Mathaayo 24:5 - ÎVUKU RÎA ÛVORO MWARO

⁵ Nîûndû andû eengî nîmagaaûka makiugaga atîrî, ‘Nie nînie Mesaya,’ na nîmakaavîtithia andû eengî.

Mathaayo 24:5 ပူးပေါင်းရင်းမြစ်များ

Jeremia 14:14

Nake Ngai-Mûnene nîwanjokerie atîrî, “Arathi maratûmîra rîîtwa rîakwa kwaria maveeni; nie ndianamatûma kana nîmatha, wana kana mbaria nao. Maramûrathîra cioneki cia maveeni, woni ûtarî na vata na maûndû marîa mecirîtie o ene.

Jeremia 23:21

Ngai-Mûnene arauga atîrî, “Ndianatûma arathi, nwatî nîmaavinyûrire na ndianameera wanarî ûndû nwatî nîmaarutire ûrathi.

Jeremia 23:25

Nîmbîguîte maûndû ma maveeni marîa arathi arîa maaragia maveeni marîtie mambîgiî na njîra ya rîîtwa rîakwa makiugaga atî, ‘Nîrîmûrotu! Nîrîmûrotu!’

Jeremia 37:9

Nie Ngai-Mûnene nîrauga atî mûtikeveenie mûkîîraga atî athigari a Akalidei nîmakûthiî; nama tîmathiî.

Mathaayo 24:11

Arathi eengî a maveeni nîmagaacoka meyumîrie na mavîtithie andû eengî.

Mathaayo 24:24

Nîûndû Mesaya a maveeni na arathi a maveeni nîmakeyumîria. Nîmakoonania ciama na morirû nîguo mangîvota mavîtithie andû arîa Ngai ethuurîrîte.

Johana 5:43

Nie mbûkîte na rîîtwa rîa Vava na mûtinyamûkagîra. Nwatî mûndû wîngî angîûka akîaragia ûrîa eîrîte, nwa mûmwamûkîre.

Johana 8:24

Na nîkîo namwîra atî mwona mwathiî na mbere na kwîvia, mûgaakua. Na mûgaakua mûrî wana mevia menyu angîthîrwa mûtigwîtîkia atî ‘Nie Nînie Nie’ ”

Johana 8:28

Kwoguo nîwamerire atîrî, “Vîndî îrîa mûgaaûkîrîria Mûrû wa Mûndû îgûrû, nîmûkaamenya atî ‘Nînie Nie’ na atî gûtirî ûndû wana ûmwe mbîkaga nîyathîte, nwatî mbugaga tu wa ûrîa Vava ambathîte mbuge.

1Joh 2:18

Ciana ciakwa, rîîrî nîrîo îvinda rîa mûthiia! Mue nîmwîguîte atî nthû ya Kristû nîgûka; na rîu nîkûgîte na nthû nyîngî cia Kristû. Kwoguo nîtûmenyete atî rîîrî nîrîo îvinda rîa mûthiia.

1Joh 2:22

Nû vi ûveenanagia? Nî ûrîa ûregaga atî Jesû tîke Mesaya. Mûndû ûyû nîke nthû ya Kristû na nîmûreganu na Îthe na Mûriû.

1Joh 4:3

Nwatî mûndû wa wonthe ûtaumbûraga Jesû ndarî na Roho ûrîa uumaga kûrî Ngai. Roho ûrîa arî naguo nî ûrîa uumaga kûrî nthû ya Kristû. Nîmwegwire atî nthû îo nîgûka, na rîu nî îrîkîtie gûkinya gûkû nthî.

Kûguû 13:8

Andû onthe arîa matûûraga nthî nîmakaagooca nyamû îo. Nwatî andû arîa marîîtwa mao maandîkirwe îvukuurî rîa mwoyo mbere ya nthî yûmbwa matikaamîgooca. Îvuku rîu nî rîa Gatûrûme karîa kaaûragirwe.