Mathaayo 27:29 - ÎVUKU RÎA ÛVORO MWARO

²⁹ Nao nîmaamûthondekere nthûmbî ya mîgua, makîmwîkîra kîongorî gîake na makîmûnyitithia karûthanju na njara yake ya ûrîo. Nîmaacokire magîturia maru mbere yake na makîmûnyûrûria makiugaga atîrî, “Wî mwaro Mûthamaki wa Ayahudi!”

Mathaayo 27:29 ပူးပေါင်းရင်းမြစ်များ

Thaburi 69:7

Njambîtue nîûndû waku, na ngecûrwa nî gîconoko.

Isaia 49:7

Ngai-Mûnene mûkûri wa Isiraeli na ûrîa Mûtheru wake, arera ûrîa ûnyararîtwe mûno, ûrîa ûmenetwe nî andû a mavûrûri na nî ndungata ya athamaki atîrî, “Athamaki nîmagaakwona na marûngame magûtîîe; anene wanao nîmakenamîrîria mothiû mao magûtîîe.” Mageeka ûguo nîûndû wa ûrîa nie Ngai-Mûnene nîrî mwîvokeku, Ûrîa Mûtheru wa Isiraeli, nîke ûkûthuurîte.

Isaia 53:3

Nîyamenirwe na îkîregwa nî andû; aarî mûndû wî kîeva na ûrîîte thîna, na agatuîka wa kwîthithîrwa nî andû; nîwamenirwe na twamwonaga ta atarî kîndû.

Jeremia 20:7

We Ngai-Mûnene nîûmveenetie nanie ngaveeneka, we ûrî na vinya kûngîra na wî mûmvootu. Mûthenya mûgima nduîkîte kîndû gîa kûthekererwa, nthekagîrîrwa nî andû onthe.

Mathaayo 20:19

Nao nîmagaacoka mamûvecane kûrî andû a ndûrîrî nîguo mamûnyûrûrie, mamûrive na ivoko na macoke mamwambe mûtharavarî îgûrû. Nwatî mûthenya wa kathatû nîakaariûkua.”

Mathaayo 26:49

Na wa rîmwe Judasi nîwathiîre kûrî Jesû na akîmwîra atîrî, “Mwarimû! Wî mwaro.” Nîwacokire akîmûmumunya.

Mathaayo 27:37

Na îgûrû rîa kîongo gîake nîmaacuririe kîmenyithia Kîamndîkîtwe ûndû ûrîa aathitangîrîtwe atî, “Ûyû nîke Jesû Mûthamaki wa Ayahudi.”

Maariko 15:17

Nîmaacokire makîmwîkîra nguo ya rangi ya njambarawe, makîthondeka nthûmbî ya mîgua na makîmwîkîra yo kîongorî gîake.

Maariko 15:18

Nao athigari nîmaambîrîrie kûmûkethia na kînyûrûri atîrî, “Wî mwaro Mûthamaki wa Ayahudi!”