Mathaayo 26:67 - ÎVUKU RÎA ÛVORO MWARO

⁶⁷ Nao andû amwe nîmaatuîrîre Jesû mata ûthiû na makîmûriva. Engî nao nîmaamûcamûrire na mvî

Mathaayo 26:67 ပူးပေါင်းရင်းမြစ်များ

1Atha 22:24

Mûrathi Zedekia, mûvîcî wa Kenaana nîwacokire akîthiî kûrî Mikaia, akîmûcamûra rûvî ûthiû na akîmûria atîrî, “Roho wa Ngai-Mûnene anandiganîria na agîûka kwaria nawe?”

Isaia 50:6

Nînavecanire mûkurukuthu wakwa kûrî arîa maandivire, nao arîa maangûûrire nderu ciakwa ngîmavûgûrîra makai makwa, ndiathitha ûthiû wakwa atî nîguo ndigaconorithue kana nduîrwa mata.

Isaia 52:14

Wata ûrîa andû eengî maamakire rîrîa maamîonire, nîûndû ûthiû wayo warî mûcûkangie mûno na ndîekariî ta mûndû, na mûvuano wake ndwavuana ta wa mûndû;

Isaia 53:3

Nîyamenirwe na îkîregwa nî andû; aarî mûndû wî kîeva na ûrîîte thîna, na agatuîka wa kwîthithîrwa nî andû; nîwamenirwe na twamwonaga ta atarî kîndû.

Jeremia 20:2

Pashuri nîwacokire akîriva mûrathi Jeremia, akîmûthaîka na mvîngû, na akîmwiga kîvingorî Kîam mwena wa îgûrû wa Benjamini kûu nyombarî ya Ngai-Mûnene.

Maca 3:30

Nwa nginya etîkîre kûrivwa na kûrumwa.

Maca 3:45

We ûtûmîte twîkare ta mîng'aro na gîko kîrîa gîtecagwa, gatagatî ka mavûrûri monthe ma nthî.

Mika 5:1

Andû a Jerusalemu gomaniani athigari enyu vamwe, nîûndû nthû nîitûrigicîrîtie, iratharîkîra mûtongoria wa Isiraeli.

Ndari 12:14

Nwatî Ngai-Mûnene nîwacokerie Musa atîrî, “Kethîrwa îthe nîwamûtuîrîre mata ûthiû, Miriamu angîagîîre gîconoko îvinda rîa mîthenya mûgwanja. Kwoguo nîengatwe kuuma kûrîa mûtûûraga îvinda rîa kiumia kîmwe, na vuva wa ûguo acokue.”

Mathaayo 26:68

na makîmwîra atîrî, “Mesaya, we wî mûrathi! Tatwîre nî ûrîkû wakûringa.”

Mathaayo 27:30

Nao nîmaamûtuîrîre mata, magîoca rûthanju na makîmûringa kîongo.

Mathaayo 5:39

Nwatî nie nîramwîra atî: mûndû angîkûvîtîria ndûkanerîvîrîrie. Mûndû angîgûcamûra rûvî rûthîa rwaku rwa ûrîo mûvûgûrîre rûthîa rûu rwîngî wana ruo arûcamûre.

Maariko 10:34

arîa makaamûnyûrûria, mamûtuîre mata mamûrive na ivoko na mamûûrage, na vuva wa mîthenya îthatû ariûke.”

Maariko 14:65

Nao andû amwe gatagatîrî kao nîmaambîrîrie gûtuîra Jesû mata, makîmûkunîka metho, na makîmûriva na mvî makîmwîraga atîrî, “Tecirîrie nî ûrîkû wakûringa.” Arangîri wa nao nîmaamûrivire.

Maariko 15:19

Nao nîmaamûrivire kîongo na rûthanju, makîmûtuîra mata na makîmûturîria maru takwa maramûgooca.

Johana 18:22

Rîrîa Jesû aarîkirie kuga ûguo, mûrangîri ûmwe ûrîa warî vau nîwamûringire na rûvî na akîmûria atîrî, “Ûngîvota gûcokeria Mûthînjîri-Ngai mûnene ûguo atîa?”

Johana 19:3

na makathiîcaga varîa arî na makamûringa na mvî makîmwîraga atîrî, “Wî mwaro Mûthamaki wa Ayahudi!”

1Akor 4:13

Vîndî îrîa andû maria maûndû macûku matwîgiî nîtwaragia maûndû maro marîa mamegiî. Tue rîu tûtuîtwe ta takataka ya gûkû nthî. Tûtuîtwe ta gîko gîa gûkû nthî.

Gûco 25:9

mûndûmûka ûcio nîakaaruta mûndû ûcio kîratû kîmwe gîa kûgûrû gwake acoke amûtuîre mata ûthiû mbere ya atongoria a îtûûra na amwîre atîrî, ‘Ûguo nîguo mûndûmûrûme ûrîa ûregete gûciarîra mûrwang'ina ciana ekagwa.’

Ahib 12:2

Nîtûvinyûre tûroretie Jesû ûrîa arî ke Kîammbîrîria na kîrîkîro Kîam wîtîkio wetû. Nîûndû wa gîkeno kîrîa Kîamrî mbere yake, nîwaûmîrîrie gûkua mûtharavarî. Wana ethîrwa gûkua mûtharavarî warî ûndû wa gîconoko, ndoona ûcio ta ûndû. Rîu ekarîte mwena wa ûrîo wa gîtî Kîam ûnene Kîam Ngai.