Mathaayo 26:75 - ÎVUKU RÎA ÛVORO MWARO

⁷⁵ Nake Petero nîwaririkanire ûrîa Jesû aamwîrîte atî, “Mbere ya ngûkû îgambe nîûkwîthîrwa ûngaanîte maita mathatû.” Nake Petero nîwaumire nja na akîrîra arî na ûrûrû mwîngî mûno.

Mathaayo 26:75 ပူးပေါင်းရင်းမြစ်များ

Mathaayo 10:33

Nwatî mûndû wa wonthe ûngaanaga mbere ya andû, wa nanie nîngaamûkaana mbere ya Vava wakwa ûrîa ûrî îgûrû.

Mathaayo 26:34

Nake Jesû nîwamwîrire atîrî, “Nîrakwîra na ma atî mbere ya ngûkû îgambe ûtukû ûyû wa ûmûnthî, nîûkwîthîrwa ûngaanîte maita mathatû.”

Mathaayo 26:74

Petero nîwambîrîrie kwîvîta akiugaga atîrî, “Nîraria ûma na Ngai amverithie ethîrwa nîraria maveeni atî nie ndiîcî mûndû ûcio!” Na kavinda wa kau ngûkû nîyagambire.

Johana 13:38

Nake Jesû nîwamûcokerie atîrî, “We wî mwîvarîriu gûkua nîûndû wakwa? Nie nîrakwîra na ma atî: mbere ya njamba ya ngûkû îgambe, nîûkwîthîrwa ûngaanîte maita mathatû.”

1Akor 4:7

Nû wagûtuire mûnene gûkîra arîa engî? Nîndûî ûrî nakîo ûtaavewa? Na ethîrwa nîkwa waveerwe, wîtîîaga nîkî takwa atarî kûvewa waveerwe?

Agal 6:1

Ariû na aarî a îthe wetû, mûndû ûmwe wa gîkundi kîenyu angîka ûndû mûcûku, mue arîa matongoragua nî Roho nîmwagîrîrwe nîkûmûrûnga na njîra ya thayû. Îîmenyagîrîreni mue ene nîguo mûtikagwe mageriorî.

1Pet 1:5

Îgai rîu nî rîenyu, mue arîa na njîra ya wîtîkio mûgitîrîtwe nî vinya wa Ngai nîûndû wa ûvonokio ûrîa ûvarîrîtue gûkaaguûrua îvindarî rîa mûthiia.