Mathaayo 26:13 - ÎVUKU RÎA ÛVORO MWARO

¹³ Nie nîramwîra nama atî kûrîa kuonthe ûvoro mwaro ûkaavunjua nthî yonthe, ûndû ûcio ambîka nîûkaganagwa nîguo aririkanagwe.”

Mathaayo 26:13 ပူးပေါင်းရင်းမြစ်များ

Thaburi 112:6

Mûndû ûrîa mûthingu ndakaavootwa; agaatûûra aririkanagwa tene na tene.

Isaia 52:9

Mue kûndû kûrîa gûcûkangu kwa Jerusalemu, ambîrîriani kwina vamwe mûkenete. Nîûndû Ngai-Mûnene nîavoreretie andû ake, nîakûûrîte Jerusalemu.

Mathaayo 24:14

Naguo Ûvoro Mwaro wîgiî Ûthamaki wa Ngai nîûkavunjua nthî yonthe wî ta ûira kûrî andû onthe, na vuva wa ûguo îthirîro rîcoke rîkinye.

Mathaayo 28:19

Kwoguo thiîni kûrî andû onthe arîa marî nthî yonthe mûkamatue arutwa akwa. Mavatithagieni na rîîtwa rîa Îthe, na rîa Mûriû na rîa Roho Mûtheru.

Maariko 13:10

Nwatî mbere ya îvinda rîu rîkinye, nwa nginya andû onthe mavunjîrue ûvoro mwaro.

Maariko 14:9

Nîramwîra na ma atî kûrîa kuonthe Ûvoro Mwaro ûkaavunjua nthî yonthe, ûndû ûcio ambîka nîûkaaganagwa nîguo aririkanagwe.”

Maariko 16:15

Nake Jesû nîwamerire atîrî, “Thiîni nthî yonthe mûkavunjîrie andû onthe ûvoro mwaro.

Luka 24:47

Na atî rîîtwarî rîake andû a ndûrîrî cionthe cia nthî, kwambîrîria îtûûrarî rîa Jerusalemu nwa nginya mavunjîrue ndûmîrîri ya Ngai, îgiî kwîrira nîguo moverwe mevia mao.

Ciîko 10:4

Nake Korinelio nîwamûroririe amakîte mûno na akîmûria atîrî, “Nîndûî Mwathani?” Nake mûraika ûcio nîwamûcokerie atîrî, “Ngai nîwegua mavoya maku. Ke nîwona atî we nîûvothagîra athîni na nîwakûririkana.

Aroma 10:18

Nwatî nîmbûria atîrî: Nîma atî andû matirî megua ûvoro mwaro? Nîma nîmeguîte nîûndû Mandîko Matheru maugîte atîrî: “Mîgambo yao nîyathiîre nthî yonthe, na ciugo ciao igîkinya ituri cionthe cia nthî.”

Aroma 15:19

na njîra ya kûgîa na vinya wa kûringa ciama na gwîka maûndû ma magegania, na na njîra ya vinya ya Roho Mûtheru. Kwoguo kuuma Jerusalemu nthiûrûrûkîte kûndû kuonthe na ngakinya Iluriko ngîvunjagia Ûvoro Mwaro wa Kristû.

2Akor 10:18

Nîûndû andû arîa metucaga aro tîo Ngai amûkagîra, nwatî amûkagîra arîa ke atûcaga aro.

Akol 1:23

Kwoguo nwanginya mûthiî na mbere gwîkara mwîkindîrîtie wîtîkiorî wenyu na mûrî na vinya. Mwîrîgîrîro ûrîa mwagîre naguo rîrîa mwegwire ûvoro mwaro, mûtikanetîkîre wenyenyue. Nie Paûlo nîrî ndungata ya ûvoro mwaro ûrîa wîthîrîtwe ûkîvunjîrua andû a nthî yonthe.

Akol 1:6

Ûvoro mwaro wîkaraga ûkîgîcaga na maciaro na nîûvunjagua nthî yonthe. Ûndû ûyû nîmûtuîkîku wana nginya gatagatîrî kenyu, nîûndû kuuma mûthenya ûrîa mwambîrîrie kwîgua ûvoro mwaro, nîmwambîrîrie gûtaûkîrwa nî ûma wîgiî wega wa Ngai.

1Tim 2:6

Ke nîke wevecanire nîguo akûûre andû onthe kuuma meviarî. Ûndû ûcio nîwonanirie na ma kavinda karîa kaagîrîrîte atî Ngai nîwendaga andû onthe mavonoke,

Ahib 6:10

Ngai nî wa kîvooto. Nama akaaririkanaga wîra ûrîa mwarutire, na wendo ûrîa mwonanirie nîûndû wa rîîtwa rîake. Mue nîmwatungatîre akristiano arîa engî na nwa mûrathiî na mbere kûmatungatîra.

Kûguû 14:6

Nie nînaacokire ngîona mûraika wîngî agûrûkîte îgûrû rîerarî. Mûraika ûcio aarî na ûvoro mwaro wa tene na tene wa kûvunjia kûrî andû arîa matûûraga nthî, kûrî iruka cionthe, mbarî, nthiomi, na mavûrûri monthe.

1Sam 2:30

Kwoguo nie Ngai-Mûnene, Ngai wa Isiraeli nînerîrîte andû a mûciî waku wana andû a mûvîrîga waku, atî makandungatagîra marî athînjîri-Ngai vîndî cionthe. Nwatî rîu nîrauga atî ûndû ûcio ndingîtîkîria ûthiî na mbere rîngî. Vandû va ûguo, nie ngatîîaga andû arîa mandîaga, nao arîa manyararaga ngaamatucaga ta andû matarî na vata.