Mathaayo 26:70 - ÎVUKU RÎA ÛVORO MWARO

⁷⁰ Nwatî Petero nîwakaanire arî mbere yao onthe na akiuga atîrî, “Nie ndiîcî ûrîa we ûrauga.”

Mathaayo 26:70 ပူးပေါင်းရင်းမြစ်များ

Nthi 28:26

Mûndû ûrîa wîvokaga meciria make ke mwene nî mûritu, nwatî ûrîa ûrûmagîrîra ûûgî nîavonokaga thînarî.

Nthi 29:23

Mwîtîîo nîûtûmaga mûndû agwa, nwatî mûndû ûrîa mwînyivia nî avecagwa gîtîîo.

Nthi 29:25

Gwîtigîra andû nî gwîtonyia mûtegorî we mwene, nwatî mûndû ûrîa wîvokaga Ngai-Mûnene ethagîrwa arî mûgitîre.

Isaia 57:11

Ngai-Mûnene araûria atîrî, “Mwegucaga guoya na mûgetigîra ûrîkû, atî nîguo mûveenanie, na mûtiandirikana, wana kana mwîciria ûvoro wakwa wanarî vanini? Mwatigire kûnîîtigîra nîûndû nîngirîte kavinda karaca?

Jeremia 17:9

Ngoro ya mûndû nîîvenanagia gûkîra indo cionthe, nîkuo kuumaga waganu wonthe, gûtirî mûndû ûtaûkagîrwa nîyo.

Mathaayo 26:51

Na ûmwe wa andû arîa maarî na Jesû nîwacomorire rûviû rwake, na akîrenga gûtû kwa ngombo ya Mûthînjîri-Ngai ûrîa mûnene.

Mathaayo 26:56

Nwatî maûndû mama mekîka nîguo maûndû marîa maarîtue nî arathi mandîkorî marîa matheru mavinge.” Nao arutwa ake onthe nîmaaûrire makîmûtiganîria.

Mathaayo 26:58

Nake Petero nîwaumire Jesû vuva arî varaca, nginya magîkinya nja ya mûciî wa Mûthînjîri-Ngai mûnene. Nîwekarire vau nja marî na arangîri nîguo one ûrîa gûgwîkara.

Mathaayo 26:69

Vîndî îo Petero ekarîte vau nja ya nyomba, mwîrîtu ûmwe warî ndungata ya mûnene wa athînjîri-Ngai nîwathiîre kûrî ke na akîmwîra atîrî, “Wa nawe mûrarî na Jesû wa Galili.”

Mathaayo 26:71

Petero nîwacokire akîthiî ya mwîrîgarî. Nake mwîrîtu wîngî warî ndungata nîwamwonire na îkîra andû arîa maarûngamîte vo atîrî, “Mûndû ûyû mararî na Jesû wa Nazarethi.”

Luka 22:57

Nwatî Petero nîwakaanire akiugaga atîrî, “We mûndûmûka ûyû, tenya kûndeterere, nie wana ndiîcî mûndû ûyû!”

Aroma 11:20

Nî ûvoro wa ma. Mvûa ciakavûrangirwe nîûndû itietîkia na mue mwîthagîrwa mûrî gîcunjî Kîam mûtî ûcio nîûndû nîmwîtîkîtie. Nwatî ndûgetîîe nîûndû wa ûguo, vandû va ûguo îîtigîreni.

1Akor 10:12

Kwoguo mûndû wa wonthe ûreciria atî ke nîarûngamîte ekindîrîtie nîamenyerere ndakagwe.

Kûguû 21:8

Nwatî andû arîa iguoya, arîa matarî evokeku, arîa matarî atheru, mîtoi, arîa matharagia, arogi, arîa magoocaga mîvuanano, na arîa mavenanagia, nîmagaaikua îcuarî rîa mwaki ûrîa wakanaga na ûviriti, na nîkîo gîkuû gîa kaîrî.”