Mathaayo 23:11 - ÎVUKU RÎA ÛVORO MWARO

¹¹ Mûndû ûrîa mûnene kûrî arîa engî gatagatîrî kenyu nwa nginya ethîrwe arî ndungata yenyu.

Mathaayo 23:11 ပူးပေါင်းရင်းမြစ်များ

Mathaayo 23:10

Wana mûtiagîrîrwe nî gwîtwa atongoria nîûndû mûtongoria wenyu nî ûmwe na nîke Mesaya.

Maariko 9:35

Nake Jesû nîwekarire nthî, agîîta arutwa acio îkûmi na aîrî na akîmeera atîrî, “Mûndû wa wonthe ûngîenda gûtuîka mûnene, nwa nginya enyivie na atuîke ndungata ya arîa engî.”

1Akor 9:19

Nie ndirî ngombo ya mûndû wana ûmwe; nwatî nînîtuîte ngombo ya andû onthe nîguo ngucîrîrie andû eengî wa ûrîa nîngîvota.

2Akor 11:23

Nî ndungata cia Kristû? Nie nîraria ta mûndû wa ngoma. Nwatî nîrî ndungata mbaro kûmakîra. Nie nîndutîte wîra mûmû makîria yao. Naanaikua njeera maita meengî kûmakîra, nanarivwa na ivoko mûno kûmakîra na maita meengî nie nanethîrwa nîrî vakuvî gûkua.

2Akor 4:5

Nîûndû tûtivunjagia ûvoro wetû tue ene, tûvunjagia Jesû Kristû nî Mwathani. Natue tûrî ndungata cienyu nîûndû wa Jesû.

Agal 5:13

Ariû na aarî a îthe wetû, mwetirwe nîguo mwîyathe. Nwatî mûtikanareke wîyathi ûcio wenyu ûtûme mûtongorue nî merirîria ma mwîrî. Vandû va ûguo tigani wendani ûtûme mûtungatanagîre mue ene.