Mathaayo 25:46 - ÎVUKU RÎA ÛVORO MWARO

⁴⁶ Nao andû acio nîmakaathiî kûrîa makaaverithua tene na tene. Nao andû arîa athingu nîmakaathiî mwoyorî wa tene na tene.”

Mathaayo 25:46 ပူးပေါင်းရင်းမြစ်များ

Danieli 12:2

Andû eengî arîa makethîrwa marî mbîrîrarî nî makaariûka, amwe magîe na mwoyo wa tene na tene, nao acio engî matûûre manyamarîkaga.

Mathaayo 13:43

Nao andû arîa athingu nao nîmagaakenga ta riûa marî ûthamakirî wa Îthe wao. Mûndû wa wonthe ûrî na matû ma kwîgua nîegue!”

Mathaayo 19:16

Mûndû ûmwe nîwathiîre kûrî Jesû na akîmûria atîrî, “Mwarimû! Nî ûndû ûrîkû mwaro mbagîrîrwe nî gwîka nîguo ngaagaîrwa mwoyo wa tene na tene?”

Mathaayo 19:29

Na mûndû wa wonthe ûtigîte nyomba ciake, aa mûrwang'ina, aa mwarwang'ina, îthe, ng'ina, ciana, kana mîgûnda nîûndû wakwa, nîakaavewa indo icio maita îgana na acoke agîe na mwoyo wa tene na tene.

Mathaayo 25:41

“Mûthamaki nîagaacoka ere arîa makeethîrwa marî mwena wake wa ûmotho atîrî, ‘Nthengutîrani ava, mue arîa arume nî Ngai! Thiîni mwakirî wa tene na tene ûrîa ûthondekeretwe Ngoma na araika ake.

Mathaayo 25:45

Nake Mûthamaki nîakaamacokeria atîrî, ‘Nîramwîra nama atî vîndî îrîa mwaregire gûtethia mûndû ûrîa mûnini mûno, nînie mwaregire gûtethia.’

Luka 16:26

Wana twa ûguo wonga, gatagatîrî getû nawe nîvenje mûtaro mûnene mûno, nîguo ûrigîrîrie andû arîa mangîenda gûkîrania maume na gûkû maûkîte kûrî mue na kûrigîrîria arîa mangîenda gûkîrania maume na kûrîa mûrî maûkîte na kûrî tue.’

Johana 17:2

Nîûndû Nîwamûvere wathani wa kwatha andû onthe nîguo arîa onthe wamûveere amave mwoyo wa tene na tene.

Johana 3:36

Mûndû wa wonthe wîtîkîtie Mûriû arî na mwoyo wa tene na tene; na mûndû wa wonthe ûregete kûmwîtîkia ndakaagîa na mwoyo, nwatî agatûûra averithagua nî Ngai.

Johana 4:14

Nwatî mûndû wa wonthe ûnyunyaga manjî marîa mvecanaga, ndakaanyonda rîngî. Manjî marîa ngûva mûndû ûcio nîmatuîka ta kîthima ndaarî yake kîrîa kîtherûkaga manjî marîa ma mwoyo wa tene na tene.”

Johana 5:24

“Nie nîramwîra na ma atî: mûndû wa wonthe wîgucaga ndûmîrîri yakwa na agetîkia Ngai ûrîa wandûmire, arî na mwoyo wa tene na tene. Mûndû ûcio ndagaacirithua nî Ngai, nîûndû ke nîmumu kûrî arîa akuû na agatonya kûrî arîa marî mwoyo.

Johana 5:29

na maume mbîrîrarî ciao. Andû arîa mekîte waro nîmakaariûkua na magîe na mwoyo wa tene na tene, nwatî arîa mekîte naaî nîmakaariûkua na matuîrwe.

