Mathaayo 27:51 - ÎVUKU RÎA ÛVORO MWARO

⁵¹ Nakîo gîtambaa gîa hekarû nîgîatûkanire maita maîrî, kuuma îgûrû nginya nthî. Nayo nthî nîyainainire namo mathiga magîatûkanga.

Mathaayo 27:51 ပူးပေါင်းရင်းမြစ်များ

2Maû 3:14

Nîwatumire gîtambaa Kîamro na ndigi cia rangi wa vururu, njambarawe na rangi ndune gîa kûgaania vandû varîa vatheru mûno. Nîwagemirie gîtambaa kîu na mîvuano ya akerubi.

Thaburi 18:15

Îria nîrîanyaarire nthî, nayo mîcingi ya nthî nîyonekire, rîrîa wagûkirie nthû ciaku, we Ngai-Mûnene, na ûkîmagûkia ûrî na marakara.

Thaburi 18:7

Nthî nîyagîre na kîthingithia na îkinaina, itina cia irîma wana cio nîciainainire, nîûndû Ngai aarî mûrakaru.

Ntha 40:21

Nîwatonyirie îthandûkû rîa kîrîkanîro îgemarî rîa Ngai-Mûnene agîcuria gîtambaa akîgaania varîa rîarî wata ûrîa Ngai-Mûnene aathîte Musa.

Isaia 25:7

Îgûrû rîa kîrîma gîkî nîkuo Ngai-Mûnene akaathengutîria andû onthe gîtambaa kîrîa kîmakunîkîrîte, gîtambaa kîrîa gîkunîkîrîte mavûrûri monthe.

Alawi 16:2

Nîwamwîrire atîrî, “Îra mûrwanyûkwe Aroni ndagaûkage vandû varîa vatheru Mûno vuva wa gîtambaa wa rîrîa akwenda, nwatî aûkage vîndî îrîa mbagîrîru, nîûndû vau nîvo mbîthagîrwa nîrî îgûrû rîa gîkunîko Kîam îthandûkû rîa kîrîkanîro. Arega kûmbathîkîra nîagaakua.

Alawi 21:23

Nwatî nîûndû mûthînjîri-Ngai ûcio arî na wonje, ndagîrîrwe nî gûkuvîvîria gîtambaa kîrîa kîtheru kana akuvîvîria metha ya kîgongoona. Ndagîrîrwe nî kûgwatia indo icio ntheru gîko, nîûndû Nie nînie Ngai-Mûnene na nînie nîitheragia.”

Habakuku 3:10

Irîma ciakwonire igîtetema, gûkîgîa na mwîcûro wa manjî kuuma maturî. Manjî ma îria kûrîa kûriku makîruruma, na magikia makûmbî ma manjî na îgûrû.

Habakuku 3:13

Nîwaumire ûkîthiî kûvonokia andû aku, ûkîthiî kûvonokia mûthamaki rûrîa wathuurîte. Nîwakinyangire mûtongoria wa andû arîa aganu, na ûkîthiria arûmîrîri ake onthe.

Ndari 4:5

“Ngai-Mûnene nîwerire Musa atîrî, mûkiumagara kuuma îgemarî, Aroni na avîcî ake magaatonyaga îgemarî na magooca gîtambaa kîrîa kîrî mbere ya îthandûkû rîa kîrîkanîro makînakunîkîra îthandûkû rîu na kîo.

Mathaayo 27:54

Rîrîa mûnene wa athigari îgana na athigari arîa maarî nake marangîrîte Jesû meegwire kîthingithia, na makîona maûndû marîa mengî monthe meekîkire, nîmaamakire na makiuga atîrî, “Na ma mûndû ûyû ararî Mûriû wa Ngai!”

Mathaayo 28:2

Na wa rîmwe nîkwagîre na kîthingithia kînene. Nake Mûraika wa Mwathani nîwanyûrûrûkire kuuma îgûrû, akîvingiritia îthiga na akîrîkarîra.

Maariko 15:38

Vîndî wa îo gîtambaa gîa hekarû nîgîatûkanire maita maîrî, kuuma îgûrû nginya nthî.

Luka 23:45

nakîo gîtambaa Kîam hekarû gîgîatûkana maita maîrî.

Luka 23:47

Vîndî îrîa mûnene wa athigari îgana oonire ûrîa gwekîka, nîwakumirie Ngai akiugaga atîrî, “Na ma mûndû ûyû ararî mûthingu!”

Ahib 6:19

Ûndû ûcio twîthagîrwa twîrîgîrîrîte nîûtûmaga twîkarage tûkîgucaga tûrî agitîre. Kîîrîgîrîro kîu nî Kîam ma na kîrî vinya na nîgîtonyagîra gîtambaarî Kîam hekarû ya îgûrû gîgakinya ndaarî varîa vatheru.

Ahib 9:3

Vuva wa gîtambaa gîa kaîrî kûu îgemarî ndaarî kwarî na îgema rîrîa rîetagwa “Vandû varîa vatheru Mûno.”

Kûguû 11:13

Na kavinda wa kau nîkwagîre na kîthingithia kînene. Na gîcunjî kîmwe gîa îkûmi Kîam îtûûra rîu rînene nîkîagwîre, na andû ngiri mûgwanja makîûragwa. Andû arîa maatigarire nîmaagîre na guoya nyîngî na magîkumia ûnene wa Ngai wa îgûrû.

Kûguû 11:19

Nayo hekarû ya Ngai îrîa îrî kûu îgûrû nîyavingûrirwe, na îthandûkû rîa kîrîkanîro rîkîonekana kuo. Nakuo nîgwacokire gûkîgîa na mveni, mîgambo na mîrurumo ya ngwa, kîthingithia na mbura nene ya mbembe.