Mathaayo 5:42 - ÎVUKU RÎA ÛVORO MWARO

⁴² Ethîrwa mûndû nwa akûvoe kîndû mûve, na ethîrwa nwa agûkove kîndû mûkovithie.

Mathaayo 5:42 ပူးပေါင်းရင်းမြစ်များ

Thaburi 37:21

Andû arîa aganu mavoyaga kîndû na maticokagia, nwatî andû arîa athingu nîatana na nîmavecanaga indo ciao.

Nthi 19:17

Mûndû ûrîa ûvecaga mûthîni kîndû, nîta gûkovithia Ngai-Mûnene, Ngai-Mûnene nîakaamûrîva nîûndû wa ciîko ciake.

Nthi 21:26

Andû arîa aganu vîndî cionthe meriragîria ûrîa mangîgîa, nwatî andû arîa athingu mavecanaga na ûtaana.

Mûvunjia 11:6

Vanda mbegû mûgûndarî waku kîraûko na kîvwaî, nîûndû ndwîcî irîa igaakûthatûka nî cia kîraûko kana nî cia kîvwaî.

Danieli 4:27

Kwoguo Mûthamaki wetû, nakûthaitha wîtîkîre mataaro makwa. Tiga kwîvia na gwîka maûndû ma waganu, na wambîrîrie gwîka maûndû ma ûthingu na kwîguîra andû arîa athîni ntha. Weka ûguo, wavota kwongererwa mavinda ma gûtûûra wîganîrîte.”

Mathaayo 5:41

Na mûndû angîkûringîrîria ûmûkuîre mûrigo kilomita îmwe, mûkuîre kilomita igîrî.

Luka 11:41

Vandû va gwîka ûguo, vecagani athîni ûtethio na indo cionthe cienyu nî igûtuîka ntheru.

Aroma 12:20

Vandû va ûguo, mandîko matheru maugîte mwagîrîrwe nî gwîka atîrî, “Ethîrwa mûndû ûrîa mûrî na ûthû nake nî mûvûtu mûve gîa kûrîa. Ethîrwa nî mûnyondu mûve kîndû gîa kûnyua, nîûndû weka ûguo nîtakwa wamwigîrîra makara marî na mwaki kîongorî gîake.”

Ahib 13:16

Mûtikariganîrwe nî gwîka waro na gûtethania mûndû na ûrîa wîngî, nîûndû mama nîmo magongoona marîa makenagia Ngai.

Ahib 6:10

Ngai nî wa kîvooto. Nama akaaririkanaga wîra ûrîa mwarutire, na wendo ûrîa mwonanirie nîûndû wa rîîtwa rîake. Mue nîmwatungatîre akristiano arîa engî na nwa mûrathiî na mbere kûmatungatîra.

Jakuvu 1:27

Ndini îrîa Ngai Vava atucaga ntheru na îtarî na ûcuke nî kûmenyerera ciana cia ndigwa na aka a ndigwa mathînarî mao, na kwîgirîrîria maûndû marîa macûku ma nthî.