Johana 6:27

Mûtikenogagie mûgîcaria irio irîa icûkaga, nwatî îînogagieni mûgîcaria irio irîa itacûkaga na ivecanaga mwoyo wa tene na tene. Ino nîcio irîa mûkaavewa nî Mûrû wa Mûndû nîûndû Ngai Îthe nîwonanîtie atî nîmûmwîtîkîru.”

Johana 6:40

Nîûndû wendi wa Vava nî atî mûndû wa wonthe ûrîa wonaga Mûriû na akamwîtîkia nîwagîrîrwe nî kûgîa na mwoyo wa tene na tene. Nanie nîngaamûriûkia mûthenya wa mûthiia.”

Ciîko 13:46

Nwatî Paûlo na Baranaba nîmaaririe maûmîrîrîtie mûno na makiuga atîrî: “Kûrarî na vata kiugo Kîam Ngai Kîammbe kîvunjue kûrî mue. Nwatî nîûndû nîmwakîrega na mwetuîra wa mue ene atî mûtirona mûrî agîrîru a kûvewa mwoyo wa tene na tene, tue rîu nîtûkûmûtiga na tûthiî kûrî andû a ndûrîrî.

Ciîko 13:48

Na vîndî îrîa andû a ndûrîrî meegwire Paûlo akiuga ûguo, nîmaacanjamûkire na magîkumia ndûmîrîri ya Mwathani. Nao andû arîa maathuurîtwe nîguo magîe na mwoyo wa tene tene, nîmaatuîkire etîkia.

Ciîko 24:15

Nie nîrî na mwîrîgîrîro kûrî Ngai wata ûrîa andû aya o ene marî naguo, atî andû onthe arîa aro na acûku, nîmakaariûka.

Aroma 5:21

Kwoguo wata ûrîa mevia maathamakire na njîra ya gîkuû, nwaguo wega wa Ngai ûthamakaga na njîra ya ûthingu na ûgatûma tûgîe na mwoyo wa tene na tene na njîra ya Jesû Kristû Mwathani wetû.

Aroma 6:23

Nîûndû mûcara wa mevia nî gîkuû, nwatî kîveo kîrîa Ngai avecanaga nî mwoyo wa tene na tene mûrî rûmwe na Jesû Kristû Mwathani wetû.

Agal 6:8

Ethîrwa mûndû avandaga merirîriarî macûku ma mwîrî, agaaketha gîkuû kuuma merirîriarî mau macûku ma mwîrî. Nwatî ethîrwa avandaga ûvororî wa Roho, agaaketha mwoyo wa tene na tene.

2Ath 1:9

Nao nîmakaathînîka nîûndû Ngai nîakaamaverithia tene na tene. Nîmakaaigwa varaca na Mwathani na varaca na riiri wa ûnene wake.

1Joh 2:25

Kîveo kîrîa Kristû aatwîrîre nî mwoyo wa tene na tene.

Juda 1:21

Îkaragani mwendete Ngai wa mûgîetagîrîra Mwathani wetû Jesû Kristû. Na nîûndû wa ntha ciake nîakaamûva mwoyo wa tene na tene.

Kûguû 20:10

Nake Ngoma ûrîa wamavîtithîtie, nîwaikirue îriarî rîa mwaki na ûviriti, kûrîa nyamû na mûrathi wa maveeni maaikîtue. Nao nîmagatûûra maverithagua ûtukû na mûthenya tene na tene.

Kûguû 20:15

Na mûndû wa wonthe ûrîa rîîtwa rîake rîtaarî rîandîke îvukuurî rîa mwoyo nîwaikirue îriarî rîa mwaki.

Kûguû 21:8

Nwatî andû arîa iguoya, arîa matarî evokeku, arîa matarî atheru, mîtoi, arîa matharagia, arogi, arîa magoocaga mîvuanano, na arîa mavenanagia, nîmagaaikua îcuarî rîa mwaki ûrîa wakanaga na ûviriti, na nîkîo gîkuû gîa kaîrî.”