Mathaayo 24:24 - ÎVUKU RÎA ÛVORO MWARO

²⁴ Nîûndû Mesaya a maveeni na arathi a maveeni nîmakeyumîria. Nîmakoonania ciama na morirû nîguo mangîvota mavîtithie andû arîa Ngai ethuurîrîte.

Mathaayo 24:24 ပူးပေါင်းရင်းမြစ်များ

Isaia 9:15

Athuuri na andû arîa ave gîtîîo nîo ciongo, nao arathi arîa mathomithanagia maûndû ma maveeni nîo mîkia.

Mathaayo 22:14

Nake Jesû nîwarîkîrîrie atîrî, “Andû eengî nîmetîtwe, nwatî arîa athuure nî anini.”

Mathaayo 24:11

Arathi eengî a maveeni nîmagaacoka meyumîrie na mavîtithie andû eengî.

Mathaayo 24:22

Nwatî Ngai nîanyivanyivîtie mîthenya îo. Tiga nî ûguo, gûtirî mûndû ûngîgaatigara. Nwatî nîûndû wa andû ake arîa ethuurîrîte, Ngai nîakaanyivanyivia mîthenya îo.

Mathaayo 24:25

Tathikîrîriani! Nie namwîra maûndû mama mbere ya mekîke.

Mathaayo 24:31

Natuo tûrumbeta nîtûkavuvwa. Nake nîagaacoka atûme araika mathiî nthî yonthe. Nao nîmakaaûngania andû arîa Ngai ethuurîrîte kuuma gîturi kîmwe Kîam nthî nginya kîrîa kîngî.

Mathaayo 24:5

Nîûndû andû eengî nîmagaaûka makiugaga atîrî, ‘Nie nînie Mesaya,’ na nîmakaavîtithia andû eengî.

Mathaayo 7:15

“Îîmenyagîrîreni arathi a maveeni arîa maûkaga kûrî mue mekariî ta ng'ondu, nwatî ndaarî yao mekariî ta ciathi ngoroku.

Maariko 13:22

Nîûndû andû arîa metucaga Mesaya na arîa metucaga arathi nîmakeyumîria na monanie ciama na morirû nîguo kûngîvoteka mavîtithie andû arîa Ngai ethuurîrîte.

Luka 18:7

Na kinthî ûguo twaguo Ngai atethagia andû ake arîa mamûvoyaga ûtukû na mûthenya? Anga Ngai nwa arege kûmatethia na îvenya?

Johana 4:48

Jesû nîwerire karani ûcio atîrî, “Gûtirî mûndû wana ûmwe gatagatîrî kenyu ûgeetîkia atonete ciama na morirû.”

Johana 6:37

Andû onthe arîa Vava amvete nîmagûka kûrî nie. Na nie ndirî vingo ngeengata mûndû wa wonthe ûrîa ûûkaga kûrî nie.

Johana 6:39

Naguo wendi wa ûrîa wandûmire nî atî nie ndiagîrîrwe nî gûta mûndû wana ûmwe wa arîa amveere, nwatî mbagîrîrwe nîgûkaamariûkia onthe mûthenya wa mûthiia.

Ciîko 20:16

Paûlo nîwatuîte athiî avîtûkanîtie Efeso, nîûndû ke ndeendaga gwîkara kavinda karaca kûu vûrûrirî wa Asia. Eevîkîte ûguo nîguo kûngîvoteka akinye Jerusalemu mûthenya wa Pentekosto.

Aroma 12:18

Geragiani mûno wa ûrîa mûngîvota gûtûûrania na andû onthe mûrî na thayû.

Agal 4:15

Mwarî akenu mûno! Nî atîa gwekarire? Nîrî mûira atî kûngîavotekire nîmûngîakûûrire metho menyu mûkînamva.

Gûco 13:1

“Mûrathi kana mûndû ûrîa ûrotaga iroto angîûka kûrî mue na amwîre atî nîmûkûringîrwa Kîamma kana mwonue morirû,

2Tim 2:19

Nwatî mûcingi ûrîa Ngai atumîte ndûngîenyenyeka; na îgûrû rîaguo kwandîkîtwe atîrî, “Mwathani nîwîcî andû ake na mûndû wa wonthe umbûraga Mwathani nwanginya atige gwîka maûndû ma waganu.”

1Pet 1:5

Îgai rîu nî rîenyu, mue arîa na njîra ya wîtîkio mûgitîrîtwe nî vinya wa Ngai nîûndû wa ûvonokio ûrîa ûvarîrîtue gûkaaguûrua îvindarî rîa mûthiia.

2Pet 3:17

Nwatî mue arata akwa ende nîmûrîkîtie kûmenya ûguo. Kwoguo îîmenyagîrîreni mûtikaume wîtîkiorî ûcio wenyu ûrîa mwîkindîrîtie nîûndû wa kûvîtithua nî andû arîa mareganaga na watho.

1Joh 2:18

Ciana ciakwa, rîîrî nîrîo îvinda rîa mûthiia! Mue nîmwîguîte atî nthû ya Kristû nîgûka; na rîu nîkûgîte na nthû nyîngî cia Kristû. Kwoguo nîtûmenyete atî rîîrî nîrîo îvinda rîa mûthiia.

1Joh 2:22

Nû vi ûveenanagia? Nî ûrîa ûregaga atî Jesû tîke Mesaya. Mûndû ûyû nîke nthû ya Kristû na nîmûreganu na Îthe na Mûriû.

1Joh 5:18

Nîtwîcî atî gûtirî mwana wa Ngai wîkaraga akîvagia, nîûndû Mûriû wa Ngai nîamûgitagîra, na ûrîa mûcûku ndangîmwîka naaî.

Kûguû 19:20

Nayo nyamû nîyanyitirwe wa vamwe na mûrathi wa maveeni ûrîa waringaga ciama îrî vo. (Na njîra ya ciama icio, mûrathi ûcio wa maveeni nîwavîtithirie arîa maarî na rûûri rwa nyamû na maagoocete mûvuanano wayo.) Nyamû îo na mûrathi ûcio wa maveeni nîmaaikirue marî mwoyo îriarî rîa mwaki ûrîa wakanaga na ûviriti.