Mathaayo 26:38 - ÎVUKU RÎA ÛVORO MWARO

³⁸ na akîra arutwa ake atîrî, “Nie nînîregua kîeva kîîngî mûno ngororî yakwa wa takwa nîngîkua. Îkaragani ava vamwe na nie na mûtikagwatwe nî toro.”

Mathaayo 26:38 ပူးပေါင်းရင်းမြစ်များ

Thaburi 116:3

Naarigicîrîtue nî ûgwati wa gîkuû, na ngînyitwa nî kîmako gîa kwa arîa akuû; necûrîtwe nî guoya na kîeva.

Thaburi 42:5

Nîndûî gîtûmîte ngîe na kîeva ûguo ngororî? Nîrathînîka ûguo nîkî? Nîmbiga mwîvoko wakwa kûrî Ngai, na nîngaamûkumia rîngî, ke nîke mûvonokia wakwa na Ngai wakwa.

Rwîmbo rwa Nyîmbo 5:3

Nie nîrî mûrutu nguo; nîngîîkîra nguo rîngî atîa? Nîrî mwîthambiu magûrû; nîngîmavaka gîko rîngî atîa?

Isaia 53:10

Ngai-Mûnene nîke wonire arî waro amûtivie, na atûme egue kîeva. Nîwarutire mwoyo ûtuîke îgongoona rîa kûtheria mevia, nîakoona rûciaro rwake, nîagaatûûra ûtûûro mûraca, na nîke ûkaavingia wendi wa Ngai-Mûnene.

Isaia 53:12

Kwoguo nîngaava ndungata yakwa gîtîîo ta Kîam anene, na magaane indo irîa itavîtwe na arîa marî vinya, nîûndû nîyevecanire îkue, na îgîtaranîrua na imaramari. Kûnarî ûguo, nîwakuuire mevia ma andû eengî, na akîvoera imaramari cioverwe. Nîwavoire nîguo moverwe; kana nîwathînîkire ûrîa maagîrîrîte kûthînîka.

Isaia 53:3

Nîyamenirwe na îkîregwa nî andû; aarî mûndû wî kîeva na ûrîîte thîna, na agatuîka wa kwîthithîrwa nî andû; nîwamenirwe na twamwonaga ta atarî kîndû.

Mathaayo 25:13

Nake Jesû akîrîkîrîria nîwamerire atîrî, “Îkaragani mwîmenyererete nîûndû mûtiîcî mûthenya kana îthaa.

Maariko 14:34

na akîîra arutwa ake atîrî, “Nie nîregua kîeva kîîngî mûno ngororî yakwa wa takwa nîngîkua. Îkarani ava na mûtikamame.”

Johana 12:27

“Rîu nînîrathînîka mûno ngororî yakwa, nwatî nîmbuga atîa? Nîkwa nguuga, ‘Vava ndûgetîkîre nginyîrwe nî îvinda rîîrî?’ Nwatî kîu nîkîo gîtûmi kîrîa gîatûmire mbûke gûkû nthî nîguo nginyîre îvinda rîîrî.

Aroma 8:32

Ngai ûcio ndaavota gûcaîra mûrû wake wa mûmwe, nwatî nîwamûrutire nîûndû wetû tuonthe. Ethîrwa ke nîwatûvere Mûriû, na kinthî ndagaatûva indo cionthe mbaro?

2Akor 5:21

Kristû ndaarî na mevia, nwatî nîûndû wetû Ngai nîwatûmire atuîke wa kûgaa mevia metû nîguo atî tûrî kîndû kîmwe nake tûkaavota kûgaa ûthingu wa Ngai.

Agal 3:13

Nwatî Kristû nîwatuîkire kîrumi nîûndû wetû nîguo atûkûûre kuuma kûrî kîrumi kîrîa kîretagwa nî watho. Nîûndû Mandîko matheru maugîte atîrî “Mûndû wa wonthe mwambe mûtharavarî nî mûrume nî Ngai.”

1Pet 2:24

Kristû ke mwene nîwakuuire mevia metû mûtharavarî na njîra ya mwîrî wake. Eekire ûguo nîguo maûndûrî ma wîvia twîkare ta tûrî akuû na tûtûûrage mwoyo maûndûrî ma ûthingu. Mue rîu nîmûvonetue na njîra ya ironda ciake.

1Pet 3:18

Kristû aakwire nîûndû wa mevia ma andû onthe rita rîmwe. Aarî mûthingu na nîwakwire îthenya rîa evia, nîguo atûvire kûrî Ngai. Nîwaûragirwe kîîmwîrî, nwatî kîîroho nîwagîre na mwoyo,

1Pet 4:7

Îthirîro rîa indo cionthe rîrî vakuvî. Îkaragani mwîîguîte na mwîvarîrîtie, nîguo mûvotage kûvoya.