Mathaayo 27:14 - ÎVUKU RÎA ÛVORO MWARO

¹⁴ Nwatî Jesû nîwaregire gûcokia wanarî ûndû. Kwoguo Pilato nîwamakire mûno.

Mathaayo 27:14 ပူးပေါင်းရင်းမြစ်များ

Thaburi 71:7

Ûtûûro wakwa ûtuîkîte kîonereria varî andû eengî, nîûndû we wî mûgitîri wakwa ûrî vinya.

Isaia 8:18

Nie vamwe na ciana irîa Ngai-Mûnene amvete nî kîonereria na rûûri kûrî andû a Isiraeli kuuma kûrî Ngai-Mûnene, mwene vinya wonthe ûrîa ûtûûraga Kîrîmarî gîa Zayuni.

Zakaria 3:8

Tathikîrîria waro, we Joshua Mûthînjîri-Ngai mûnene. Wa namue athînjîri-Ngai arîa mûtungataga vamwe nake tathikîrîriani. Mue oni a maûndû ma mavinda marîa magaaûka tathikîrîriani. Nîngûreta ndungata yakwa îrîa îtagwa Rûvûa.

Mathaayo 26:63

Nwatî Jesû ndaamatumûka, aakirire kivi. Na wa rîngî Mûthînjîri-Ngai ûrîa mûnene nîwerire Jesû atîrî, “Nie nakwatha na rîîtwa rîa Ngai ûrîa ûtûûraga Mwoyo ûtwîre kana we nîwe Mesaya Mûriû wa Ngai.”

Mathaayo 27:12

Nwatî Jesû ndaacokia ûndû îgûrû rîa maûndû marîa aathitangirwe namo nî anene a athînjîri-Ngai na athuuri.

Mathaayo 27:13

Kwoguo Pilato nîwamûririe atîrî, “Anga ndûregua maûndû mau monthe marakûthitanga namo?”

Maariko 15:5

Wana rîngî Jesû nîwaregire gûcokia wa naarî ûndû. Kwoguo Pilato nîwamakire mûno.

Luka 23:9

Kwoguo Pilato nîwaûririe Jesû ciûria nyîngî, nwatî Jesû ndaamûcokeria.

Johana 19:9

Nîwacokire agîtonya rîngî kûu nyomba na akîûria Jesû atîrî, “We wî wa kuuma kû?” Nwatî Jesû ndaamûcokeria.

1Akor 4:9

Nwatî nîrona atî Ngai nîatuigîte tue atûmwa tûrî mûthiia viû, wata andû matuîrîrîtwe kûragwa. Twîkariî ta kîrorerwa kûrî nthî yonthe ya araika na ya andû.