Mathaayo 28:17 - ÎVUKU RÎA ÛVORO MWARO

¹⁷ Na rîrîa maamwonire, nîmaamûgoocire wana gûtuîka amwe gatagatîrî kao maarî na nganja.

Mathaayo 28:17 ပူးပေါင်းရင်းမြစ်များ

Thaburi 2:12

mûgooceni mwînyivîtie, nîguo ndakarakare na îvenya, mûkua mûtakinyitie. Kûrathimwa nî andû onthe arîa mathiîcaga kûrî Ngai amagitîre.

Thaburi 45:11

na mûthamaki nîakûgucîrîrua nî ûthaka waku; nîke mwathi waku, kwoguo nwanginya ûmwathîkagîre.

Mathaayo 16:28

Nîramwîra nama atî kûrî na andû amwe marûngamîte ava matagaakua mbere ya moona Mûrû wa Mûndû agîûka arî Mûthamaki.”

Mathaayo 28:9

Na wa rîmwe Jesû nîwaumîrîre aka acio na akîmeera atîrî, “Gîani na thayû.” Nao nîmaathiîre kûrî ke na makîmûgooca manyitîte magûrû make.

Maariko 16:11

Rîrîa Mariamu aameerire atî Jesû aarî mûriûku na atî ke aarî mûmwonu, matiamwîtîkia.

Maariko 16:13

Nao nîmaacokire kûrî arutwa arîa engî na makîmera atî o nîmona Jesû nwatî matietîkia.

Maariko 16:14

Na mûthiiarî, Jesû nîwaumîrîre arutwa arîa îkûmi na ûmwe vîndî îrîa meekarîte metharî makîrîa irio. Nake nîwamatetirie mûno nîûndû wa gûtura wîtîkio, kûmia ngoro ciao na kûrega gwîtîkia arîa maamwonete ariûka.

Johana 5:23

nîguo andû onthe matîîage Mûriû wata ûrîa matîîaga Îthe. Mûndû wa wonthe ûtatîîaga Mûriû, ndatîîaga Îthe ûrîa wamûtûmire.

Ciîko 1:3

Vuva wa gûkua gwake Jesû nîweyonithanirie na njîra nyîngî atî aarî mwoyo. Îvindarî rîa mîthenya mîrongo îna kuuma akua nîwamaumîrîre na akîmeera ûvoro wîgiî Ûthamaki wa Ngai.

1Akor 15:6

Kristû nîwacokire akiumîrîra etîkia makîria ya magana matano. Eengî gatagatîrî kao marî mwoyo, nwatî amwe nî akuû.