Mathaayo 22:29 - ÎVUKU RÎA ÛVORO MWARO

²⁹ Nake Jesû nîwamacokerie atîrî, “Na kaî mûrî avîtiu-î! Na gîtûmi nî atî mûtiîcî mandîko matheru kana vinya wa Ngai.

Mathaayo 22:29 ပူးပေါင်းရင်းမြစ်များ

Kîam 18:14

Kûrî ûndû Ngai-Mûnene atangîvota gwîka? Wata ûrîa nauga, nî ngaacoka vuva wa mîeri kenda kuuma rîu, na Sara nîakaagîa na kamwana.”

Thaburi 17:15

Nwatî nie nîngaakwona, nîûndû nîrî mûthingu; na rîrîa ngaaramûka, nîngecûrwa nî gîkeno ngîkwona ûrîa wîkariî.

Isaia 25:8

Ngai-Mûnene nîakaathiria gîkuû tene na tene, nîakaagiria methori mothiûrî monthe na kûthirîria andû ake gîconoko nthî yonthe. Ngai-Mûnene nîke ugîte ûguo.

Isaia 26:19

Andû aku arîa akuû nîmagaatûûra mwoyo, mîîrî yao nîkaariûka! Arîa mamamîte mûtheturî nîmagaaûkîra, na maine makenete. Nîûndû îme rîa Ngai-Mûnene nî îme rîa ûtheri, nao arîa marî kwa arîa akuû nîmakaariûka.

Jeremia 32:17

“We Ngai-Mûnene! We nîwe waûmbire îgûrû na nthî na vinya waku mûnene na ûvoti waku mûnene. Gûtirî ûndû ûngîkûrema.

Hosea 13:14

Nwanginya nîmakûûre kuuma kûrî arîa akuû? Nwa nginya nîmavonokie kuuma kûrî gîkuû? We gîkuû, mûthiro waku ûrî kû? Nawe kwa arîa akuû, gûcûkangua gwaku kûrî kû? Nie ndikaameguîra ntha rîngî.

Mathaayo 22:28

Rîu-î, rîrîa arîa akuû makariûka-î, mûndûmûka ûcio agaatuîka wa û, na ariû acio onthe mûgwanja nîmaamûvikîtie?”

Maariko 12:24

Nake Jesû nîwamacokerie atîrî, “Na kaî mûrî aritu-î! Na gîtûmi nî atî mûtiîcî mandîko kana vinya wa Ngai.

Luka 1:37

nîûndû gûtirî ûndû Ngai atangîvota gwîka.”

Johana 20:9

Nginya vîndî îo matiarî ataûkîre nî mandîko matheru marîa maugîte atî nwa nginya ariûke kuuma kûrî akuû.)

Ciîko 26:8

Mue muonthe mûrî ava mûrona arî vinya gwîtîkia nîkî atî Ngai nî ariûkagia arîa akuû?

Aroma 15:4

Maûndû monthe marîa marî mandîkorî marîa matheru maandîkirwe matûthomithie, nîguo tûvote kûgîa na kîîrîgîrîro na njîra ya gûkirîrîria na kûmîrîria.

1Akor 15:34

Ambîrîriani gûtûmîra meciria menyu na njîra îrîa yagîrîrîte, na mûtige kwîvagia. Amwe gatagatîrî kenyu matiîcî Ngai. Nîrauga ûguo nîguo mûconoke.

Afil 3:21

Ke nîakaagarûra mîîrî îno yetû îkuucaga na îtarî vinya îtuîke ta mwîrî wake ûrîa ûrî na riiri. Ageeka ûguo na vinya wake ûrîa ûtûmaga athe indo cionthe.