Mathaayo 23:35 - ÎVUKU RÎA ÛVORO MWARO

³⁵ Kwoguo, nîngaamûverithia nîûndû wa kûûraga andû onthe arîa athingu, kuuma kûûragwa kwa Habili nginyagia kûûragwa gwa Zakaria mûrû wa Barakia, ûrîa mwaûragîre gatagatîrî ka hekarû na metha ya kîgongoona.

Mathaayo 23:35 ပူးပေါင်းရင်းမြစ်များ

Kîam 4:8

Kaini nîwerire mûrwang'ina Abili atîrî, “Tiga tûthiî mûgûndarî.” Na rîrîa maarî mûgûndarî, Kaini nîwarakarîre mûrwang'ina Abili na akîmûraga.

2Atha 21:16

Makîria ya ûguo, Manase nîwaûragire andû eengî mûno mataarî na mavîtia nginya nthakame îgîcûra Jerusalemu kuonthe; gûtaranîria na ûrîa aatûmire andû a Juda magooce mîvuanano îrîa yatûmire mevie mbere ya Ngai-Mûnene.

2Atha 24:4

na makîria nîûndû wa andû onthe arîa aaûragîte matarî na mavîtia. Ngai-Mûnene ndangîoveere Manase nîûndû wa ûguo.

Isaia 14:21

Îîvarîrieni kûûraga ciana ciake nîûndû wa mavîtia ma methe mao, nîguo matigacoke kwatha nthî, na mamîcûrie matûûra mao.”

Isaia 26:21

Nîûndû Ngai-Mûnene nîagaaûka kuuma îgûrû kûrîa ekaraga aûke averithie andû nîûndû wa mavîtia mao. Nayo nthî nîkaaumbûra arîa maaûragirwe na ndîkaathitha rîngî arîa maaûragirwe.

Jeremia 2:30

Narutire wîra wa mana kûverithia ciana cienyu, itietîkîra kûrûngwa; ta ûrîa mûnyambû ûûragaga kîndû, nwa ta guo mwaûragire arathi enyu.

Jeremia 2:34

Nguo ciaku irî na nthakame ya athîni matarî na mevia, ndwanamethîrîria makîvunja nyomba yaku, nwatî kûnarî ûguo,

Jeremia 26:15

Nwatî menyani nama atî mwambûraga, mue na îtûûra rîîrî rîonthe atî nîmûgûcokererwa nî nthakame ya mûndû ûtarî na mavîtia, nîûndû nama nî Ngai-Mûnene wandûmire mbarie ciugo ino mûkîgucaga.”

Jeremia 26:23

Nao nîmaamûnyitire, makîmûcokia kûrî mûthamaki Jehoiakimu. Nake mûthamaki nîwamûragire na rûviû na agikia kimba gîake mbîrîrarî kûrîa kûthikagwa andû onthe.

Jeremia 26:8

Na rîrîa Jeremia arîkirie kwaria maûndû monthe marîa Ngai-Mûnene aamwathîte eere andû onthe, athînjîri-Ngai, arathi, na andû onthe nîmaamûnyitire na makiuga atîrî, “Nîûgûkua!

Zakaria 1:1

Mwerirî wa kanana mwaka wa kaîrî kuuma Dario atuîka mûthamaki, Ngai-Mûnene nîwarîrie mûrathi Zakaria mûvîcî wa Berekia, Berekia mûvîcî wa Ido na akîmwîra atîrî,

Ndari 35:33

Mûtigacûkangie vûrûri ûrîa mûtûûraga na njîra ya kûragana, nîûndû nthakame ya mûndû aûragîtwe nîcûkagia vûrûri. Gûtirî njîra îngî ya kûtheria vûrûri kuumana na wîvia ûcio tiga kûraga mûndû ûcio ûraganîte.

Luka 11:51

Nîmakaaverithua nîûndû wa arathi onthe arîa maanaûraga kuuma vîndî ya Habili nginya ya Zakaria ûrîa waûragirwe arî gatagatî ka metha ya kîgongoona kîtheru na hekarû. Îni nie nîramwîra na ma atî, andû a rûciaro rûrû nîmakaaverithua nîûndû wa kûûraga andû acio onthe.

Ciîko 5:28

na akîmeera atîrî, “Tue tûramûkaanirie na vinya tûkîmwîra mûtikathomithanie na rîîtwa rîa mûndû ûcio. Nwatî mue ta roriani ûrîa mwîkîte! Mue mûthomithanîtie Jerusalemu kuonthe, na mûrenda tûcokwe nî nthakame ya mûndû ûcio!”

Ahib 11:4

Wîtîkio nîguo watûmire Abili ategera Ngai îgongoona rîaro gûkîra rîrîa Kaini aategire. Nîûndû wa gwîtîkia Ngai Abili nîwatuirwe mûthingu, nîûndû Ngai nîwetîkîrire maruta make. Na njîra ya wîtîkio Abili nwa waragia wana ethîrwa nî wakuire.

Ahib 12:24

Nîmûkîte kûrî Jesû ûrîa mwîgwithania wa kîrîkanîro kîrîa gîcerû, na kûrî nthakame yake îrîa yetûrûrirwe. Nthakame îo nî îranagîra maûndû maro gûkîra ya Abili.

Kûguû 18:24

Ngai nîwaverithirie Babuloni nîûndû nthakame ya arathi, na andû a Ngai na arîa onthe manaûragwa nthî, yonekire îtûûrarî rîu înene.