Mathaayo 23:18 - ÎVUKU RÎA ÛVORO MWARO

¹⁸ Wana nîmûthomithanagia atî, ‘Mûndû angîîvîta na metha ya kîgongoona ke tî mwove nî mwîvîtwa ûcio wake. Nwatî mûndû angîîvîta na matega marîa marî metharî ya kîgongoona, ke nî mwove nî mwîvîtwa.’

Mathaayo 23:18 ပူးပေါင်းရင်းမြစ်များ

2Maû 6:22

“Mûndû angîvîtîria mûndû ûrîa wîngî na avirwe mbere ya metha yaku ya kîgongoona hekarûrî îno na evîtithue,

Ndari 30:2

“Rîrîa mûndû evîta mbere ya Ngai-Mûnene, kana eranîra na mwîvîtwa atî nîakûvingia ûndû, nwanginya avingie ûrîa eranîrîte atî nîageka.

Mathaayo 23:16

“Na kaî mue atongoria atumumu mûrî na thîna-î! Mue mûthomithanagia atîrî, ‘Mûndû angîîvîta na hekarû, ke tî mwove nî mwîvîto wake. Nwatî mûndû angîîvîta na thaavu îrîa îthagîrwa îrî hekarûrî ke nî mwove nî mwîvîto wake.’

Mathaayo 23:17

Mue irimû ino ndumumu! Nî ndûî kîrî vata makîria; nî thaavu kana nî hekarû îrîa îtûmaga thaavu îo îtuîke nyamûre?

Mathaayo 23:19

Mue atumumu aya! Nî ndûî kîrî vata makîria, nî matega kana nî metha ya kîgongoona îrîa îtûmaga matega matuîke mamûre?

Maariko 7:11

Nwatî mue mûthomithanagia atî mûndû nwa ere îthe kana ng'ina atîrî, ‘Kîndû kîrîa kîonthe nîrî nakîo, na mûngîeguna nakîo nî Koribani’ (Koribani nî ta kuga nîgîtegere Ngai).

Agal 5:3

Wa rîngî nîngwîra mûndû wa wonthe wîtîkagîra kûrua atî ke nîwagîrîrwe nî kwathîkîra watho wonthe.