Mathaayo 25:29 - ÎVUKU RÎA ÛVORO MWARO

²⁹ Nîûndû mûndû wa wonthe wîna kîndû, nîakoongererwa ciîngî nyîngî, na makîrîa. Nwatî mûndû ûrîa ûtarî na kîndû, wana kîrîa kînini arî nakîo nîagaacunwa.

Mathaayo 25:29 ပူးပေါင်းရင်းမြစ်များ

Maca 2:6

Omomorete hekarû yake ta kîomba Kîam mûgûnda, nîacûkangîtie îgema rîake. Ngai-Mûnene nîathirîtie irugo cia gûkûngûîra na mîthenya ya thavatû kûu Zayuni. Arî na marakara meengî nîareganîte na mûthamaki na athînjîri-Ngai.

Hosea 2:9

Kwoguo vîndî ya maketha nîngoca maketha ma irio, na vîndî ya kûviva ndivei ndute ndivei yakwa. Nîngamûcuna nguo ciakwa cia guoya na îrîa ya goro, irîa ciatûmagîrwa gûkunîkîra njaga yake.

Mathaayo 13:12

Nîûndû mûndû ûrîa wîna kîndû nîakoongererwa na ciîngîve mûno makîria; nwatî mûndû ûrîa ûtarî na kîndû, nîagaacunwa wana kîndû kîrîa kînini arî nakîo.

Mathaayo 21:41

Nao nîmaamûcokerie atîrî, “Nî ma ke nîakaaûraga arîmi acio acûku, na acoke akomborithie arîmi engî mûgûnda ûcio arîa makaamûvecaga îgai rîake vîndî ya maketha.”

Mathaayo 25:28

Nake mwathi wa ndungata icio nîwaugire mbeca icio ciocwe na inengerwe ndungata îrîa îrî na mbeca ngiri îkûmi.

Maariko 4:25

Nake mûndû ûrîa wîna kîndû nîakoongererwa, nwatî ûrîa ûtarî nîagaacunwa wana kîrîa kînini arî nakîo.”

Luka 10:42

nwatî ûndû ûmwe tu nîguo ûravatarîka. Mariamu nîwethuurîra ûndû ûrîa wagîrîrîte na ke tî acunwa guo.”

Luka 8:18

“Kwoguo menyererani maûndû marîa mûregua, nîûndû mûndû ûrîa ûrî na indo nyîngî nîke ûkoongererwa. Nwatî mûndû ûrîa ûtarî, nîagaacunwa wa na kîrîa kînini arecirîria atî arî nakîo.”

Johana 11:48

Wona twareka athiî na mbere gwîka maûndû mama, andû onthe nîmakûmwîtîkia. Nao Aroma nîmagûcoka maûke macûkangie hekarû yetû na rûrîrî rwetû!”

Johana 15:2

Ke nîatemaga rûvûa wa ruonthe rwakwa rûrîa rûtaciaraga maciaro, na rûvûa wa ruonthe rûciaraga maciaro nîarûcaaga nîguo rûciare maciaro meengî.

Kûguû 2:5

Taririkanani kûrîa mwarî mbere ya mûgwe! Îrireni na mwîke ciîko irîa mwekaga mbere. Na mwarega kwîrira nie nîngûka kûrî mue na ndute kîndû gîa kwigîrîrwa taa varîa kîthagîrwa kîrî.