Mathaayo 25:23 - ÎVUKU RÎA ÛVORO MWARO

²³ Nake mwathi wayo nîwamîrire atîrî, ‘Nîwîkîte waro. We wî ndungata mbaro na îîvokekete. Nîwîvokekete na tûindo tûnini. Nîngûgûtua mûmenyereri wa indo nyîngî. Tonya tûkenanîre vamwe!’

Mathaayo 25:23 ပူးပေါင်းရင်းမြစ်များ

Nthi 14:35

Mûthamaki nîakenagua nî ndungata irîa irutaga wîra na ûûgî, nwatî nîaverithagia ndungata irîa irutaga wîra ûrîa ûtagîrîrîte.

Mathaayo 24:45

“Ndungata îrîa îîvokekete na mbûgî nî îrîkû? Nî îrîa îragwa nî Mwathi wayo îmenyagîrîre ndungata irîa ciîngî na îivecage irio mathaa marîa magîrîru.

Mathaayo 24:47

Nîramwîra na ma atî mwene mûciî nîakaava ndungata îo wîra wa kûmenyerera indo cionthe ciake.

Mathaayo 25:21

Nake mwathi wake nîwamwîrire atîrî, ‘Nîwîkîte waro we wî ndungata mbaro. Nîwîvokekete na tûindo tûnini, na kwoguo nîngûgûtua mûmenyereri wa indo nyîngî. Tonya tûkenanîre vamwe!’

Luka 16:10

Mûndû wa wonthe mwîvokeku na tûindo tûnini, nîakethîrwa arî na indo nyîngî. Nake mûndû ûrîa ûtarî mwîvokeku na tûindo tûnini, ethagîrwa atarî mwîvokeku na indo nyîngî.