Mathaayo 5:29 - ÎVUKU RÎA ÛVORO MWARO

²⁹ Kwoguo, riitho rîaku rîa ûrîo rîngîtûma wîvie, rîkûûre na ûrîte! Nî kava wîkare ûtarî na kîîga kîmwe Kîam mwîrî, gûkîra mwîrî waku wonthe wikue îcuarî.

Mathaayo 5:29 ပူးပေါင်းရင်းမြစ်များ

Ayubu 20:13

Ndendaga gûtiganîria maûndû mau macûku, ekaraga amaigîte kanyua,

Mathaayo 10:28

Mûtigetigîre andû arîa maûragaga mwîrî, nwatî matingîûraga mwoyo. Vandû va ûguo îtigîreni Ngai ûrîa ûngikia mwîrî wana mwoyo îcuarî na agaicûkangia.

Mathaayo 11:6

Kûrathimwa nî andû arîa matagîcaga na nganja nîûndû wakwa!”

Mathaayo 16:26

Kûrî umithio ûrîkû wa mûndû kûgîa na ûtonga wa nthî yonthe nwatî acoke aûrwe nî mwoyo wake? Gûtirî kîndû wana kîmwe mûndû angîkûûranania mwoyo wake nakîo.

Mathaayo 17:27

Nwatî tue tûtirenda kûrakaria andû aya. Na kwoguo thiî îriarî na wikie ndwano. Warîkia kûnyita nthamaki ya mbere, mîvingûre kanyua ka yo na nîûkwona mbeca. Mbeca îo nîmbîganu ya kûrîva gooti ya hekarû; mîoce na ûthiî ûrîve gooti yakwa na yaku.”

Mathaayo 19:12

Nî kûrî itûmi ngûrani irîa igiragia andû amwe mavikanie: andû amwe maaciarirwe marî ngaramba, engî nî andû maamatuire ngaramba, nao engî maregaga kûvikania nîûndû wa Ûthamaki wa Ngai. Mûndû ûrîa ûngîvota kwamûkîra kîthomo gîkî, nîakîamûkîre.”

Mathaayo 23:15

“Na kaî mue arimû a Watho na Afarisai mûrî na thîna-î! Mvinga ino. Mue mûringaga maria na mûgatuîkania mavûrûri nîguo mûgarûre mûndû ûmwe atuîke wa ndini yenyu. Na vîndî îrîa mwamûgarûra, nîmûtûmaga atuîke wa gûgaaikua îcuarî maita maîrî ma ûrîa mue mûgaaikua.

Mathaayo 23:33

Mue njoka na ciana cia njoka! Mûkaavota atîa kûûra nîguo mûtikathiî îcuarî!

Mathaayo 5:22

Nwatî rîu nîramwîra atî, mûndû wa wonthe ûrakaraga nî ûndû wa mûrwang'ina nîagaatuîrwa, na mûndû wa wonthe ûrumaga mûrwang'ina nîagaacirithua nî Kîamma, na mûndû wa wonthe wîtaga ûrîa wîngî, ‘Kîrimû gîkî!’ nîagaaikua mwakirî wa îcua.

Mathaayo 5:30

Nayo njara yaku ya ûrîo îngîtûma wîvie, mîtinie na ûmîte! Nî kava wîkare ûtarî na kîîga kîmwe Kîam mwîrî waku, gûkîra mwîrî waku wonthe wikue îcuarî.

Maariko 8:36

Kûrî na wega ûrîkû wa mûndû agîe na ûtonga wa nthî yonthe nwatî acoke aûrwe nî mwoyo wake?

Luka 12:5

Nie nîngûmwonia ûrîa mwagîrîrwe nî gwîtigîra. Îîtigagîreni Ngai ûrîa wîthagîrwa arî na ûvoti wa kûûraga mûndû na akamwikia îcuarî. Nîramwîra na ma atî, ûcio nîke mwagîrîrwe nî gwîtigîra!

Aroma 6:6

Nîtwîcî atî ûmûndû wetû wa tene nîwambirwe mûtharavarî vamwe na Kristû nîguo vinya wa mwîrî ûrîa wîvagia ûthirue na tûtigacoke gûtuîka ngombo cia mevia.

Aroma 8:13

Nîûndû mwatûûra mwathagwa nî maûndû ma mwîrî nîmûgaakua. Nwatî ethîrwa na njîra ya Roho nîmûkûûraga ciîko cienyu njûku irîa mwîkaga, nîmûgûtûûra mwoyo.

1Akor 9:27

Ndukaga mwîrî wakwa ngaûtua ngombo yakwa nîguo nie mwene ndigatuîke wa kûregwa vuva wa kwîthîrwa mvunjîrîtie andû arîa engî.

Agal 5:24

Nao arîa metanîtue na Kristû Jesû nîmaûragîte ûmûndû wao wa vamwe na ngumba na merirîria maguo macûku.

Akol 3:5

Kwoguo ûragani merirîria marîa mûrî namo ma maûndû ma gûkû nthî. Namo nî: ûmaraa, ûûra nthoni, ûtûrîka, kûgîa na merirîria macûku na gûkoroka (nîûndû gûkoroka nî ta kûvoya ngai cia mîvuanano).