Mathaayo 21:41 - ÎVUKU RÎA ÛVORO MWARO

⁴¹ Nao nîmaamûcokerie atîrî, “Nî ma ke nîakaaûraga arîmi acio acûku, na acoke akomborithie arîmi engî mûgûnda ûcio arîa makaamûvecaga îgai rîake vîndî ya maketha.”

Mathaayo 21:41 ပူးပေါင်းရင်းမြစ်များ

Thaburi 2:9

Nîûgaacûkangia mavûrûri marîa mengî mathire viû, ûkaamaûraga mavaragane ta nyûngû ya yûmba.’ ”

Isaia 65:15

Andû akwa arîa nthuurîte magaatûmagîra rîîtwa rîenyu rîrîa makwenda mûnyitwe nî kîrumi. Makaaugaga atî: ‘Nie Mwathani Ngai-Mûnene nîngûmûraga.’ Nwatî nîngaava ndungata ciakwa rîîtwa rîcerû.

Danieli 9:26

Îvinda rîu rîathira mûtongoria ûrîa mwamûre nî Ngai nîakaaûragwa na njîra îtarî ya kîvooto. Îtûûra rîu na hekarû nîigaacûkangua nî athigari a mbaara a mûtongoria ûrî vinya mûno. Mûthiia wa îtûûra rîu ûgaakinya ta mwîcûro wa manjî. Ngai nîarutîte watho akauga, îtûûra rîu rîthirue viû.

Zakaria 12:12

Vûrûri wonthe nîûkaagîa na kîrîro. Wa nyomba nîkaarîraga îrî yonga. Nyomba cia mbarî ya Daudi nîikaarîra irî cionga, na aka ao marî onga. Nyomba cia mbarî ya Nathani nîikaarîra irî cionga na aka ao marî onga.

Zakaria 13:8

Vûrûrirî wonthe, icunjî igîrî cia ithatû cia andû nîmagûkua, gîcunjî kîmwe Kîam ithatû nîkîo gîgaatigwa kîrî mwoyo.

Mathaayo 21:34

Na rîrîa kavinda ga gûketha thavibu gaakinyire, mûndû ûcio nîwatûmire ngombo ciake kûrî arîmi acio, nîguo imûgîrîre îgai rîake rîa maketha.

Mathaayo 21:40

Nake Jesû nîwamaûririe atîrî, “Vîndî îrîa mwene mûgûnda agaacoka, ageeka arîmi acio atîa?”

Mathaayo 21:43

Kwoguo nîramwîra atî Ûthamaki wa Ngai nîûkaarutwa kûrî mue na ûvewe andû engî arîa mekaga maûndû marîa Ngai endaga ûthamakirî wake. [

Mathaayo 3:12

Ke nîmûvarîriu gîtaararû gîa kûgûrûkia ngano, nîguo aige ngano makûmbîrî, namo macaki amavîvie na mwaki ûrîa ûtavorekaga.”

Luka 20:16

Agaaûka aûrage arîmi acio na anenganîre mûgûnda ûcio kûrî arîmi engî.” Na rîrîa andû meegwire ûguo nîmeeranire atîrî, “Ngai! Ûndû ûyû ûrorega gûtuîkîka!”

Ciîko 15:7

Na Vuva wa kwarîrîria ûndû ûcio kwa îvinda îraca, Petero nîwamerire atîrî, “Ariû na aarî a îthe wetû, mue nîmwîcî atî vingo ya tene Ngai nîwanthuurire kuuma gatagatîrî kenyu, nîguo mvunjie Ûvoro Mwaro kûrî andû a ndûrîrî. Nao nîmegwire Ûvoro Mwaro kuuma kûrî nie na magîtîkia.

Ciîko 18:6

Nao nîmaamûkararirie na makîmûruma. Kwoguo nîwarivarivire rûkûngû kuuma nguorî ciake na akîmeera atîrî, “Mwona mwarega kûvonoka, nî venyu! Nie ndirî vo! Kuuma rîu nie nîngûthiî kûrî andû a ndûrîrî.”

Ciîko 28:28

“Kwoguo nînîrenda mûmenye atî Ngai nîatûmîte ûvoro wake wa ûvonokio kûrî andû a ndûrîrî, na o nîmakûthikîrîria!”

Ciîko 28:8

Nake îthe wa Pubulio aarî gîtandarî amamîte nîûndû aarî mûrwaru mûrimû wa kûviûva mwîrî na kûvarwa. Paûlo nîwathiîre gwake nyomba, akîvoya na akîmwigîrîra njara na akîmûvonia.

1Ath 2:16

Wana nîmaageragia gûtûgiria tûtikavunjîrie andû a ndûrîrî ndûmîrîri îrîa îngîtûma mavonoke. Na njîra îno nîmarîkîtie gûkinya mûthiia wa mevia marîa matwîre mekaga. Namo marakara ma Ngai nîmakinyîte kûrî o.

Ahib 12:25

Kwoguo îîmenyerereni na mûtikarege kwîgua mûndû ûrîa ûkwaria. Andû arîa maaregire kwîgua ûrîa wavecanaga ndûmîrîri kuuma kûrî Ngai matiavonoka. Wa natue tûtingîvonoka ethîrwa nwa tûrege kwîgua ûrîa waragia kuuma îgûrû!

Ahib 2:3

Tûngîrega kûverithua atîa tûngîtiganîria ûvonokio mûnene ta ûyû? Mwathani nîke warî wa mbere kwanîrîra ûvonokio ûyû, natue nîtwamenyithirue atî nî wa ma nî arîa maamwîgwire.