Mathaayo 25:5 - ÎVUKU RÎA ÛVORO MWARO

⁵ Nake mûvikania nîwacererwe nî gûkinya, na kwoguo erîtu acio nîmaambîrîrie kûgocerera na makîmama.

Mathaayo 25:5 ပူးပေါင်းရင်းမြစ်များ

Rwîmbo rwa Nyîmbo 3:1

Maita mengî ûtukû nîrî toro, nînarotire na mwendwa wakwa; nînamûcaragia, nwatî ndiamwona.

Rwîmbo rwa Nyîmbo 5:2

Naamamîte, nwatî ngoro yakwa ndîarî toro. Nînegwire mwendwa akîringaringa mûrango. Mvingûrîra mûviki wakwa mwendwa wakwa, ndutuura yakwa we mwaro viû. Kîongo gîakwa kîrî na îme, na njuîrî ciakwa irî na rûthuthuû rwa ûtukû.

Rwîmbo rwa Nyîmbo 5:3

Nie nîrî mûrutu nguo; nîngîîkîra nguo rîngî atîa? Nîrî mwîthambiu magûrû; nîngîmavaka gîko rîngî atîa?

Habakuku 2:3

Kîoneki gîkî gîetererete vîndî îrîa mbagîrîru yakîo; nî kîoneki Kîam ma kîonanagia maûndû ma mûthiia. Ethîrwa nîmaronekana magîcererwa, meterere; nama nîmagûkinya na tîmacererwa.

Mathaayo 24:48

Nwatî ethîrwa ndungata îo nî mbaganu, yo nîîkeîra na ngoro atî, Mwathi wayo nîagwîkara kavinda karaca ma agîgaacoka.

Mathaayo 25:19

“Na vuva wa gwîkara kavinda karaca, mwathi wa ndungata icio nîwacokire na akîenda kûmenya ûrîa ndungata ciekire na mbeca.

Mathaayo 25:4

Nwatî erîtu arîa maarî aûgî maakuire taa ciao, na magîkuua maguta ma kwongerera.

Mathaayo 25:6

“Na thaa thita cia ûtukû ciakinya, nîkwanîrîrwe atîrî, ‘Mûvikania nîwakinya, Ûkani mûmûtûnge!’

Mathaayo 26:40

Nake Jesû nîwacokire varîa arutwa acio athatû maarî, na akîmethîrîria marî toro. Nake nîwaûririe Petero atîrî, “Mûtingîvotire gwîkara mûtarî toro na mûvoe vamwe nanie wanarî îthaa rîmwe?

Mathaayo 26:43

Ke nîwacokire rîngî kûrîa arutwa maarî, na nîwamethîrîrie mamamiî nîûndû maarî na toro mwîngî.

Luka 1:21

Vîndî îo andû arîa meetererete Zakaria aume hekarûrî, nîmaamakire mûno na makîrigwa nî kîrîa gîatûmîte atinde kûu mûno.

Luka 12:45

Nwatî ndungata îo îngîîra atîrî, ‘Mwathi wakwa nîagwîkara kavinda karaca ma agîgaacoka,’ na yambîrîrie kûriva ndungata cia arûme na cia aka irîa irî kuo, na îcoke yambîrîrie kûrîa na kûnyua ndivei nginya îkarîwa,

Luka 18:8

Nîramwîra atî Ngai nîamatethagia na îvenya. Nwatî vîndî îrîa Mûrû wa Mûndû agaaûka gûkû nthî, nîakeethîrîria andû mamwîtîkîtie?”

Luka 20:9

Jesû nîwacokire akîva andû ngerekano îno: “Vîndî îmwe kwarî na mûndû wavandire mîthavibu mûgûndarî wake agîûkomborithia kûrî arîmi, agîcoka akîthiî vûrûrirî wîngî na agîkara kuo îvinda îraca.

Aroma 13:11

Nwanginya mwîke maûndû mama nîûndû nîmwîcî atî mavinda menyu ma kûramûka muume tororî nî makinyu. Nîûndû îvinda rîetû rîa kûvonoka rîrî vakuvî mûno gûkîra vîndî ya mbere rîrîa twetîkirie.

Aefeso 5:14

nîûndû ûndû wa wonthe ûguûrîtue cararûkû nîûtuîkaga ûtheri. Na kîu nîkîo gîtûmaga kwîrwe atîrî: “We ûmamîte ûkîra, na ûriûke ume kûrî arîa akuû, na Kristû nîagûkûva ûtheri.”

1Pet 5:8

Îkaragani mwîîguîte na mwîvarîrîtie! Nthû yenyu, na nîke Ngoma, araûrûra akîraramaga ta mûnyambû agîcaragia mûndû wa gûcûkangia.

Kûguû 2:25

Nwatî nwa nginya mwîkarage mûrî evokeku nginya rîrîa ngaaûka.