Mathaayo 24:47 - ÎVUKU RÎA ÛVORO MWARO

⁴⁷ Nîramwîra na ma atî mwene mûciî nîakaava ndungata îo wîra wa kûmenyerera indo cionthe ciake.

Mathaayo 24:47 ပူးပေါင်းရင်းမြစ်များ

Nthi 14:35

Mûthamaki nîakenagua nî ndungata irîa irutaga wîra na ûûgî, nwatî nîaverithagia ndungata irîa irutaga wîra ûrîa ûtagîrîrîte.

Danieli 12:3

Andû arîa aûgî magaakenga ta ûtheri wa îgûrû, nao arîa mekaga ciîko cia ûthingu nî magaakenga ta njata tene na tene.

Mathaayo 24:46

Rîrîa mwathi wayo agaaûka na ethîre ndungata îo îgîîka ûguo, nîkaarathimwa.

Mathaayo 24:48

Nwatî ethîrwa ndungata îo nî mbaganu, yo nîîkeîra na ngoro atî, Mwathi wayo nîagwîkara kavinda karaca ma agîgaacoka.

Mathaayo 25:21

Nake mwathi wake nîwamwîrire atîrî, ‘Nîwîkîte waro we wî ndungata mbaro. Nîwîvokekete na tûindo tûnini, na kwoguo nîngûgûtua mûmenyereri wa indo nyîngî. Tonya tûkenanîre vamwe!’

Mathaayo 25:23

Nake mwathi wayo nîwamîrire atîrî, ‘Nîwîkîte waro. We wî ndungata mbaro na îîvokekete. Nîwîvokekete na tûindo tûnini. Nîngûgûtua mûmenyereri wa indo nyîngî. Tonya tûkenanîre vamwe!’

Luka 12:37

Kûrathimwa nî ndungata irîa ciîthagîrîrua nî mwathi wacio itamamîte vîndî îrîa acoka. Nie nîramwîra na ma atî vîndî îrîa mwathi wacio agaacoka akamba kûruta îgooti, ameete mathiî mekare metharî na acoke amaraîre.

Luka 12:44

Nîramwîra na ma atî mwene mûciî nî akaava ndungata îo wîra wa kûrûngamîrîra indo cionthe ciake.

Luka 19:17

Nake mûnene ûcio nîwamwîrire atîrî, ‘Nîwaro ndungata yakwa mbaro! We ûrî mwîvokeku na kaûndû kanini, rîu ûkaathanaga matûûrarî îkûmi.’

Johana 12:26

Mûndû wa wonthe ûndungatagîra nwa nginya anûmîrîre nîguo varîa nîrî ndungata yakwa îthagîrwe nîvo îrî wa nayo. Nake Vava agaatîîaga mûndû wa wonthe ûrîa ûndungatagîra.

2Tim 2:12

Ethîrwa nîtûkûthiî na mbere kûmîrîria, nîtûkaathana nake. Ethîrwa nwa tûmûkaane, wanake nîagaatûkaana.

1Pet 5:4

Na rîrîa Mûrîthi ûrîa Mûnene agaaûka, nîmûkaavewa nthûmbî îrî na riiri îrîa îtacûkaga.

Kûguû 21:7

Mûndû wa wonthe ûkavootana nîakaamûkîra maûndû mama kuuma kûrî nie. Nie nîngaatuîka Ngai wake, nake atuîke mwana wakwa.

Kûguû 3:21

Arîa makaavootana, nîngaamava rûtha rwa gwîkara mwenarî wakwa gîtîrî gîakwa Kîam ûthamaki wata ûrîa wananie naavootanire na rîu mbîkarîte mwenarî wa Vava gîtîrî gîake Kîam ûthamaki.