Mathaayo 26:48 - ÎVUKU RÎA ÛVORO MWARO

⁴⁸ Judasi ûrîa wamûcukanîrîre nîwambîte kwîra kîrîndî atîrî, “Mûndû ûrîa ngamumunya, ûcio nîke. Mûnyiteni!”

Mathaayo 26:48 ပူးပေါင်းရင်းမြစ်များ

2Sam 3:27

Rîrîa Abineri aakinyire Heburoni, Joabu nîwamûvirire vandû keverirî vakuvî na kîvingo takwa kwarî na kaûndû eendaga kûmwîra. Nao marî wa vau Joabu nîwamundire Abineri îvu na Abineri akînakua. Joabu aaûragire Abineri nîûndû Abineri nîke waûragîte mûrwang'ina na Joabu ûrîa wetagwa Asaheli.

Thaburi 28:3

Ndûkanduîre ûndû ûmwe na andû arîa aganu, na andû arîa mekaga maûndû macûku, maragia waro nwatî mecûrîtwe nî waganu ngororî ciao.

Mathaayo 26:47

Rîrîa Jesû aaragia, Judasi ûrîa warî ûmwe wa arutwa arîa îkûmi na aîrî nîwakinyire. Aakinyire marî na andû eengî makuuîte mviû na njokoma. Nao maatûmîtwe nî anene a athînjîri-Ngai na athuuri.

Mathaayo 26:49

Na wa rîmwe Judasi nîwathiîre kûrî Jesû na akîmwîra atîrî, “Mwarimû! Wî mwaro.” Nîwacokire akîmûmumunya.

Maariko 14:44

Judasi nîwambîte kwîra kîrîndî atîrî, “Mûndû ûrîa mûkona ngîmumunya mûkaamenya nîke, na kwoguo mûkaamûnyita na mûthiî nake mûmûrangîrîte.”