Mathaayo 24:6 - ÎVUKU RÎA ÛVORO MWARO

⁶ Mue nîmûkegua mûrurumo wa mbaara vakuvî na mue, na wa mbaara îrîa îrî kûraca, nwatî mûtikavavûke. Maûndû ta mama nwa nginya mekîke, nwatî ûcio tîguo mûthiia wa nthî.

Mathaayo 24:6 ပူးပေါင်းရင်းမြစ်များ

Thaburi 112:7

Ke ndetigagîra kwîgua ûndû mûcûku; wîtîkio wake nî mwîkindîriu, na evokaga Ngai-Mûnene.

Isaia 12:2

Ngai nîke mûvonokia wakwa; nîke ngwîvoka na ndigeetigîra; nîûndû Ngai-Mûnene, Ngai nîamvecaga vinya; na ke mwene nîke ûmvonokagia.

Isaia 7:4

Mwîre amenyerere, akirîrîrie, ndagetigîre na ndagakue ngoro nîûndû wa marakara meengî ma Rezini, mûthamaki wa Sîria na ma Peka, mûvîcî wa Remalia. Andû acio aîrî mekariî ta ndogo ya ngû ikîvora mwaki.

Jeremia 47:6

We rûviû rwa Ngai-Mûnene! Ûgakirîrîria rî? Coka njûrarî yaku, vurûka na ûkirîrîrie.

Ezek 21:28

“We mûndû, ratha ûvoro wîgiî andû a Aamoni nîûndû wa rûmena rûrîa mamûmenete uge Ngai-Mûnene augîte atî, rûviû rwa njûra, rûviû nîrûcomoretwe nîguo rûragane. Rûtheretue mûno nîguo rûvenie ta rûveni.

Mathaayo 2:3

Na rîrîa Mûthamaki Herode eegwire ûvoro ûcio nîwatangîkire mûno ngororî yake, vamwe na andû onthe arîa maarî Jerusalemu.

Mathaayo 24:14

Naguo Ûvoro Mwaro wîgiî Ûthamaki wa Ngai nîûkavunjua nthî yonthe wî ta ûira kûrî andû onthe, na vuva wa ûguo îthirîro rîcoke rîkinye.

Mathaayo 26:54

Nwatî nwa nginya gwîkîke ûguo, nîguo Mandîko Matheru mavingue, wata ûrîa maugîte?”

Luka 21:19

Ûmîrîriani na nîmûkaavonokia mîoyo yenyu.

Luka 21:9

Rîrîa mûkeegua ûvoro wa mbaara kana mbûkanîrîro mûtigetigîre, nîûndû maûndû mau nwa nginya mambe mekîke nwatî ûguo tî kuga atî îvinda rîrî vakuvî.”

Luka 22:37

Nîûndû nîramwîra atî Mandîko Matheru marîa maugîte atîrî, ‘Nîwatuîrîrwe ûndû ûmwe na imaramari,’ nwa nginya mavingue; nîûndû maûndû marîa mandîkîtwe îgûrû rîakwa nî vîndî maravinga.”

Johana 14:1

Jesû nîwamerire atîrî, “Tigani gûtangîka ngororî cienyu. Îtîkiani Ngai na wa nanie mûmbîtîkie.

Johana 14:27

“Thayû nîguo nie nîramûtigîra; nî thayû wakwa nîramûva. Nie ndiramûva thayû wîkariî ta ûrîa ûvecanagwa nî nthî. Tigani gûtangîka ngororî cienyu kana mûgîe na guoya.

2Ath 2:2

mûtikagague meciriarî kana mûmakue nî andû mûkîragwa atî mûthenya wa Mwathani nî mûkinyu. Nwa kwîthîrwa o meciragia atî twamwîrire maûndû mama vîndî îrîa twarathaga na twamûvunjagîria kana atî nîkwa twamwandîkîre maarûa.

Kûguû 6:4

Nayo mbarathi îngî ya rangi ndune nî yaumîrire. Nake ûrîa wathiîte amîkarîrîte nîwaverwe rûtha athengutie thayû gûkû nthî nîguo andû maûragane. Nake nîwaverwe rûviû rûnene