Mathaayo 5:25 - ÎVUKU RÎA ÛVORO MWARO

²⁵ “Ethîrwa nî kûrî mûndû ûrakûthitanga nî ûndû atî nîûmwîkîte ûndû mûcûku, geria mwîgucane nake mbere ya mûkinya îgootirî, nîûndû wona mwakinya kuo nîagûkûnenganîra kûrî mûcirithania nake akûnenganîre kûrî athigari na wikue njeera.

Mathaayo 5:25 ပူးပေါင်းရင်းမြစ်များ

Ayubu 22:21

“We Ayubu, îgucanani na Ngai nîguo ûgîe na thayû; weka ûguo ûkonaga maûndû maro.

Thaburi 32:6

Kwoguo andû onthe arîa makûrûmagîrîra nîmakûvoyage vîndî cionthe, vîndî îrîa mathîna maûka ta mwîcûro wa manjî, matigaakinyagîrîrwa nî mo.

Nthi 25:8

ndûkavinyûre kûûvira îgootirî; nîûndû mûthiiarî mûndû wîngî angîruta ûira wa kwonania atî we ûrî na mavîtia, ûgaacoka wîke atîa?

Mathaayo 26:58

Nake Petero nîwaumire Jesû vuva arî varaca, nginya magîkinya nja ya mûciî wa Mûthînjîri-Ngai mûnene. Nîwekarire vau nja marî na arangîri nîguo one ûrîa gûgwîkara.

Luka 18:3

Na wa kûu îtûûrarî rîu, kwarî na mûndûmûka wa ndigwa watindaga akîthiî kûrî mûcirithania ûcio na akamûthaithaga athikîrîrie ivooto ciake akîmwîraga atîrî, ‘Nie nîrenda ûndethererie ciirarî îno nthitangîtwe nayo nî nthû yakwa!’

2Akor 6:2

Ngai augîte atîrî: “Rîrîa kavinda gaakinyire gakwa ga gûgwîka waro nie nînaakwîguire; rîrîa mûthenya wakinyire wakwa wa gûkûvonokia nie nînaagûtethirie.” Tathikîrîria! Gaka nîko kavinda karîa kagîrîru, ûmûnthî nîguo mûthenya wa kûvonokua!

Ahib 12:17

Mue, nîmwicî atî vuvarî, Esaû nîwendaga îthe amûrathime. Nwatî îthe ndaamûrathima, nîûndû Esaû ndaavota kwona ûndû wa kûgarûra ûrîa eekîte wana ethîrwa nîwaûcaragia akîrîraga methori.

Ahib 3:13

Vandû va ûguo, ûmanagîrîriani mûndû na ûrîa wîngî mûthenya wa mûthenya rîrîa rîonthe kiugo “Ûmûnthî” gîkaagwetagwa gîkîaria ûvoro ûmwîgiî nîguo gûtikagîe mûndû wana ûmwe gatagatîrî kenyu ûkaaûmia ngoro nîûndû wa mevia.

Ahib 3:7

Kwoguo wata ûrîa Roho Mûtheru augîte atîrî, “Ûmûnthî mûngîgua mûgambo wa Ngai,