Mathaayo 24:44 - ÎVUKU RÎA ÛVORO MWARO

⁴⁴ Kwoguo mue wa namue nwa nginya mwîkarage mwîvarîrîtie vîndî cionthe, nîûndû Mûrû wa Mûndû agaûka îthaa rîrîa mûkeethîrwa mûtamwîrîgîrîrîte.

Mathaayo 24:44 ပူးပေါင်းရင်းမြစ်များ

Mathaayo 24:27

Nîûndû Mûrû wa Mûndû agaûka ta rûveni rûrîa rûvenagia îgûrû matuurî kuuma mwena wa îrathîro nginya mwena wa îthûîro.

Mathaayo 24:42

“Kwoguo îîmenyagîrîreni nîûndû mûtiîcî mûthenya ûrîa Mwathani agaaûka.

Mathaayo 24:43

Nwatî menyani waro atî, kethîrwa mwene nyomba nwa amenye thaa îrîa mwîi angîûka nyomba, nwa ekare emenyererete nîguo mwîi ûcio ndakavunje nyomba yake.

Mathaayo 25:10

Nao erîtu acio maarî aritu nîmaavinyûrire ndukarî kûgûra maguta. Rîrîa maathiîre kûgûra maguta, mûvikania nîwakinyire. Nao erîtu acio maarî aûgî nîmaatonyire vamwe na mûvikania kîrugorî Kîam ûviki, naguo mûrango ûkîvingwa.

Mathaayo 25:13

Nake Jesû akîrîkîrîria nîwamerire atîrî, “Îkaragani mwîmenyererete nîûndû mûtiîcî mûthenya kana îthaa.

Luka 12:39

Nwatî mue mwagîrîrwe nî kûmenya atî kethîrwa mwene mûciî nîwecî vîndî îrîa mwîi agaaûka ndangîarekererie mwîi ûcio avunje nyomba yake.

Luka 12:40

Wa namue îkaragani mwîvarîrîtie nîûndû Mûrû wa Mûndû agaaûka îthaarî rîrîa mûtamwîrîgîrîrîte.”

Luka 21:36

Îkaragani mwîvarîrîtie vingo cionthe na mûkîvoyaga, nîguo mûgîe na vinya wa kûmîrîria maûndû monthe marîa marî vakuvî gwîkîka, na mûgîe vinya wa kûrûngama mbere ya Mûrû wa Mûndû.”

Afil 4:5

Gûkirîrîria kwenyu nîkûmenywe nî andû onthe. Mwathani arî vakuvî gûka.

Jakuvu 5:9

Ariû na aarî a îthe wetû, tigagani gwîkara mûgîtetanagia nîguo mûtigatuîrwe. Taroriani mûtucanîri arûngamîte mûrangorî.

Kûguû 19:7

Nîtûkeneni na tûcanjamûke; nîtûkumieni ûnene wake! Nîûndû kavinda ga Gatûrûme kûgîa na mûviki nîgakinyu. Nake mûviki wake nîmwîvarîriu nîûndû waguo.