Mathaayo 21:26 - ÎVUKU RÎA ÛVORO MWARO

²⁶ Nwatî wona twauga, ‘Waumîte kûrî andû,’ nîtûretigîra ûrîa andû mangîka nîûndû andû onthe metîkîtie atî Johana aarî Mûrathi.”

Mathaayo 21:26 ပူးပေါင်းရင်းမြစ်များ

Isaia 57:11

Ngai-Mûnene araûria atîrî, “Mwegucaga guoya na mûgetigîra ûrîkû, atî nîguo mûveenanie, na mûtiandirikana, wana kana mwîciria ûvoro wakwa wanarî vanini? Mwatigire kûnîîtigîra nîûndû nîngirîte kavinda karaca?

Mathaayo 11:9

Ta mbîrani mue mwathiîte kwona ndûî? Nî mûrathi? Îni! Nwatî nîmwonire mûndû warî mûnene gûkîra mûrathi.

Mathaayo 14:5

Herode nîwendaga kûûragithia Johana, nwatî nîwetigagîra Ayahudi nîûndû o meetîkîtie atî Johana aarî mûrathi.

Mathaayo 21:11

Nakîo kîrîndî nîgîacokirie atîrî, “Ûyû nîke Jesû ûrîa mûrathi, kuuma îtûûrarî rîa Nazarethi, rîrîa rîrî Galili.”

Mathaayo 21:25

Tambîrani atîrî, Johana aavatithanagia na wathani ûrîkû, warî wa kuuma kûrî Ngai kana warî wa kuuma kûrî andû?” Nao nîmaambîrîrie gûkararania o ene makîûranagia atîrî: “Nîtuga atîa? Wona twamûcokeria, ‘Warî wa kuuma kûrî Ngai,’ Nîatûûria atîrî, ‘Mwaregire gwîtîkia Johana nîkî vi?’

Mathaayo 21:27

Kwoguo nîmaacokerie Jesû atîrî, “Tue tûtiîcî.” Nake Jesû Jesû nîwamerire atîrî, “Wa nanie ndikûmwîra mbîkaga maûndû mama na wathani ûrîkû.”

Mathaayo 21:46

Kwoguo nîmaageririe kûmûnyita. Nwatî nîmeetigîre kîrîndî, nîûndû gîetîkîtie atî Jesû aarî mûrathi.

Maariko 11:32

Nwatî wona twamûcokeria atî, ‘Warî wa kuuma kûrî andû ...’ ” (Nao nîmeetigagîra nîûndû andû meetîkîtie atî Johana aarî mûrathi wa ma.)

Maariko 12:12

Nao anene a Ayahudi nîmaageririe kûmûnyita nîûndû nîmaamenyire atî nî ûvoro wao Jesû aaragia na ngerekano îo. Nwatî nîmeetigîre kîrîndî na kwaguo makîmûtiga na makîîthiîra.

Maariko 6:20

nîûndû Herode arîkia kûmenya atî Johana aarî mûndû mûthingu na mûtheru, nîwamwîtigîre, na kwoguo akîmûgitîra. Nake Herode nîwendaga kûthikîrîria Johana wana ethîrwa nîwathînîkaga mûno ngororî yake amwîgua.

Luka 20:19

Vîndî wa îo, arimû a Watho na anene a athînjîri-Ngai nîmaageririe kûnyita Jesû nîûndû nîmaaicî atî aavecanire ngerekano îo nîûndû wao. Nwatî nao nîmeetigîre andû.

Luka 20:6

Nwatî wona twauga, ‘Johana aatûmirwe nî andû,’ andû aya onthe nîmagûtûriva na mathiga nîûndû nîmetîkîtie atî Johana aarî mûrathi.”

Luka 22:2

Nao anene a athînjîri-Ngai, arimû a Watho, nîmaatuîragia ûrîa mangîûragithia Jesû na nthitho, nîûndû nîmeetigagîra andû.

Johana 5:35

Johana aakengaga ta taa yakanîte, namue nîmwendire gûkenerera ûtheri ûcio wake kavinda kanini.

Johana 9:22

Aciari ake maaugire ûguo nîûndû nîmeetigagîra Ayahudi. Ayahudi nîmaarîkîtie gwîtîkanîria atî mûndû ûrîa ûgeetîkia atî Jesû nîke Mesaya nîakeengatwa kuuma îvoerorî.

Ciîko 5:26

Kwoguo mûnene wa arangîri nîwathiîre marî na athigari na makîvira atûmwa Kîammarî. Nwatî mûnene ûcio na athigari acio matiatûmîra vinya nîûndû nîmeetigagîra matikarivwe na mathiga nî andû.