Mathaayo 27:31 - ÎVUKU RÎA ÛVORO MWARO

³¹ Na rîrîa marîkirie kûmûnyûrûria, nîmaamûrutire kanjû makîmûcokia nguo ciake na makîmûvira akambwe mûtharavarî îgûrû.

Mathaayo 27:31 ပူးပေါင်းရင်းမြစ်များ

1Atha 21:10

Mwige mîkora îîrî yerekanîrîte nake nîguo îmûthitange îkîmwîraga atî nîarumîte Ngai vamwe na mûthamaki. Mûcoke mûmûrute nja ya îtûûra na mûmûûrage na mathiga.”

1Atha 21:13

Nayo mîkora îîrî nîyathiîre na îgîkara yerekanîrîte nake na nîyamûthitangire andû onthe makîgucaga atî nîarumîte Ngai vamwe na mûthamaki. Kwoguo Nabothi nîwarutirwe nja ya îtûûra na akîûragwa na mathiga.

Isaia 53:7

“Nîwavinyîrîrue na akîthînua, nwatî ndaauga wanarî ûndû. Aakirire ta ng'ondu îvirîtwe kûthînjwa, na aakirire wata ûrîa ng'ondu îkiraga vîndî îrîa guoya wayo ûrenjwa, ndaatumûra kanyua gake.

Ndari 15:35

Ngai-Mûnene nîwacokire akîra Musa atîrî, “Mûndû ûcio nwanginya aûragwe; andû onthe a Isiraeli nîmamûrage na mathiga arî nja ya kûrîa maatûûraga.”

Mathaayo 20:19

Nao nîmagaacoka mamûvecane kûrî andû a ndûrîrî nîguo mamûnyûrûrie, mamûrive na ivoko na macoke mamwambe mûtharavarî îgûrû. Nwatî mûthenya wa kathatû nîakaariûkua.”

Mathaayo 21:39

Kwoguo nîmaamûnyitire, makîmwikia nja ya mûgûnda na makîmûraga.”

Mathaayo 26:2

“Mue nîmwîcî atî kîrugo Kîam pasaka nîgîgûkinya vuva wa mîthenya îrî, na Mûrû wa Mûndû nîakûnenganîrwa akambwe.”

Maariko 15:20

Rîrîa maarîkirie kûmûnyûrûria, nîmaamûrutire nguo ya rangi ya njambarawe îrîa maamwîkîrîte na makîmûcokia nguo ciake. Nao nîmaamûrutire na nja makamwambe.

Johana 19:16

Kwoguo Pilato nîwanenganîre Jesû kûrî o nîguo mathiî makamwambe mûtharavarî. Kwoguo athigari nîmaanyitire Jesû.

Johana 19:27

Nîwacokire akîra mûrutwa ûcio atîrî, “Ûyû nîke nyûkwe.” Na kuuma vîndî îo mûrutwa ûcio nîwamwocire makîthiî gwîkara nake gwake mûciî.

Ciîko 7:58

Nao nîmaamûrutûrûrire kûu îtûûrarî rîu înene na makîmûriva na mathiga. Nao aira nîmaatigire kanjû ciao imenyereretwe nî mwanake wetagwa Saûlo.

Ahib 13:12

Nîûndû wa gîtûmi gîkî, Jesû wa nake aakwire arî nja ya îtûûra rîrîa rînene nîguo atherie andû kuuma meviarî mao na nthakame yake.