Mathaayo 24:17 - ÎVUKU RÎA ÛVORO MWARO

¹⁷ Nake mûndû ûrîa ûkeethîrwa arî nyomba îgûrû ndakavarûrûke na atonye nyomba kûgîra indo ciake.

Mathaayo 24:17 ပူးပေါင်းရင်းမြစ်များ

2Sam 11:2

Mûthenya ûmwe kîvwaî, Daudi nîwaûkîrire akiuma varîa aanogokaga na agîtwa îgûrû rîa nyomba ya Mûthamaki. Rîrîa aacerangaga kûu îgûrû, nîwonire mûndûmûka akîîthambia. Mûndûmûka ûcio aarî mûthaka mûno.

Ayubu 2:4

Nake Caitani nîwacokerie Ngai-Mûnene atîrî, “Gîkonde Kîam mwîrî gîkûûragwa na kîngî! Mûndû avecanaga kîrîa kîonthe arî nakîo nîguo avonokie mwoyo wake.

Mathaayo 10:27

Ûndû ûrîa nîramwîrîra ndumarî nwa nginya mûkawaria ûtherirî; na maûndû marîa mwîragwa na kîvwe, nwa nginya mûkaamanîrîra mûrî nyombarî îgûrû.

Mathaayo 24:16

Vîndî îo andû arîa makeethîrwa marî Judea nwa nginya maûre mathiî irîmarî.

Mathaayo 24:18

Na mûndû ûrîa wî mûgûndarî ndagacokere nguo ciake.

Mathaayo 6:25

“Kwoguo nîramwîra mûtigatangîke ngororî nîûndû wa kîrîa mûkûrîa kana mûkûnyua nîguo mûtûûre, kana mûtangîke nîûndû wa nguo irîa mûgwîkîra. Na kinthî mwoyo ndûrî vata gûkîra irio? Wana kinthî mwîrî ndûrî vata gûkîra nguo?

Luka 12:3

Kwoguo, ûndû wa wonthe mwanarîria ndumarî andû nîmakaawîgua ûtherirî, na ûndû wa wonthe mwanavevanîrîra mwîthithîte nyomba ndarî, nî ûkaanîrîrwa nî mûndû arûngamîte nyomba îgûrû.

Luka 5:19

Nwatî vîndî îrîa maaturire vandû va kûmûvîtûkîrîria nîûndû kîrîndî nîkîavatîkanîte mûno, nîmaatwîre nyomba îgûrû mamûkuuîte, magîcoka makîthondeka mwanya, makîmûnyûrûkîria mwanyarî ûcio wa amamîrîte kîvarî, na makîmwiga gatagatîrî ka andû vau mbere ya Jesû.

Ciîko 10:9

Na kîndû ta thaa thita cia mûthenya ûcio warûmîrîrîte wa marî rûgendorî, nîmaakinyire vakuvî na Jopa, na Petero akîthiî nyomba îgûrû kûvoya.

Gûco 22:8

“Rîrîa ûgaatuma nyomba njerû ûkaamîrigicîria na rûthingo rûkuvî mîena yonthe îgûrû rîayo nîguo mûndû wa wonthe angîgwa akue aumîte îgûrû rîayo, andû a nyomba yaku matikagwatwe nî wîvia wa kûragana.

1Sam 9:25

Na rîrîa maanyûrûrûkire makiuma vandû varîa vagoocagîrwa na makîthiî îtûûrarî, Saûlo nîwathondekerûe vandû va kûmama îgûrû rîa nyomba,