Mathaayo 26:74 - ÎVUKU RÎA ÛVORO MWARO

⁷⁴ Petero nîwambîrîrie kwîvîta akiugaga atîrî, “Nîraria ûma na Ngai amverithie ethîrwa nîraria maveeni atî nie ndiîcî mûndû ûcio!” Na kavinda wa kau ngûkû nîyagambire.

Mathaayo 26:74 ပူးပေါင်းရင်းမြစ်များ

Mathaayo 10:28

Mûtigetigîre andû arîa maûragaga mwîrî, nwatî matingîûraga mwoyo. Vandû va ûguo îtigîreni Ngai ûrîa ûngikia mwîrî wana mwoyo îcuarî na agaicûkangia.

Mathaayo 26:34

Nake Jesû nîwamwîrire atîrî, “Nîrakwîra na ma atî mbere ya ngûkû îgambe ûtukû ûyû wa ûmûnthî, nîûkwîthîrwa ûngaanîte maita mathatû.”

Mathaayo 26:73

Vuva wa kavinda kanini andû arîa maarûngamîte vau nîmaathiîre kûrî Petero na makîmwîra atîrî, “Na ma ûrî ûmwe wao nîûndû wana mwarîrie waku nîûragûcukanîrîra!”

Mathaayo 26:75

Nake Petero nîwaririkanire ûrîa Jesû aamwîrîte atî, “Mbere ya ngûkû îgambe nîûkwîthîrwa ûngaanîte maita mathatû.” Nake Petero nîwaumire nja na akîrîra arî na ûrûrû mwîngî mûno.

Mathaayo 27:25

Nakîo kîrîndî kîonthe nîgîacokirie atîrî, “Nthakame yake nî îtûcokerere na îcokerere ciana cietû.”

Maariko 14:30

Nake Jesû nîwamwîrire atîrî, “Nîrakwîra na ma atî, mbere ya ngûkû îgambe maita maîrî ûtukû ûyû wa ûmûnthî, nîûkwîthîrwa ûngaanîte maita mathatû atî we ndûmbîcî.”

Maariko 14:68

Nake Petero nîwakaanire akiugaga atîrî, “Nie ndiîcî ûguo, na ndirataûkîrwa nî ûrîa ûrauga.” Petero auga ûguo, nîwacokire akiuma varîa aarî na akîthiî ya mwîrîgarî. Na vîndî wa îo ngûkû nîyagambire.

Luka 22:60

Nwatî Petero nîwamûcokerie atîrî, “Mûndû ûyû, tenya kûndeterere, nie wana ndiramenya ûrîa ûrauga!” Kavinda wa kau aaragia, ngûkû nîyagambire.

Johana 18:27

Na wa rîngî Petero nîwakaanire. Na vîndî wa îo ngûkû îkîgamba.

Aroma 9:3

nîûndû wa andû a mûvîrîga wetû arîa tûciaranîrîtue nao. Nwa mende nyitwe nî kîrumi Kîam Ngai na ndigithanue na Kristû îthenya rîao.

1Akor 16:22

Mûndû wa wonthe ûtendete Mwathani arogwatwa nî kîrumi. Maranatha: Mwathani wetû, ûka!

Kûguû 3:19

Andû arîa nie mendete nîmakaanagia na ngamaverithia. Kwoguo gîani na kîîo na mwîrire.

Atir 17:2

Mika nîwerire ng'ina atîrî, “Tûcunjî ngiri îmwe na îgana twa sîlûva twaku tûrîa twaîirwe na ûkîruma mwîi wa tuo, taroria, nînie nîrî na tuo. Nînie naatwocire.” Nake ng'ina nîwaugire atîrî, “Ngai-Mûnene arokûrathima mûvîcîwa!”

Atir 21:18

nwatî tûtingîmava erîtu etû nîguo mamavikie nîûndû nîtwevîtire, atî mûndû wa cietû ûrîa ûkaavecana mwarî kûrî Mûbenjamini nîguo amûvikie nîakaanyitwa nî kîrumi.”