ûndû mweka ûtekagwa nî andû arîa engî? Wana andû arîa matetîkîtie Ngai nîmekaga wa guo.

Luka 6:36

Kwoguo îgucanagîrani ntha wata ûrîa îthe wenyu amwîgucagîra ntha.

Luka 6:40

Gûtirî mûrutwa ûngîneneva gûkîra mwarimû wake, nwatî mûrutwa wa wonthe angîthomithua viû atuîkaga ta mwarimû wake.

2Akor 13:11

Mûthiiarî ariû na aarî a Vava, tigwani na waro. Thondekani mîkarîre yenyu, athîkagîrani ûrîa mbugîte. Îgucanagani mûndû na ûrîa wîngî, îkaragani na thayû. Nake Ngai ûrîa ûvecanaga wendani na thayû akethagîrwa namue.

2Akor 13:9

Tue nîtûkenaga rîrîa tûtarî na vinya namue mûrî na vinya. Kwoguo ûrîa tûvoyaga nî atî mûtuîke agîrîru.

2Akor 7:1

Arata etû ciîranîro ino cionthe nî tue tûthondekeretwe. Kwoguo tigani twîtherie kuuma kûrî ûndû wa wonthe ûrîa ûtûmaga mwîrî na roho ciîkare itarî ntheru. Tigani twîthagîrwe tûrî atheru viû na njîra ya gûtûûra twîtigîrîte Ngai.

Aefeso 3:1

Nîûndû wa gîtûmi gîkî, nie Paûlo njovetwe nîûndû wa gûtungatîra Jesû Kristû, nîmvoyaga Ngai nîûndû wenyu mue andû a Ndûrîrî.

Gûco 18:13

Îthagîrwani mûrî evokeku kûrî Ngai-Mûnene Ngai wenyu vîndî cionthe.

Gûco 27:10

Kwoguo athîkagîrani Ngai-Mûnene Ngai wenyu na mwathîkagîre maathani make monthe marîa ngûmûva ûmûnthî.”

Akol 1:28

Kwoguo nîtwanagîrîra kûrî andû onthe ûvoro wîgiî Kristû. Nîtûmataaraga na tûkamathomithia tûgîtûmagîra ûûgî wonthe ûrîa tûrî naguo nîguo tûmarete mbere ya Ngai marî agima na marî na ngwatanîro na Kristû.

Akol 4:12

Epafara ûrîa umîte kûu kwenyu nîwamûkethia. Ke nî ndungata ya Jesû Kristû na nîamûvoyagîra mûno vîndî cionthe, atî mwîkarage mûrî agima na mûtarî na nganja wîtîkiorî wenyu na mûkîathîkagîra wendi wa Ngai.

Jakuvu 1:4

Tigani kûmîrîria kwenyu kûmûtongoragie maûndûrî monthe mûtakûgwa, nîguo mwîthagîrwe mûrî akinyanîru na mûrî agima na mûtarî na kîndû mûturîte.

1Joh 3:3

Mûndû wa wonthe wîrîgîrîrîte Kristû nîethagîrwe arî mûtheru wata ûrîa Kristû arî mûtheru.