Mathaayo 26:73 - ÎVUKU RÎA ÛVORO MWARO

⁷³ Vuva wa kavinda kanini andû arîa maarûngamîte vau nîmaathiîre kûrî Petero na makîmwîra atîrî, “Na ma ûrî ûmwe wao nîûndû wana mwarîrie waku nîûragûcukanîrîra!”

Mathaayo 26:73 ပူးပေါင်းရင်းမြစ်များ

Nehemia 13:24

Nuthu ya ciana ciao ciaragia rûthiomi rwa Ashidodi kana rwa mûndû ke mwene, nwatî matingîavotire kwaria rûthiomi rwa Juda.

Mathaayo 26:72

Nake Petero nîwakaanire rîngî akiuga atîrî, “Nîraria ma na Ngai nî mûira atî nie ndiîcî mûndû ûcio!”

Mathaayo 26:74

Petero nîwambîrîrie kwîvîta akiugaga atîrî, “Nîraria ûma na Ngai amverithie ethîrwa nîraria maveeni atî nie ndiîcî mûndû ûcio!” Na kavinda wa kau ngûkû nîyagambire.

Maariko 14:70

Nwatî Petero nîwakaanire rîngî. Na kavinda kanini kavîtûka, andû arîa maarûngamîte vo nîmeerire Petero atîrî, “We nwa nginya wîthîrwe wî ûmwe wa arîa mararî nake nîûndû wî Mûgalili.”

Ciîko 2:7

Nîmaamakire mûno nginya makiugîrîria atîrî, “Anga aya onthe makwaria ûû tî a Galili!

Atir 12:6

nîmangîamwîraga atîrî, “Ta gweta kiugo gîkî, ‘Shibolethi’, nake akagweta, ‘Shibolethi,’ ” nîûndû ndangîavotaga gûkîgweta waro. Nîmaacokaga makamûnyita na makamûûragîra kûu mariûkorî ma Jorodani. Îvindarî rîu Aefiraimu ngiri mîrongo îna na igîrî (42,000) nîmaaûragirwe.